مشكله في تكييف الانسر؟

**kimo** · 26-03-2008 01:16 AM

اذا ذاد ضغط السحب عن 32 بالتالى ضغط الطرد هيزيد ودة فية حمل على الكومبرسور والحصول على تبريد اقل داخل السيارة ومش معنى ان لو شوفت فقاعات فى زجاجة البيان ان الفريون ناقص طب ممكن تكون الفقاعات دى هواء واللى شحن ماعملشى فاكيوم كويس اعتمد على الضغوط
المثالية ولاحظ التبريد داخل السيارة

**eldeplomasy** · 26-03-2008 09:52 PM

فعلا الفريون كان فضي من عندي ولما رحت اشحنه معملش زي ما بتقول هو شحن على طول وبالنسبة للتبريد داخل العربية ممتاز والعربية ماشية لكن لما العربية بتقف شوية في الزحمه التبريد بيقل جدا وده غالبا بسبب المروحة اللى على المكيف ولا ليها اي لزمة ضعيفه جدا جدا جدا ولا كانها شغاله وجودها زي عدمها

فانا هغيرها بمروحه اشد والدليل على ضعف مروحة المكيف ان العربية لما تمشي والهوا يزيد بيبقى تبريده تمام

يعنى مش لازم يعمل فاكيوم قبل ما يشحن عادي يعنى ولا ايه؟؟؟

**kimo** · 27-03-2008 02:09 AM

كان لازم يعمل فاكيوم اى تفريغ نهائى للهواءلان الهواء يحتاج الى تبريد عالى ليتحول الى الحالة السائلة ودة مش موجود فى السيارة وبالتالى يظل الهواء على الحالة الغازية يرفع الضغوط فى السحب والطرد وبالتالى تاخذ دائرة التكييف كمية قليلة من الفريون لوصول الضغوط بسرعة الى المعدل المطلوب ودة خطا

**eldeplomasy** · 27-03-2008 02:26 AM

يعنى اروحله تاني اخليه يفضي الهواء الاول ويعيد شحنه تاني ولا انفض مش هياثر كتير في التبريد؟؟؟

**M.Al-Hefnawy** · 15-05-2008 08:18 PM

أخي الفاضل لي قريب عندي لانسر 2007 وكان التبريد على السرعة الأولي والتانية مش بيعمل حاجة خالص، روحت للكهربائي نظف الفلتر الموجود تحت درج التابلوه ومشاء الله شغال كويس جداً.

النسبة لصوت فصل الكومبرسور يا ريت تاخد بالك من مفتاح ضبط درجة التبريد الموجود بالتابلوه خلي درجة التبريد على الآخر ومش هاتسمع صوت الفصل أما لو قللتها هاتسمع الصوت ده لأن في الحالة دي التكييف بيشتغل زي الثلاجة لما يبرد الصالون يفصل وبعد شوية صغيرين يرجع يشتغل تاني وربنا يباركلك فيها.

أرجو إني أكون أفدتكم!!