الموضوع: استفسار لخبراء المرشيدس

المشاركة الأصلية كتبت بواسطة shok

انا بجد محتار ادوس ولا اكبر دماغى بس لو شوفتوا العربية مش هتترددوا تخلصوا فيها وقتى انا حلم حياتى العربية دى بالزات تخيلوا بقى لو لقتوها وبحالتها

السلام عليكم و رحمة الله و بركاته

بص يا باشا, ال22000 جنيه كتير , يعنى أنت هتشترى العربية ب 4000 يورو و هى أصلا تمنها فى ألمانيا أو المكان اللى هى جايه منه لا يزيد عن 1000 يورو , قول بالكتير أوى بالشحن , حوالى 2000 يورو , يبقى بالكتير واقفه عليه بحوالى 15000 جنيه و قول 2000 جنيه مكسب ليه , يبقى توبها بتاع17000 جنيه .

ثانيا , ممكن تشتريها عادى جدا , لو كان الموتور بتاعها ليه ورق ,على أساس أنك هتسقطه فى العربية بتاعتك و أنك بعد كده هتاخده و تروح المرور و ترخص قانونى عادى من غير لا لف و لا دوران .

لو كانت حالة القطمة دى ممتازة و المكنة و الفتيس و التكييف بحالة ممتازة , يعنى جاهزين عالتركيب و الشغل , نبدأ نبص للباقى اللى فى العربية , زى الصاج و الكبوت و الأبواب و خلافه, لو كل الحاجات دى ممتازة و نمرة واحد زى التجار بتوع الاستيراد مابيقولوا , يبقى حلال عليك العربية و حلال عليه ال15000جنيه, المهم أن الموتور يكون ليه ورق , دى أهم حاجة , لو الموتور مالهوش ورق, هات كل القطمة و ماتاخدش الموتور لأنك مش هتقدر تعمل بيه أى حاجة و فى الحالة دى , ممن القطمة تقف عليك ب9000 جنيه تقريبا .

و أصلا , لو كان البايع بيستورد القطع دى على أنها قطع غيار مستعملة , يبقى أكيد هتلاقيه عنده ورق للموتور و لازم و أنت بتاخد الموتور , تطابق الرقم اللى على الموتور مع الرقم اللى فى الورق, لأن اى غلطة و يبقى الموتور يعتبر من غير ورق .

غير كده , ماتعملش أى حاجة و دورلك على مرسيدس معدل نظيفة و خلاص .

شكرا و آسف للاطالة

المشاركة الأصلية كتبت بواسطة mbx4e

انا بجد نفسي افهم هو ممكن في مصر عربيه تدخل سليمه بموتورها على بعضها كدا من غير ورق ولا تربتك
حتى لو دخلت متفصصه حتت هل يمكن يجمعها تاني ويبعها على اساس انها ساقطه ضريبه او مسروقه او جاية من غير ورق في امكانيه للكلام دا ؟

السلام عليكم و رحمة الله و بركاته

اللى أنا أعرفه أن العربية اللى بتخش مصر سواء سليمة أو متفصصة ( متخردة ) بتبقى حاجة من 3 :

1 - عربية مستوردة من الخارج و هيتم سداد الجمارك بتاعتها عشان تترخص فى مصر و تعلق نمر ملاكى عادى زى كل العربيات الزيرو اللى بتخش مصر سواء بواسطة أصحابها أو بواسطة التاجر اللى مستوردها.

2 - عربية جاية من بره بصحبة أشخاص هيقضوا فترة قصيرة لا تزيد عن 6 شهور فى مصر و دول بياخدوا افراج مؤقت عن العربية, اللى احنا بنسميه تربتكت .

3 - عربية جاية مصر عشان تتباع كقطع غيار مستعملة ( قطع غيار استيراد ) و دى بيبقى فيها ورق للموتور بس, اللى فيه رقم الموتور و ده عشان اللى هيشترى الموتور يعرف يرخصه فى المرور و العربيات دى بيشرط أنها تيجى متخردة , يعنى متقطعة بطريقة فنية معينة و أنه بيكون طامس أرقام الشاسيه بتاع العربية و بتيجى فى حاويات Containers .

حكاية أن العربية تتجمع فى مصر تانى, فنيا , مفيهاش مشكلة, أى سمكرى هيعملهالك, بس بعد ماتتجمع , هتعمل بيها ايه؟؟؟؟ , ماهى مالهاش ورق فى المرور و بالتالى مش هتترخص و لا هتعلق نمر , لا ملاكى و لا غيره .

موضوع ساقط ضريبة دى , انا ماسمعتش عنها قبل كده , ياريت لو ممكن حضرتك تشرحهولنا .

شكرا و جزاك الله خير .

السلام عليكم و رحمة الله و بركاته

اللى أنا أعرفه , أنه قبل كده , قبل مايكون فيه كومبيوترات فى ادارات المرور , كانوا كل فترة يفتعلوا حريق فى احدى أقسام الأرشيف اللى فى المرور و بالدات اللى فى الأقاليم و يقولوا الملفات اتحرقت , عشان بيبقى فيه عناصر فاسدة فى المرور , بتدخل ملفات جديدة لأى عربيات مالهاش فى الأصل ملفات , بس الموضوع ده قل كتيييييييييييييير بعد مابأت البيانات متخزنة على أجهزة الكومبيوتر .

لكن لو حتى العربية مرفوعة أو مسلمة نمر أو عليها مشاكل و مش مترخصة, كل ده مش مهم , لأن كل ده معناها أن العربية مش مترخصة للسير فى الشارع , لكن لا زال ليها ملف فى المرور .