مشروع تعديل ابيزا 2009 و محتاج مساعدتكم و خصوصا ممدوح

**mr_shims_49** · 10-12-2010 09:31 AM

السلام عليكم

انا معايا ابيزا 2009 الموتور 1600 سي سي 105 حصان و العزم 153 نيوتن الفتيس تيبترونيك 6 سرعات هي نفس موتور و فتيس الجيتا
انا مركب فلتر هوا K&N بس اللي هو بتاع العربية يعني راكب جوة العلبة بتاع الفلتر العادي هو بصراحة عمل فرق ملحوظ في الاداء
انا عايز بقي افكار تعديلات ازود بيها اداء العربية و في نفس الوقت ماتضرهاش انا فكرت في اكزوست سيستم بس المشكلة مش عارف ايه النوع و المقاس المتناسب مع الموتور ده عشان ال back pressure ياريت تساعدوني
بخبراتكم بس بلاش موضوع التربو و كده
وشكرا مقدما

**bedo13** · 10-12-2010 10:21 PM

اولا شيل علبة البيئة..
موضوع الاكزهوست:
بتركب هيدرز وعلبة شكمان نضيفة..
تقريبا بتجيب قطر المواسير اكبر من الاصلية بنص بوصة بس مش متأكد..

في سيستم كامل اسمه Sprint ‎بييجي مخصوص للعربية ومش بيضر بحاجة..
اسأل عند عادل وجدي او حمادة غزي..
ايمن momo10000‎ ‎كان جايبه من عند حمادة غزي في بور سعيد بس جابهولو من برة مخصوص للميجان..

**bedo13** · 10-12-2010 10:24 PM

ممكن تغير نظام فلتر الهوا بcold air intake..
تغيير الflywheel بنوع اخف..
تقلييل وزن العربية (كراسي رياضية - جنوط سبور ماركة محترمة)

**blazer** · 10-12-2010 10:35 PM

بعد كل التعديلات دى
العربيه هتبقى برده تقريبا هى هى
هتزيد كبيرها 10 حصان
بعد الاكزوست سستم المكلف
انت المشكله ان العربيه جديده لسه
لو كانت موديل اقدم كنت تغير الماتور بواحد 1800 تربو

**mr_shims_49** · 11-12-2010 03:50 AM

المشاركة الأصلية كتبت بواسطة bedo13

اولا شيل علبة البيئة..
موضوع الاكزهوست:
بتركب هيدرز وعلبة شكمان نضيفة..
تقريبا بتجيب قطر المواسير اكبر من الاصلية بنص بوصة بس مش متأكد..

في سيستم كامل اسمه Sprint ‎بييجي مخصوص للعربية ومش بيضر بحاجة..
اسأل عند عادل وجدي او حمادة غزي..
ايمن momo10000‎ ‎كان جايبه من عند حمادة غزي في بور سعيد بس جابهولو من برة مخصوص للميجان..

اولا يا باشا الف شكر علي ردك و اهتمامك
ثانيا تمام انا برضه عايز اجيب سيستم يكون نازل للعربية متعرفش سعره هايكون في حدود كام ؟

المشاركة الأصلية كتبت بواسطة bedo13

ممكن تغير نظام فلتر الهوا بcold air intake..
تغيير الflywheel بنوع اخف..
تقلييل وزن العربية (كراسي رياضية - جنوط سبور ماركة محترمة)

معلش ممكن تشرحلي يعني ايه اغيره ب cold air intake قصدك اجيب فلتر من اللي هوا بيركب بره العلبة ؟
و ايه هي ال fly wheel

المشاركة الأصلية كتبت بواسطة blazer

بعد كل التعديلات دى
العربيه هتبقى برده تقريبا هى هى
هتزيد كبيرها 10 حصان
بعد الاكزوست سستم المكلف
انت المشكله ان العربيه جديده لسه
لو كانت موديل اقدم كنت تغير الماتور بواحد 1800 تربو

شكرا يا باشا لردك الموتور اللي تقصده ده اللي بينزل بره في الابيزا الكوبرا اللي هو 1.8 تربو بيطلع 180 حصان
هو الموتور ده موجود في مصر و حالته كويسة ؟و سعره في حدود كام انا طبعا مش هاقدر اركبه دلوقت العربية لسه جديدة انا بسأل عشان بعد كده ان شاء الله

**bedo13** · 11-12-2010 05:51 AM

المشاركة الأصلية كتبت بواسطة mr_shims_49

اولا يا باشا الف شكر علي ردك و اهتمامك

الشكر لله, تحت امرك..

