الستيكر المطط

**momo44** · 16-12-2010 07:44 PM

المشاركة الأصلية كتبت بواسطة ayman20100

منين اجيب البوستر ده بنفس اللون الاسود الكاربون ده وبكام؟؟؟؟

من عند محمد ابراهيم فى التوفيقية
سعر المتر 40 جنيه
عرض الرول 1.23 متر

**ayman20100** · 18-12-2010 07:14 PM

المشاركة الأصلية كتبت بواسطة momo44

من عند محمد ابراهيم فى التوفيقية
سعر المتر 40 جنيه
عرض الرول 1.23 متر

شكرا لردك جزاك الله خيراً

**magyver** · 10-12-2010 03:15 AM

طيب ماترشها احسن وخلاص
علشان لو حتة من اللزق اتقطعت يبقي هاتعمل واحد من اول وجديد
حتي البوية يبقي شكلها انضف
واللزق مش بيرخصوا بية لالازم بوية

**A.Saad** · 10-12-2010 06:45 AM

موضوع اللزق
معتقدش انه هيتوافق عليه فى الفحص الفنى

**smsm_nabawy** · 10-12-2010 08:10 AM

فعلاً يا جماعة ،،أتصلت أمبارح قبل منام بواحد تبعنا في المرور ،، قاللي في الفحص بتاع العربية مش حيتوافق على الأستيكر ،،

حتى لو كان نفس لون العربية ،، لأنه يعتبر ملصقات ،، و ممكن تشيله في أي وقت و يعتبر غيرت لون العربية و بالتالي موصافتها ،،

كأنههم بيتلككوا ،، هو قاللي لو أنا مصر أوي ،، أستنى لحد الرخصة متتجدد ،، و بعد كده أجددها لونين ،، و ألزق براحتي ،، بس أتقفلت و نسيت أسأله هل لو ظابط شافني في لجنة حيغلس برده ولا أيه ؟!!!!

**myoousry** · 10-12-2010 11:34 PM

انا عربيتي لونين اساسا وطبعا مثبوت في الرخصة اسود×اصفر ومن يوم لما عملت مربعات سوداء علي الكبوت و المرور مش راحمني فيه اللي بيقتنع انه اسود ومكتوب في الرخصة وفي طبعا النوع التاني الجميل اللي كلنا عارفينه بس دفعت غرامة مرة واحدة لغاية دلوقتي 40 جنيه ملصقات بس ان شاء الله ابقي اعملها رش

**smsm_nabawy** · 11-12-2010 12:20 AM

المشاركة الأصلية كتبت بواسطة myoousry

انا عربيتي لونين اساسا وطبعا مثبوت في الرخصة اسود×اصفر ومن يوم لما عملت مربعات سوداء علي الكبوت و المرور مش راحمني فيه اللي بيقتنع انه اسود ومكتوب في الرخصة وفي طبعا النوع التاني الجميل اللي كلنا عارفينه بس دفعت غرامة مرة واحدة لغاية دلوقتي 40 جنيه ملصقات بس ان شاء الله ابقي اعملها رش

اهو ده بقى بظظبط اللمشكلة ،، أن في ناس حتغلس كتير و حتبقى وجع دماغ ،، أنا أن شاء الله ناوي أعمل شوية حاجات كده و أظبط أتصالاتي ،، و أرستأ أموري في حاجات و بعد كده أقولكم ،، اللي عملته خطوة بخطوة ،، لحين كده ،، أقفلوا الموضوع خلاص //لأني مش حجرب حاجة ،، طول منا عارف أنها ممكن يكون فيها شك ...

**mbx4e** · 12-12-2010 07:31 AM

المشاركة الأصلية كتبت بواسطة hema_lancer

علشان السوكه اوي اي جزء لافف فا انت لازم تمط اللزق وعلشان يتمط يبقي لازم استشوار

مزبوط لانه بيتمدد بالحراره ويبقى مكسم ومكسي على الصاج كمان درجة الحراره بتفرق بس متسالينش ازاي و دا الفرق اللي الصنايعي بياخد عليه فلوس وبعدين ازاي تستلموا عربيه مش مزبوطه غصب عن عين امه لازم يطلعها مزبوطه ولا يتخصم فلوسها او يشيلها لو ميعرفش وكتير 500 جنيه بالمناسبه في واحد كان كريم منير عامل عنه اعلان انه بيلزق فاميه هاتلاقي الموضوع متثبت في قسم الكماليات ممكن تشوف تقابله فين وتتفق معاه على المصنعيه لانه اكيد عنده فكره هو بالمناسبه بيشتغل في الفاميه وبيتهيا لي ان فاميه او استيكر قريبين من بعض في الصنعه كمان اللي اعرفه ودي معلومة من ولد بتاع اكسسورات شفت شغله تحفه مووووت ان السخونية بتسهل اللزق وتثبته وماعتقدش انهم بيستخدموا حاجه تزحلق الاستيكر سواء ميه او غيره وعلى فكره موضوع الاستيكر دا فيه خامات
بالنسبه لموضوع المرور لو هاترخص لونين رخص الاول ولما ترخص رش ويمكن يطلبوا منك انك ترش عشان يعرفوا الشكل او الستايل و الالوان اللي في عربيتك ايه وترجع لهم تاني لازم تسال حد عامل الحوار دا عشان دا الوحيد الي يقدر يفيدك
فا رش جميع الاجزاء اللي انت ناوي تغير لونها وحفاظا على اللون ممكن تركب الاستيكر بعد ماترخص عشان تحافظ على الدهان من الخرابيش والتجريح وفي نفس الوقت الاستيكر لو معمول صح بيبقى لونه و شكله مكسم واحلى على العربيه من الرش

-

-

الموضوع: الستيكر المطط

LinkBack

أدوات الموضوع

عرض

العرض المتطور

-

-

-

-

المواضيع المتشابهه

الستيكر الجديد وصل

الستيكر الجديد وصل

الستيكر

هل الستيكر ممنوع ؟؟

الستيكر مش عايز يتشال !

الكلمات الدلالية لهذا الموضوع

المفضلات

المفضلات

ضوابط المشاركة