المشاركة الأصلية كتبت بواسطة زينة الله
طيب طالما محدش عنده لك حدوتة أنا هأحكيلك حدوتة
أسمع يا سيدى ولا ستك الا أنا (ههههههههههه هما كانوا بقولولها كدا زمان " اسمع يا سيدى ولا سيدك الا أنا" )
ماااشي قولي يا سيتي ربنا ما يحوجنا لحد
كان ياما كان يا سعد يا إكرام و ما يحلى الكلام إلا بذكر النبى عليه السلام (عليه الصلاة والسلام )
عليه أفضل الصلاة والسلام
كان فى قرد كذاب جدا و كل شوية يصرخ وينادى على أهل الغابة بالليل و يقول .........
الحقونى الحقونى أنا بغرق فى البحيرة ..أنا بغرق فى البحيرة
تخرج كل الحيوانات بسرعة عشان يلحقوه و ينقذوه ...
يلاقوه واقف قدامهم بيضحك عليهم و يكركر :pointiy2[2]:و مبسوط إنه قدر يخدعهم ....
و هكذا تكررت مقالب القرد فى جيرانه من أهل الغابة
لحد ما بقى ماحدش بيصدقه خالص
و فى يوم من الأيام ...........
و القرد ماشى حنب البحيرة و الدنيا ممطرة رجلة أتزحلقت و وقع فى البحيرة .... يا خبر ...
هاااااااااااااااه وبعدين
القرد يصوت و يصرخ و ينادى على جيرانه و أصحابة و على أهل الغابة و يقول الحقونى بغرق ... بغرق
انقذونى حأموت ... يزعق ما يزعق مافيش حد جاله
و كل اللى يسمعه يقول أكيد مقلب من مقالب القرد السخيفة
و كمان الجو وحش و الحكاية مش طالبة خروج و الآخر يطلع القرد كذاب زى العادة
فضل القرد وحيد يعافر إنه يقدر يخرج من البحيرة لكن يا خسارة ماعرفش و ما حدش خرج يساعده لأنهم فاكرينه بيكذب
الكداب الوحش
لحد ما غرق بصحيح و مات و كانت نهايته نتيجة كذبه
ياااااااااا حرام
عشان كدا يا ولاد الكذب دا أسوء عادة و بيخلى الناس ماتصدقش الكذاب حتى لو فى مرة كان بيقول الصدق
و توتة توتة فرغت الحدوتة حلوة والا ملتوتة .........
المفضلات