انا عارف ان في ناس هتقول جميلة و ناس ممكن تكون معترضة و تقولي بلاش و ده العادي مفيش عربية الناس مجمعة عليها انها حلوة
انا عشان الناس اللي بتقول مشاكل السى و عربية معقدة و الكلام ده انا في 3 عربيات هنا مع اصحابي
و احدة مانيوال و عاملة 120 الف و مفيش مشاكل هي حصلت حاجة بس ان العربية بتبطل لوحده دلوقتي و مش عارف اتصلحت في التوكيل بس مش بيشتكي من حاجة
واحد اليجانس عاملة 90 الف كيلو و عجباه جدا و عملت معاه حادثة قبل كده و برده عجباه جدا و مفيش مشاكل في الفتيس و لا اي حاجة ده ما عملش صيانة من 65 الف و العربية بسم الله ما شاء الله مش عايزة حاجة
على فكرة الاتنين دول اخوات و مهملين جدا في عربياتهم
التالتة توب لاين عاملة 40 الف كيلو و برده مبسوط جداااااااااااااا و اكتر من كده كمان مبسوط من منصور الهرم جدا و بيقول علية محترم و برده منصور رابعة
يعني مفيش حجم المشكاكل و التحذيرات الفظيع اللي في المنتدى هنا
المهم ندخل في الموضوع المهم جدااا و ارجو انكم تساعدوني فيه
انا بعت المازدا 3 و عايز اركب اوبل تاني و عجباني من زمان الفكترا الجديدة بس مكانش في حاجة حلوة قدامى و دلوقتي برده مفيش حاجة الناس مرة واحدة قررت انها متبيعش
الفكترا سي اللي ناس كتير هنا بتقول عليها متعبة مطلوبة و في ناس كتير عارفة قيمتها و بتدور عليها طبعا مش نفس العدد بتاع الكيا مثلا او الهيونداي بس في عدد معقول
لما ناس بتبيع و تكون معقولة في سعرها ناس كتير بتشتري يعني انا بدور على عربية سي دلوقتي و مش لاقي حاجة خالص في شوية حاجات كده بس يا عدادها كبير او حالتها وحشة
لو حد يعرف واحدة كويسة للبيع و نضيفة و عدادها معقول لاني عايزها تقعد معايا شوية حلوين اهدي بقى شوية و ابطل تغيير انا بدور على 2007 مانيوال او اول فئة في الايزيترونيك اللي هي الاليجانس