مخالفة موكب افراح

**dr-mohamed** · 17-12-2010 04:03 AM

بصراحة ومن غير زعل للاخ كاتب الموضوع انا بكره اي مكوب افراح وخصوصا اللى بيبقي فيه موتوسيكلات وفرحانين بنفسهم ويقفلوا الشارع ولا كأن الشارع ده فيه ناس ليهم حق يروحوا مصالحهم
ويا سلام لو فيه في طريقهم كوبري لازم يخلوا كل الناس تشاركهم اجباري لما بيقفلوا الكوبري
اخر مرة خبطت موتوسيكل بسبب الزفة القرف
يعني هو العريس والعروسة لو الشارع متقفلش علشان زفتهم او الكوبري اتعطل مش هيدخلوا

المهم
اللى حضرتك عملته ده يدخل تحت البند التالي في قانون المرور

مادة 72 مكرراً - تسحب رخصة القيادة، بقرار من مدير إدارة المرور المختص، لمدة لا تزيد على شهر
وتسحب رخصة تسيير المركبة بقرار من مدير إدارة المرور المختص لمدة لا تزيد علي شهر في ا وفي حالة العود إلي الفعل ذاته خلال ستة أشهر من تاريخ إعادة الرخصة تضاعف مدة السحب وفي حالة تكرار المخالفة بعد العودة تلغي الرخصة ولا تجوز إعادة الترخيص قبل مضي ثلاث سنوات وبعد توافر الشروط الواجبة لمنح الترخيص ابتداءً:
البند «أ»:

البند «ب»:
4- استعمال المركبة في مواكب خاصة أو تجمعات دون تصريح من الجهات المختصة.

**د.محمود صلاح** · 18-12-2010 07:20 AM

منتظر التفاصيل ..

**shaddadfalcon1** · 19-12-2010 10:09 AM

فكرتني بسواق عربيتنا النص نقل كان السواق راكبها والبوكس عده من جنبه لقي قدامه حفره قام رامي علي عربيتنا فمراية البوكس اتقفلت
اللي حصل ان الباشا نزل خد رخص العربيه والسواق وحط السواق في الحبس لناني يوم مع ان مفيش خدش جه في العربيه
المخالفات بقي
سرعه جنونيه مع ان الطريق كان شبه واقف
تعريض المواطنين للخطر
ركاب في الصندوق الخلفي ومكنش في حد طبعا ودي لوحدها كان فيها اعادة ترخيص يعني حوالي 2000 جنيه
حزام
وشويه حاجات تانيه كتيير

العربيه كانت في الحضانه لمدة 3 ايام وكنا مشغلينها في شركه يعني اليوم بفلوس
غرمنا اكتر من 3 جنيه في الموضوع ده غير البهدله

كان نفسي اولع في الظابط الحيوان ده