الموضوع: Getz Club

المشاركة الأصلية كتبت بواسطة mido729

السلام عليكم ... ازيكوا يا جيتزاويه :d ... انا محمد ... معايا جيتز 2011 و عامله 48 الف كيلو ... ( محدش يقولى كتير عشان عارف و مخنوق :d ) و الحمد لله مغير الجنب اليمين قبل كده مرتين :d ... اول مره مرسيدس دخلت فى البابين اللى جمب السواق و اتغيروا فى التامين و اكتشفت بعد كده انهم متغيروش ( كارفان الرحاب ) و تانى مره نص نقل دخلت فى نفس البابين و عملتهم فى الحرفيين ... اشتريت باب امامى و الباب الخلفى اتسمكر ... و اتكلفت 1200 جنيه ساعتها ... بس الحمد لله طلعت زيرو ... و لسه مغير تيل الفرامل الامامى من اسبوع جبته من غبور شارع دمشق ب 320 جنيه ... و التركيب 15 جنيه ... عند المحل اللى قدامه ... و دلوقتى العربيه بتاكل بنزين كتير جدا ... مش زى الاول ... انا قبل كده كنت مغير البوجيهات ( فى صيانه ال 25 الف كيلو فى التوكيل فى فرع قليوب ) و لما سالت فى التوكيل دلوقتى قالى لازم تغير بوجيهات تانى و اغير فلتر البنزين و عرفت ان الفلتر بتاع البنزين فى التانك او فى العوامه مش فاكر بالظبط و فى ناس كتير خوفتنى من الموضوع ده فمش عارف اعمله فى التوكيل و امرى لله و لا فى حد مضمون بره حد منكوا غير عنده الفلتر قبل كده و لا لا ... و انا سالت عليه فى التوكيل غبور شارع دمشق برضو قالى ب 171 جنيه ... و عند البطل اللى فى دمشق برضو ب 160 و تركيب 40 جنيه ... على فكره اللى عنده اى مشكله فى المرايا ممكن يعملها عند البطل بيصلحها و بيخليها ميه ميه بصراحه ... المرايا اليمين ( مش عارف ايه المشكله بتاعت الجنب اليمين ديه عاوز ابخره :d ) بتاعتى كانت مكسوره من جوه الانتامونيا و هو خلاها زيرو و اخد 100 جنيه .... و ان شاء الله هاتابع معاكوا على طول و اللى محتاج اى حاجه خاصه بالكمبيوتر و اللابات انا تحت امره ....
اخوكوا محمد ...

وعليكم السلام ورحمة الله وبركاته
منورنا يا استاذ محمد والله وياريت نشوفك علطول ونتشرف بيك في اقرب مقابلة ان شاء الله .
اولا انا الوحيد اللى اللى مش هاقدر افتح بوقي على الكيلو متر بتاعك لاني عربيتي عاملة 189000 كيلو . فأنت كده عربيتك بالنسبة ليا زيروووووووووووووو .
انا بضم صوتي لصوتك في موضوع كرفان الرحاب لاني جربتهم قبل كده وفعلا هما من الاخر نصابين .
موضوع فلتر البنزين ده بسيط ولا تقلق منه وهو فعلا مكانه تحت الكنبة داخل التنك بتاع البنزين بس صدقني الموضوع بسيط . واضح ان انت من سكان مدينة نصر او مصر الجديدة او التجمع بما انك روحت كارفان الرحاب . يعني جاري من الاخر . في مهندس اسمه هاني وهو عامل موضوع هنا معانا في المنتدى وكان شغال في غبور وفاتح مركز في جسر السويس وانا بصراحة بتعامل معاه وبثق فيه لانه فاهم هيونداي . لو حابب ممكن اقولك مكانه فين وهاخليه يعملك خصم كمان يا عم بما انك من getz club .
مرة تانية بقولك اهلا بيك ومنور الجروب .