المشاركة الأصلية كتبت بواسطة mr_shims_49

ثانيا تمام انا برضه عايز اجيب سيستم يكون نازل للعربية متعرفش سعره هايكون في حدود كام ؟[/COLOR][/SIZE]

ماعرفش والله بس هو بيكون غالي اكتر مما تتخيل..
معلش هو اسمه Supersprint

المشاركة الأصلية كتبت بواسطة mr_shims_49

معلش ممكن تشرحلي يعني ايه اغيره ب cold air intake قصدك اجيب فلتر من اللي هوا بيركب بره العلبة ؟

يعني فلتر هوا بالماسورة مش replacment ‎زي اللي حضرتك جايبه و تكون الفتحة بتاعته بتجيب هوا بارد من برة العربية , يعني طالعة من عند الفوجات مثلا..

المشاركة الأصلية كتبت بواسطة mr_shims_49

و ايه هي ال fly wheel

دي الحدافة ووزنها بيكون تقيل, تتغير بواحدة اخف هتفرق جااامد..
سمعت والله اعلم ان كل 1 كجم من الحدافة يعادل تخفيف 50 كجم من وزن العربية (مش متأكد من النقطة دي)

**mr_shims_49** · 11-12-2010 11:36 AM

المشاركة الأصلية كتبت بواسطة bedo13

الشكر لله, تحت امرك..

ماعرفش والله بس هو بيكون غالي اكتر مما تتخيل..
معلش هو اسمه Supersprint

يعني فلتر هوا بالماسورة مش replacment ‎زي اللي حضرتك جايبه و تكون الفتحة بتاعته بتجيب هوا بارد من برة العربية , يعني طالعة من عند الفوجات مثلا..

دي الحدافة ووزنها بيكون تقيل, تتغير بواحدة اخف هتفرق جااامد..
سمعت والله اعلم ان كل 1 كجم من الحدافة يعادل تخفيف 50 كجم من وزن العربية (مش متأكد من النقطة دي)

انا متشكر جدا لذوق حضرتك و متابعتك معايا

بس معلش هتقل عليك شوية انا بصراحة مش عارف ايه هي الحدافة

ممكن تقولي دي بتكون راكبة فين و وظيفتها ايه ؟

**bedo13** · 11-12-2010 03:53 PM

الحدافة اخر جزء في الموتور بعد الكرنك و قبل الفتيس (راكبة على اسطوانة الدبرياج في المانيوال)
فايدتها نقل الحركة من الموتور للفتيس وهي عبارة عن ترس كبير ووزنه تقيل..

**mr_shims_49** · 11-12-2010 03:58 PM

و هل دي ينفع تتغير عندي و هاتعمل نفس الفرق في الاداء مع العلم ان الفتيس تيبترونيك ؟

**bedo13** · 11-12-2010 04:16 PM

غالبا ينفع عشان الاختلاف بين الاوتو والمانيوال من بعد الحدافة..
الفكرة انك تلاقيها اصلا..
هنا في مصر مش هتلاقي غير بتاع السيفيك الb16‎ ‎واللانسر مايفيك..

الموضوع: مشروع تعديل ابيزا 2009 و محتاج مساعدتكم و خصوصا ممدوح

LinkBack

أدوات الموضوع

عرض

مشروع تعديل ابيزا 2009 و محتاج مساعدتكم و خصوصا ممدوح - انشر الموضوع فى :

-

-

-

-

-

-

-

-

-

المواضيع المتشابهه

محتاج مساعدتكم بسرعة - كود لون - جيتا 2009

بفكر افتح مشروع خاص بيا و محتاج مساعدتكم

افيدوني في A113 2009 (محتاج مساعدتكم )

حاجه غريبه في ابيزا 94 .. محتاج مساعدتكم..

محتاج مساعدتكم فى موتور ابيزا 98

الكلمات الدلالية لهذا الموضوع

المفضلات

المفضلات

ضوابط المشاركة