الموضوع: الميكانيكيون العرب vs فرنش موتر مالهم وما عليهم

ياجماعه انا هاحكى تجربتى مع الاتنين لكى نستفيد جميعا
انا كان عندى بعض الحاجات فى عربيتى وكنت عايز اظبطها فقولت اروح الميكانيكيون العرب المهم رحت والمقابله كويسه وكله تمام عايز اكلم اللى هايشتغل فالعربيه عشان اقوله على اللى بحسه ومهندس الاستقبال يقوللى قولى وانا هاقوله وهوه طبعا مش فاهم حاجه المهم كنت بشتكى من
1-وجود تعريقه زيت فى جنب الماتور
2-صوت شكمان بيظهر بعد الغيار التالت اما دوس بنزين جامد كانى مركب تربو والسحب بطئ نوعا ما
المهم دخلت العربيه وطلع بعد شويه وقاللى كوعه زيت عايزه تتغير قولتلو غير ب700 وبالنسبه للصوت قاللى عايزه بتاع شكمانات ونزلت للمهندس تحت قولتلو بتاع شكمانات ازاى مش ده مركز المفروض فيه كل حاجه قاللى لا المهم اخدت العربيه ومشيت لاقيت الصوت ظهر اكتر من الاول بقى من الغيار الاول مش التالت رجعت تانى وبرضو عايزه بتاع شكمانات مشيت ورحت لواحد بتاع شكمانات قاللى الشكمان تمام مفيهوش حاجه وبعد يومين بفتح الكبوت الصبح اطمن على الميه لاقيت فى زيت تانى اتصلت بيهم قاللولى تعالى روحت ودخلت العربيه وبعد شويه طلع المهندس نفسه وقاللى عايزه طبة كامه ونزلت معاه وشفتها قولتلو كده الكوعه كانت سليمه ودفعت انا 700 اونطه قاللى لا ماهى كانت بايظه وكان فى ميكانيكى جوه ركب العربيه تحت وقاللى الصوت اللى كان عندك ده كان فى خرطوم ناقص فى العمه وانا ركبتلك واحد قولتلو تمام وجربت العربيه لاقيت العربيه رجعت زى الاول الصوت بعد التالت مش الاول يبقى كده الخرطوم هما اللى نسيوه اول مره وبعديومين لاقيت زيت برضو مارجعتش تانى ده بالنسبه للميكانيكيون العرب
اما فرنش بقى
طلع مهندس خالد جرب معايا قاللى علبه بيئه هى اللى عامله الصوت ده ب1150 استيراد قولتلو غير وغيرنا وجربنا نفس الصوت قاللى بس العلبه القديمه بايظه وهانشوف عمة الهوا وفكو العمه وطلعت فعلا مفكوكه من تحت البطاريه وركبوها وكله بقى تمام الصوت اختفى
وبالنسبه للزيت غرو الطبة وكلو بقى تمام برضو


اسف انى طولت عليكو بس عشان ناخد بالنا بعد كده الميكانيكيون غاليين على الفاضى وخبرتهم مش جامده
فرنش موتورز اسعارهم كويسه وكفاااااااااااااايه انك شايف عربيتك بيتعمل فيها ايه مش تسيبها وتقعد باشا ومش عارف ايه اللى بيحصل فيها ودى كانت تجربتى

وعليكم السلام..فرنش موتورز موجودة في الرحاب وفي احمد عصمت