الموضوع: عتب الصني

مفيش برومة ولا حاجة

بتتشد عادى والله ومفيش فيها اى قلق

الحاجات دى ابسط مما يكون عن السمكرية يا جماعة ومتشلوش هم

بعد ما بيسحن حلقة حديد ويدخلها فى العتب وبيسحب بيصنفر وبيمعجن وبيقفل عادى ولا برومة ولا حاجة

ده انا كان عندى قايم بتاع الباب داخل لجوة بسبب عشة وقعة عليه وقت عمارة بولاق ابو العلا اللى وقعت فى اول السنة

والحمد لله انها وقتها جت فى القايم والبرايز بتاع العربية , وروحت الى السمكرى

قولتله القايم دخل لجوة ,,وقايم البولو مالوش مالكة من جوة عشان يستعدل منها , لقيته عنده ماسورة حديد طويلة فيها مسمار يروح يحطه فى القايم ويغرزه وبعدين الماسورة الحديد اللى فيها المسمار فيها حديدة سحب يروح شادد بيها للخلف , وعملها كذا مرة

انا شوفت المنظر كنت حعيط , بقوله ايه ده انت عمال تخرم فى الصاح , قال اصبر يا بيه , وانا واقف زى النحلة عمال الف حوالين نفسى هههههههه

بعد ما خرم خرم خرم فى الصاج صنفر ومعجن صح , ورشيت ولا اكن كان فى حاجة

الحاجات دى كلها مش مستهلة التوكيل

انتو عارفين التوكيل نظامه فى الحاجات دى عاملة ازاى

فمش كل حاجة نروح نجرى على التوكيل , التوكيل نسيبه فى مسالة الميكانيكا فقط والكهرباء

فاطمنوا