البيجو يرس و السمند ايه حكايتهم ؟

**Powert** · 27-03-2008 04:54 PM

الاخ mecho ميشو

دي اول مشاركة ليك وداخل تتخانق مع الناس طيب مش لما تفهم الاول اي حاجة ابقى اكلم

على العموم الاخ فلاينج رد عليك وفعلاً كل عربيات الشرطة بتكون دعاية واهداء وفرنسا كل سنة

بتدي مصر مجموعة عربيات هدية ولو شوفت عربيات الشرطة الجديدة كلها 307 SW

اية اللي يخلي الشرطة تسيب 307 ويخليها تروح لروا او بارس

وياريت تكلم بموضوعية و اثبتات مش تسمع كلام في الشارع وتيجي تقوله هنا وتقول احنا بنقول فتي

**miahm** · 28-03-2008 06:05 AM

وجيه أباظه معتمد علي العلامه , عشان كده بيقول 90,000 وهو مرتاح لانها حتبقي ارخص بيجو نزلها , و طبعا متقلش علي الرؤا بيجو لانها ملهاش علاقه بالبيجو غير في الشكل بس
اما السمند فتقريبا مش حتلاقي غيري يوقلك شوفها لان العربيه بالامانه محترمه و تستاهل كل جنيه هتدفعه فيها كفايه الoptions اللي فيها تعدي سعرها بمراحل , بس عشان معلهاش الاسد بقت عره
علي فكره العربيه كلها بيجو من حيث الموتور و التعليق و الشكل احلي من البارس مديه علي octavia وروح ليهم في الدقي عند ماسا و اتفرج عليها واعمل الtest drive وبعدها قرر.

**elmaqusy** · 28-03-2008 06:16 AM

الصراحة الناس كلها في المنتدي هنا محترمين جداً وأرائهم صادقة جداً وفعلا الروا مش بيجو خالص دية عربية متور انجليزي و بودي وعفشة ارني ملهاش دعوة بالعملاق بيجو يعني بس فعلا العربية السمند ديه باين عليها كويسه ياريت اي حد عنده معلومه عنها يفدنا يعني سعرها كام وجر خلفي ولا امامي وايه مميزتها ومشاكلها وشكراً مرة ثانيه لكل المشاركين في هذا المنتدي الجميل

28-03-2008 07:14 AM

انت عارف حتى فى التوكيل بيأوحو...ويؤلو الروا كل حاجه فيها بيجو....هى يمكن البارس فيها من البيجو...موتور PSATU5 والعفشه.............والشاسيه بيكان...........وشكلها كويس...
بس كل اللى بنؤلو
-السعر رغم انو رخيص بالنسبه للبيجو....بس كتير على العربيه دى
-ويارب ما يتمللصوش من الناس فى الصيانه والضمان زى ماساعات كتير بيعملوها مع بتوع الروا
..............................................
الروا....شاسيه...وعفشه....من العربيه بيكان
الموتور....انجليزى....وبالتحد يد....هيللمان....HILLMAN
..والموتور ...كويس ومش معقد.....بس عيبو...حكاية الكاتينه على جنزير دى
....مخليه العربيه صوتها خشن....وفى ناس كتير متنبءا بمشاكل السخونه فى الصيف
...ربنا يستر....
دا آخر كلام عندى عن البارس والروا....وعلى فكره ياجماعه سيبكو من بتوع التوكيل...ساعات بيفتو شويه بالنسبه لمكونات العربيه..........
الكلام دا......بالنسبه لعفشة ومواتير وشاسيهات العربيتين....انا مش جيبو من بيتنا ....دا كلام ...ايران خوردو...يعنى الناس اللى عملت العربيتين دول...
.................................................. ...........................
بالنسبه للسمند...بصراحه مااحتكتش بيها...بس فى ناس كتير بتشكر فيها....والله اعلم

