الموضوع: فتح عينك

السلام عليكم

انا بقالي فترة كبيرة مكتبتش في الاجتماعي المهم النهاردا كنت مسافر المنصورة المهم الطريق زي الفل المهم طلعت كوبري الجامعه عادي جدآآآآآآآآآ فكنت باخد الملف الي هيوديني علي الماشايه من تحت الكوبري تمام لحد هنا تمام عند الملف بقي كان فيه لجنه عادي جدآآآآآآآ انا راكب ولابس ومتحزم بس مش علي واحده ونص لا حزام الامان بصيت لقيت اللامين بيوقفني ايه يا ريس عاوز ايه الرخص وتعالا كلم الظابط ماشي في ايه بس لما تكلم الظابط انا طبعآآآآآآ حاسس اني مش عامل اي مخالفه روحت للظابط قولت هيعملي مخالفه امن ومتانه بساله في ايه يا باشا قالي النمر مطموسه قولتله ايه قول تاني كدا يا باشا قالي النمر مطموسه و بعدين انا بنفسي هنزل اعاين النمر دي قولته ماشي يا باشا المهم لقيت امين شرطه بينادي عليا يا استاذ احمد هتلنا العربيه قدام الباشا قولتله ماش بصبح علي امين الشرطه بكلمه صباح الفل وانا متعمد قالي صباح الفل وغمزلي بعينه قولت بس كدا دا حبيبي قمت ظرفته بالعشرينايه التمام وجابلي الرخصتين الي كان الظابط واخدهم مني اه يا بلد عاوزاه ولد

انا عارف حقي القانوني كويس بس وقت الموضوع انا مش رايح اتفسح انا رايح اجيب والدتي لانها كانت طالعه من مستشفي السلاب ومريضه كان لازم اعمل كدا اكسب وقت