والله يا amrelsaqqa إعمل موضوع جديد بعنوان كيف يعمل الفتيس المانيوال
وحط مشاركاتك دي هيبقى موضوع روعة
والله يا amrelsaqqa إعمل موضوع جديد بعنوان كيف يعمل الفتيس المانيوال
وحط مشاركاتك دي هيبقى موضوع روعة
كل حاجة كدة أنا فهمتها تمام بس فاضل حتة صغيرة مش قادر أفهمها وهي النقطة دي
1 - نرفع رجلنا من ع البنزين و ندوس دبرياج ، عشان نلغى تأثير الموتور على الترس الازرق (يعنى بالبلدى نخلى الترس الازرق تابع لحركة الكولار بدل ما الكولار هو اللى تابع له فيخلى فصل الكولار ممكن وتبقى الكلمة كلمة الكولار في الاخر ويقدر يطلع برة ، اظن كدة بدأ يتضح ليه بندوس دبرياج ، مش كدة ؟
طيب وهي هتفرق ايه الكولار هو اللي تابع للترس أو الترس اللي تابع للكولار
أنا لو حاولت أمور العربية من غير ما أضغط دبرياج هسمع الزعقة دي طيب ليه هسمعها مع إن أنا بحاول
أخلع الكولار من الترس يعني مفيش حاجة هتخبط في بعضها على عكس لو أنا بدخلهم في بعض ؟ليه بسمع الصوت
واحنا بنتخيل كدة لازم نخلى بالنا ان دى مش عربية لعبة والفتيس ده عليه حمل جامد طن وشوية والموتور لازم يتغلب على كل ده وان محور الخرج دايما مقاوم لمحور الدخل
بمعنى الموتور بيلف في اتجاه بس المحور الخارج اللى جاى من احتكاك العربية بالطريق عايز يلف في الاتجاه المعاكس
يعنى وانت بتفك الكولار اعتبر ان المحورين كأنهم بيلفوا عكس بعض بس زانقين في بعض
وحيث ان السنون بيبقى فيها بوش شوية ، تلاقى الكولار مكلبش في الترس من جوانب السنون كلبشة جامدة خصوصا عند الاحمال العالية وسرعات الموتور العالية ، لذلك مثلا ممكن تلاقى نفسك تقدر تمور من غير ما تدوس دبرياج لو العربية ماشية بسرعة منخفضة والموتور ماشى سلانسيه ، انما لو على مطلع مثلا والموتور بيبذل كل ما عنده ، هتلاقى العصاية كأنها مكلبشة في مكانها ومش عايزه تتحرك ، واول ما تدوس دبرياج يزول الشد اللى جاى من الموتور ، وطبعا تلاقى العربية استجابت لرغبة العجلات ورجعت لورا وزال تأثير الموتور تماما وساعتها تلاقى نفسك تقدر تمور ( وطبعا لو مورت في الموقف ده والعربية بترجع هتبقى كارثة هههههه )
شكراً amrelsaqqa لخصت الحوار بطريقه جامده
وأخيراً فهمت لازمة الـdouble clutching لان عمي كان عنده عربيه موديل خمسينات وكان بيعمل الحركه دي وقالي ان العربيات الجديده مبتعملش كده وحاول يفهمني السينكرونايزر ووراني الفتيس وهو مفكوك بس مفهمتش منه حاجه
تسلموا يا رجالة ، دعواتكم ليا الامتحانات قربت