الموضوع: بعد عناء وطول انتظار... أخيراً اشتريت تليفون

مش ده برضة htc hd2؟
لو هو، انا مهتم جداً إني أعرف كيفية تثبيت الأندرويد عليه.
هل حضرتك عملتها فعلاً ولا لسة؟
ولو ناوي تعملها، إيه هايكون مرجعك فيها؟

لقيت اللينك دي ودي بس قلقان أجرب بصراحة

المشاركة الأصلية كتبت بواسطة kamalsalem

هو في التوكيل ب4 بس انا جبته من راية ب 2999.... واديتهم 3000 مادونيش الجنيه ولاد الــ.....

هههههههههه شوفت بقى فرطت ف الجنيه لييييييييييه لييييييييييييه

كان فيه زتونة كنت هموت عليها هههههههه

المشاركة الأصلية كتبت بواسطة أبو حمزة

مش ده برضة htc hd2؟
لو هو، انا مهتم جداً إني أعرف كيفية تثبيت الأندرويد عليه.
هل حضرتك عملتها فعلاً ولا لسة؟
ولو ناوي تعملها، إيه هايكون مرجعك فيها؟

ناوي ان شاء الله بس لما ارجع الشغل (ويمكن والله استنى شوية عليه لما فلوسه تبرد وبعدين ابتدي هرس فيه) والمرجع جوجل ويو تيوب وواحد صاحبي في الشغل... وكمان ان شاء الله لما اشتري كارت ميموري كبير عشان ال 2جيجا اللي معاه ده كتكوت اوي

المشاركة الأصلية كتبت بواسطة أبو حمزة

لقيت اللينك دي ودي بس قلقان أجرب بصراحة

بص انا شايف انك تمشي خطوة خطوة بس خلي عندك البرنامج اللي بيرجع الويندوز عليه تاني و روماية ويندوز من على سايت htc نفسه.. عشان لو حصل في الأمور أمور... متلاقيش معاك قالب طوب ب 3000 جنيه (لا مؤاخذه 2999)

المشاركة الأصلية كتبت بواسطة hosar

الف مبروك و بالنسبة للجنية الباقى حيحولوهولك رصيد

ولا حولولي حاجة... أكلم فودافون؟ ولا اييييييييه (هو اللحمة دي كان فيها ايه؟)

المشاركة الأصلية كتبت بواسطة megamoudy

هههههههههه شوفت بقى فرطت ف الجنيه لييييييييييه لييييييييييييه

كان فيه زتونة كنت هموت عليها هههههههه

مش زتونه دي كانت مرات فرعون باين؟ مالك انت ومال الناس دي؟

المشاركة الأصلية كتبت بواسطة VTEC

يا باشا شوف فى الكاتالوجات اللى جايه معاه حتلاقى فى كتالوج فى شرح للموضوع ده

لو ملقيتوش قولى وانا اعملك ليه Scan

هو لامؤاخذه ايه الscan ده؟ هو دلوقتي بيقرا عربي عادي.. بس الايكونز في الستارت اساميها عربي... يعني اناااااا اللي بيترجم الانجليزي وهو نايم... تليفوني الكاميرا بتاعته اسمها كاميرا كده بالعربي

نزلت سوفتوير بيغير اسامي الايكونز.. التليفون عمل نفسه ناصح.. اول ما طفيته وشغلته تاني.. راح مرجع القدام وسابلي الانجليزي بتوعي مش بيعملوا حاجة... طبعاً اضطريت اهبده الريسيت المتين واعربه تاني وماشي بيه كده لجد ما ربنا يكرمني وانزل اندرويد

هو صحيح مفيش كروت ميموري في السوق أكبر من 16 جيجا؟ و240 جنيه سعر كويس لل 16؟ ولو فيه 32 الاقيه فين... موبايل شوب وكمبيوتر شوب وراديو شاك معندهمش (يبقى أكيد مفيش في السوق بس لازم اتفلحس لاخر نفس)