البقاء لله .....وفاة قسم كيا ...والعزاء بالداخل
السلام عليكم ورحمة من الله وبركاته
كان زمان فى قسم اسمه قسم كيا موجود على منتدى نايل موتورز المكان ده ياما جمع ناس كتير من جميع محافظات مصر وحتى بعض البلاد العربية ...اكتر شى كان مشهور بيه القسم ده هو اعضائه.
لانهم كلهم كانو حيويه ونشاط اغلبهم من الشباب المحترمة واصحاب الفكر المتحضر ....الاعضاء دول كانو فعلا بيحبو بعض بدرجه كبيرا جدا خايفين على بعض حصل بينهم توافق عجيب من ناس ميعرفوش بعض لناس بقو اكتر من اصحاب ...كان بيحصل بينهم مقابلات وتليفونات ...والموضوع خرج بره اطار انهم يملكون نفس نوع العربية .
القسم ده كان حكاية لوحده فى نايل موتورز كل اعضاء المنتدى كانو حابين يدخلو فيه لانه على طول متجدد وكل يوم تلاقى مواضيع جديده ومناقشات وقفاشات وبعض احيان مشادات لكل من يتجرا ويتكلم على عربيتهم بسوء .....
الغريب ان فى اعضاء فى اقسام تانيه سابت قسمهم وبقت معانا هنا تشاركنا مقابلاتنا وموضيعانا وده ان دل فيدل على روعه قسم كيا باعضائه الجمال ....
ومرت الايام وبقى القسم وجها كل من هو محتار فى عربيه تحمل علامة كيا وخصوصا العربية السيراتو اللى بجد خلت قسم كيا اشهر قسم فى المنتدى ....اى شى عن العربية كان موجود هنا
اى سؤال مالوش اجابة ولا حتى فى التوكيل اجابته كانت هنا ...بقى القسم مرجع لكل الناس .
اصحاب السيراتو دخلو فى سباق مع نفسهم السباق كان عن عبارة مين اكتر واحد بيخدم الناس يساعدهم سواء بقى بمواضيعه عن العربية ولا الاجابه عن استفسارتهم .
كل واحد فيهم كان همه الاول والاخير انه يكون ضمن الكوكبه العظيمة من اعضاء القسم الكل كان متحمس ونشيط .....
.ومع مرور الايام كل يوم بينضم اعضاء جدد للقسم زى ما استفادو كمان حبو انهم يفيدو وبدا العدد يكبر ويكبر كل يوم وعلى نفس االنهج الجميع يسير ...
ولكن بما ان الحياة دائما متقلبه فبطبيعه الحال حصل برده تقلب فى القسم وبقى فى صراعات ومشادات واحزاب داخل القسم وبقى القسم فى صراع داخلى
وفى اللى معجبوش الوضع فبدا انه يبعد .....وابتدى عقد القسم ينفرط من اعضاء متماسكين الى اعضاء متفككه ......الكل اخد جانب مع نفسه ونسى او تناسى ان ده بيته التانى والبيت ده ليه حقوق عليه .
ناس كتير ابتعدو والحماس قل وبالتالى المواضيع قلت والمنافسه قلت وبدا يتعرض القسم للانهيار .....
صعبان عليا انى اقول الكلام ده بس دايما الحقيقه ساعات بتكون مؤلمة ده بقى حال القسم دلقوتى ....وياالف خسارة على قسم ابتدى يموت اكلنيكيا
لكل عضو منتمى لهذا المكان فين حماسك فين مواضيعك فين مشاركتك فين تعليقتك
ما حدث للمنتدى قد حدث وعلينا الان ان نرمم هذا البيت من الداخل اولا لانه محتاج لك اكتر من ذى مضى ....
لالالالالالالالالالالالال الالالالالالالا
ليه بس يا جماعة تكبروا الموضوع أوى كده ؟؟
طب تعالوا أسألكم .... مين منكم شارك بنفس المعدل القديم ؟؟
تقريباً ولا واحد مننا .. وأنا منهم طبعاً
وكل واحد له ظروفه
ابو ليلى لغاية دلوقت ما قالش الحلوة أم الضفاير غيرت الضفيرة وللا لسة ومشكلة عربيته باعتبرها جزء من مفردات معرفتى بهذا المنتدى
نورمال ربنا يعينه ... بدأ حياته العملية وما عندوش دماغ ولا وقت علشان يشارك فى المنتدى بكثافة زى زمان
د./ أسامة دايما مشغول فى العمليات والنوبتجيات والامتحانات والرسائل
العبد لله اللى هو أنا برضه ماسك شغل جديد وبقى لى شهرين حتى مش لاقى وقت انظف الكارينز من الداخل !!!
بصراحة انا صعقت من حكاية الأحزاب اللى بتقولوا عليها دى !!!! فيه حاجة حصلت وانا ما شفتهاش واللا انا شفتها وما فهمتهاش ؟
يا ريت حد يفهمنى ولو على الخاص
وحجة تفتيت المنتدى الى اقسام دى مش داخلة دماغى بصراحة .... أنا بادخل كل الأقسام تقريباً كل مرة بادخل فيها المنتدى والاقى موضوعات جديدة فى أى قسم وباكتب مشاركات لو أعرف حاجة متعلقة بالمواضيع
ماهو الاجتماعى الناس كلها بتدخل فيه برغم اختلاف سياراتهم
وعامةً لما بيكون فيه جديد ما حدش بيتأخر عن المشاركة ... وأنا متأكد من كده
قسم كيا ما ماتش يا جماعة .... ظروفنا حالياً كده