الاسعار والفلوس مشكله الجميع طبعا بس بالنسبه للاسعار مقارنه بالعربيات التانيه هنلاقى فى فرق كبير طبعا اسعار تظبيط الفيات 128 ارخص بكتير وده لان اى حاجه بتجيبها مهمه فى العربيه بتظهر عليها وبتحس باختلاف والكل بيلاحظ الفرق.........
بالنسبه مثلا لزجاج الكهرباء 2 امامى عامل 150 للاتنين حسب مانا شوفت........سنتر وانذار بالريموت عامل 150 جنيه فرش داخلى للكراسى الامامى والكنبه الخلفيه عامل من اول 30 لحد 3000 ويمكن اكتر بس الاحسن بيبقى فى حدود 300 وانت طالع وده بيبقى جاهز او تفصيل عند السروجى طبعا اسعار الفرن احنا عارفينها من 600 لحد2000 ويمكن اكتر طبعا الى يدخل عربيته فرن ميبخلش عليها ويشترى اجود مستلزمات الرش يعنى البويه بتاعت العربيه تكون نضيفه وكده علشان اللون ميروحش او يتقشر كده وطبعا مينساش يعمل اللون ميتالك....
بالنسبه للمواتير ودى بتيجى بالفتيس و الكربراتير او الانجيكشن ودى بتعمل (استيراد) 2000 لحد 4000 بالكتير قوى دى طبعا مواتير فيات لانك مش هتسقط غير فيات او لانشيا او داتشيا علشان الترخيص فى المرور لو فيه كوسه ممكن تسقط حاجه تانى وتتسبت على الرخصه قصدى اى ماركه تانى....
بس خليك فى الفيات.......
موبينه اسبراتير بوجيهات ودى اسعارها عاديه جدا الموبينه والاسبراتير بتجيبهم بتوع عربيه حديثه انجيكشن والبوجيهات هات اى نوع نضيف......
طبعا عندك الجنوط جديده بتبدا من 800 جنيه طبعا من غير الكاوتش......عندك عدادت الار بى ام والزيت والميه وكله هتلاقيها فى حدود 100 لحد400 جنيه...علشان يبقى شكل العربيه حلو هتشيل الاكصدام من قدام ومن وراء بيبقى شكلها حلو او اعمل اكصدامات فيبر.....
الفرك والتخميس والكلام ده ملوش دعوه بنوع العربيه..............الموتاور مهم طبعا بس حتى لو عربيه 800 سى سى هتعمل بيها الى انت عايزه طالما بتمشى وفيها بنزين وفرامل ودبرياج وهاند بريك........ أنا أحب بس أزود كام حاجه كده, الإنجكشن عايز مصاريف أكتر من كده, يعني لو الموتور ب 4000 ف لسه الضفيره و الكنترول و طرمبه البنزين بالضفيره بتاعتها و لازم تغير كاتينه أول ماتجيه أو على الأقل السير و كل السيور طبعا تتغير و خراطيم الميه. ولسه مصاريف التسقيط و التقويات. و الجنوط إلي ب 800 جنيه دي ال 13 و نوعها ردىء جدا. الزجاج الكهرباء إلي ب 150 جنيه ده صيني و مش بيعيش, الموتور بيتحرق بسرعه. و بالنسبه لأسعار الدوكو الفرن فيستحسن ميتعملش إلي ب 600 ده لأنه بيغير لونه, الدوكو النضيف بيبدأ من 1000.
أنا مش بسودها في وش حد والله, أنا بس بوضح للناس علشان ميجيش في النص يلاقي نفسه كان عامل حسابه على جنيه و يلاقي انه حيدفع 2 جنيه.
المفضلات