حد عنده حل للموضوع ده (بخصوص ال cover البلاستيك للمراية الجانبية)؟

**Salamonti** · 13-06-2011 05:56 PM

السلام عليكم ورحمة الله وبركاته..

لو حضرتك تعرف حد معاه عربية زي بتاعتك وتقدر تتعشم فيه أو ليك دلال عليه تبقا المشكلة محلولة..

ممكن اودي حضرتك عند واحد حبيبي أوي هايعمللك زيها فايبر جلاس بتكلفة قليلة إن شاء الله..

بس المطلوب ان يكون معانا عربية زيها عشان يعمل اسطمبة على الوش السليم اللي فيها (مش هايبوظ فيها حاجة ماتقلقش)

أو على أضعف الإيمان يكون عندك بواقي الوش المتكسر وهو هايجمعه جنب بعض زي البازل ويعمل عليه اسطمبة وحتى لة فيه حتت ناقصة مش مشكلة هو هايكملها فايبر جلاس..

الفكرة كلها أعتقد لن تتعدى حاجز الـ70 أو 75 جنيه..

لو حابب تجربها راسلني عالخاص نرتب مواعيدنا ونروح سوا بإذن الله
لأن انا كده كده كنت سايب عنده حاجة بتتعمل وعاوز اروح استلمها بس مكسل.. نشجع بعض ونروح بقا

**wael ahmed** · 13-06-2011 07:26 PM

وعليكم السلام ورحمة الله وبركاته
يا باشا والله مش عارف اقول لحضرتك ايه شكرا لذوق حضرتك واهتمامك
بس المشكله ان العربيه مع اخويا فى الغردقه
وعلى العموم انا هشوف الكفر يعمل كام جديد وهرد على حضرتك
ومرسي على اهتمامك :)

**Ashraf_Ibrahim** · 14-06-2011 03:25 AM

اعتقد تجيب الغطا النيكل وتركبه على المرايتين وهيبقا تمام اوي ومش هيكلفك اكتر من 50 جنيه يا صديقي وتبقا ريحت نفسك

**meza** · 14-06-2011 05:08 PM

المشاركة الأصلية كتبت بواسطة ashraf_ibrahim

اعتقد تجيب الغطا النيكل وتركبه على المرايتين وهيبقا تمام اوي ومش هيكلفك اكتر من 50 جنيه يا صديقي وتبقا ريحت نفسك

أنا أخدت الكفر من واحد صاحبى كان عمل حادثة و المراية أتكسرت بس الكفر فضل سليم و هو جاب مراية جديدة

شكراً على اهتمامك

**Salamonti** · 14-06-2011 08:58 PM

طب يا باشا انا جاتلي فكرة تانية..
هي انك تشتري الغطا النيكل وتوديه للبوهيجي يصنفره ويمعجنه ويرشه لون العربية !!

لو نفعت الحركة دي تبقا تمام أوي أوي ولا إيه رأيك ؟؟

**meza** · 15-06-2011 12:19 AM

المشاركة الأصلية كتبت بواسطة salamonti

طب يا باشا انا جاتلي فكرة تانية..
هي انك تشتري الغطا النيكل وتوديه للبوهيجي يصنفره ويمعجنه ويرشه لون العربية !!

لو نفعت الحركة دي تبقا تمام أوي أوي ولا إيه رأيك ؟؟

أنا كنت هعمل كده فعلاً بس مش عارف الشكل كان هيطلع ايه .. كنت هجرب و خلاص
بس أنا خلاص أخدت الغطا من واحد صاحبى و المشكلة إتحلت تمام

شكراً جزيلاً
تحياتى

**wael ahmed** · 15-06-2011 05:09 PM

المشاركة الأصلية كتبت بواسطة meza

أنا فاكر و أنا بدور فى الحرفيين .. لقيت الكفر البلاستيك للسيراتو بيتباع لوحده و الإشارة لوحدها عند بتوع قطع غيار أصلية للكيا ... كانت ب 70 ج تقريباً بس مش فاكر اوى الصراحة.

انا سألت على الغماز بتاع الاشاره ب 95 جنيه
والكفر ب 115 جنيه
والمرايه كامله ب 850 جنيه ........ الاسعار دى من شارع دمشق من محل اسمه الجندى تقريبا فى وش السجان
وسألت فى الحرفيين عند واحد بس قالى مينفعش اطلع حاجه من المرايه لازم المرايه كامله ب 750 جنيه تقريبا

-

الموضوع: حد عنده حل للموضوع ده (بخصوص ال cover البلاستيك للمراية الجانبية)؟

LinkBack

أدوات الموضوع

عرض

-

-

-

-

-

-

-

المواضيع المتشابهه

حد عنده فكره عميقه عن مشروع انتاج اكياس البلاستيك؟؟

شاشة dvd 7 inch جديدة للمراية اللى فى النص ببلوتوث و usb و ميمورى و كاميرا خلفية

استفسار بخصوص مراية الجوليت الجانبية ؟

أفضل لاصق للمراية الداخلية

الكلمات الدلالية لهذا الموضوع

المفضلات

المفضلات

ضوابط المشاركة