المشاركة الأصلية كتبت بواسطة mido729

ربنا يخليك ... و بلاش استاذ ديه احنا شباب زى بعضينا ... انا دلوقتى عملت حاجه و حاسس بفرق بس مش كبير قوى ... انا جبت البتاع اللى بينضف الانجيكشن ... Stp العلبه السوده من موبيل الرحاب اللى عند بوابه 13 اشتريتها ب 33 جنيه و فولت العربيه و طلعت على الساحل :d ... العربيه عملت حوالى 360 كيلو او 380 مش فاكر بالظبط ... عشان كنت بعمل كام مشوار ... و استهلكت بنزين لحد الشرطه اللى قبل الاخيره و التكييف شغال على طول ... عاوز اعرف ايه رايكوا فى البتاع اللى جبته ده ؟ و ياريت تقولى مكان مهندس هانى ... انا ساكن فى مدينه نصر ... بس اغلبيه الوقت فى التجمع الخامس و الرحاب ... عشان كده كنت بتعامل مع كارفان الرحاب ...

أنا ساكن في الرحاب و صيانة ال 20000 كم عملتها في كارفان الرحاب و لم اواجه اي مشاكل أو صعوبات معهم بالعكس الناس قمة في الالتزام بالمواعيد و خلصوا الصيانة في ساعة بالظبط هما بس سعرهم غالي بس زي التوكيل

لو فيه اي مشكلة ياريت تكلمني و انا أكون موجود معاك ان شاء الله

المشاركة الأصلية كتبت بواسطة mido729

ربنا يخليك ... و بلاش استاذ ديه احنا شباب زى بعضينا ... انا دلوقتى عملت حاجه و حاسس بفرق بس مش كبير قوى ... انا جبت البتاع اللى بينضف الانجيكشن ... Stp العلبه السوده من موبيل الرحاب اللى عند بوابه 13 اشتريتها ب 33 جنيه و فولت العربيه و طلعت على الساحل :d ... العربيه عملت حوالى 360 كيلو او 380 مش فاكر بالظبط ... عشان كنت بعمل كام مشوار ... و استهلكت بنزين لحد الشرطه اللى قبل الاخيره و التكييف شغال على طول ... عاوز اعرف ايه رايكوا فى البتاع اللى جبته ده ؟ و ياريت تقولى مكان مهندس هانى ... انا ساكن فى مدينه نصر ... بس اغلبيه الوقت فى التجمع الخامس و الرحاب ... عشان كده كنت بتعامل مع كارفان الرحاب ...

ماشي يا كبير بلاش استاذ
موضوع المنظف ده انا مجربتوش قبل كده لكن موهاب جربه وشكر فيه جدا مع اختلاف النوع ( هو جاب ليكوي مولي ) .
الاستهلاك ده بقى بصراحة تحس انه موضوع راكبه عفريت . انا ساعات العربية بتعمل معايا 400 كيلو بالتكييف ( التنك كله ) وساعات تعمل 460 كيلو وساعات تعمل 300 كيلو .
بص هو في حاجات كتير بتأثر في الاستهلاك زي مثلا : -
- تحميل السيارة يعني راكب فيها كام فرد وساعات كمان لو في حاجات في الشنطة تقيلة دي بتفرق في الوزن .
- السرعة اللى انت ماشي بيها . في رأي بيقول ان سرعة 90 هي اكثر سرعة اقتصادية للسيارة وفي رأي تاني بيقول ان كل سيارة بيكون ليها سرعة خاصة بيها بتكون اكتر اقتصادية . وغالبا بتكون نصف اقصى سرعة للسيارة يعني لو عدادك اخره 220 يبقى 110 هي السرعة الاقتصادية .والله اعلم .
- اتجاه الرياح لو مضاد للسيارة وفي رياح قوية طبعا بتستهلك بنزين اكتر .
- وطبعا في بلدنا الحبيبة كل بنزينة ليها طعم مختلف عن التانية وطبعا انت فاهمني .
انصحك لو معدل الاستهلاك عندك راضيك وانت حاسس انه الطبيعي ماتشغلش بالك بالموضوع ده اوي .
وحاول ماتستعملش المنظف بتاع الانجكشن بصورة متكررة وعلى فترات قريبة عشان ماتبوظش الرشاشات . يعني اعتقد كل 20000 كيلو ممكن يبقى كويس بس برضه اسال حد متخصص .