**miahm** · 06-04-2008 11:06 PM

السمند اللي معايا كامله مانيوال ب87.000 والموتور tu5jp4 مش اللي زميلنا كاتبه
ده موتور ال307 xt وشوفه بنفسك , العفشه كلها 405 بالضبط
هي عامله معايا دلوقت 4000كم وذي الفل , الكماليت العاديه اللي انتو عارفنها باور, سنتر, انذار , ريموت كنترول , cd alpine mp3 , كراسي كهربا, parking sensors ,abs .air bag,جنوط , فوج. وحده اعطال ناطقه بالعربي وفيها password للعربيه (يعني لو مدخلتوش العربيه ما تدرش) طبعا ده اوبشن ممكن تلغيه من الجهاز اللي في العربيه.
يعني انا مش عارف السيئه بتعم , انا عارف والله ان تأفيل الرؤا ذباله بالمقارنه للمصري بس مع احترامي للتأفيل المصري التعبان , حتشوف فرق الساج واضح , وياريت اي حد هيروح التوكيل يسأل اي حد هناك عن السمند ويشوف حيؤل ايه . العربيه تضرب حتي البارس المصري 10 مرات في السعر و الاوبشن والصاج.

07-04-2008 12:18 AM

[quote=miahm;218735]السمند اللي معايا كامله مانيوال ب87.000 والموتور tu5jp4 مش اللي زميلنا كاتبه
.................................
انا بس عايز اوضحلك حاجه بسيطه.....
psatu5 و tu5jp4

انت عارف ايه الفرق؟؟؟؟
مفيش فرق اصلا!!!!!!
الكود دا فيه ثوابت...ومتغيرات حسب موديل العربيه ونوع الecu

بمعنى انpsa من الثوابت..انت عارف دى ايه...دى اختصار لاسم الشركه
psa-peugeot-citroen group

............
تانى حاجه tu او xu ودى بتدل على وضعية الموتور ووضعية السلندرات والسعه اللتريه حسب الرقم اللى بعدها..يعنى xu10 يعنى الموتور 2000cc
xu7 يعنى الموتور 1800cc وهكذا
......................
اما jp4 او d6c او zp/L ....الخ....دى كلها تخص البارت نامبر..للدلاله على موديل معين
لسنه معينه ب ecu معين
.............................................

وشكرا

**Ahmad Allawy** · 06-04-2008 11:17 PM

ثانية واحدة..
انت العربية معاك بقالها 4000 كم و بتقول ماشية تمام..؟؟
ماهو العربية لسة مشيتش اصلا..
يعني لو حصل منها حاجة في اول 10 الاف كيلو يبقي عوضك علي الله في تمنها اللي رميته في الارض..
الموتور بصراحة ماعرفش عشان انامش معايا بيجو اصلا..
بس في نقطة اخيرة بقي..
البيجو ال405 كانت جر امامي.. غالبا عربيتك انت دفع خلفي..زي الروا ودي كده تعديل الايرانيين عاملينه علي الديزاين الفرنساوي..
والله اعلم الحاجة المصممة انها تمشي امامي هتمشي خلفي عادي من غير مشاكل ولا ايه..
انا مش باعيب في العربية عشان لسة محدش يعرف عنها حاجة.. ولا سعاتك نفسك عشان انت بتقول 4 الاف كيلو.. لما تكمل بيها 40 الف قولنا بقي رأيك فيها ايه.. وده هيكون بخبرة اكتر و مميزات و عيون بدأت تشوفها في العربية.. بس باتكلم ان في مجازفة كبيرة في الموضوع..

**elmaqusy** · 07-04-2008 05:49 PM

انا والله متهيقلي السمند امكانياتها اكثر بكثير من البارس وسعرها أرخص بس كنت عايز اعرف هيا جر امامي ولا خلفي

**miahm** · 09-04-2008 01:39 AM

العربيه جر امامي ,يعني التعديل في البودي بس(التصميم الخارجي) .
الكيلومتر اذاي يعني اوصل بيه ل10 الاف وهيه لسه مبلقهاش معايا الا 5شهور.
انا بنقل الصوره عن العربيه بصراحه , وبعدين ما الناس معاها الرؤا ولسه في أول 10الاف كيلو و اشتكوا منها, الموضوع من الاول بقول انهم حاطين موتور و تعليق فرنساوي 100% هاعوز ايه تاني وبالسعر دة , مش بالذمه احسن من الصيني اللي عمال يقلد موديلات قديمه انتهت بمواتير صيني حتي , يعني لو كانت ياباني كان ارحم ولا ايه