الموضوع: وأخيرا طلع للجنط ال 17 بالونة :))

المشاركة الأصلية كتبت بواسطة aaet1

ماهو الموضوع مش بى أم أو غيرها ... الموضوع موضوع جنط، ماهو أنا برضه عمرى ما شفت بالونة من أساسه :))
ولو حبيت أغير أجيب منين وإيه

معلش يا باشا ممكن تفهمنى يعنى ايه الموضوع موضوع جنط قصدك المشكله فى الجنط ال17 عموما ولا فى جنط الكيا اصلى الصراحه مشفتش اى حد اعرفه مركب 17 اتكلم على موضوع البلالين دى دا انا اساسا مكنتش اعرف يعنى ايه بلونه

المشاركة الأصلية كتبت بواسطة can_be

معلش يا باشا ممكن تفهمنى يعنى ايه الموضوع موضوع جنط قصدك المشكله فى الجنط ال17 عموما ولا فى جنط الكيا اصلى الصراحه مشفتش اى حد اعرفه مركب 17 اتكلم على موضوع البلالين دى دا انا اساسا مكنتش اعرف يعنى ايه بلونه

والله ولا أنا لغاية ماجبت العربية دى ولكن يمكن لأننا فى مصر مش متعودين على المقاس ده، وقبل كده وجودة كان منحصر فى عربيات انتشارها مش واسع قوى نتيجة لسعرها العالى ماكناش بنسمع كتير عنه ولكن طبعا المشكلة مش فى كيا ولكن فى حجم الكاوتش والجنط طبعا ... مع الجنط ال 17 ال مسافة اللى محصورة بين الجنط والأرض بتكون صغيرة وبالتالى لو العربية اتهبدت جامد فى حفرة ومع سرعة عالية الجنط نفسه بيقرب من الأرض جدا وبالتالى حرف الجنط بيسبب قطع فى اوتار العجلة من جوه وبالتالى بتتكون حتة ضعيفة فى الكاوتش الهواء بيضغط عليها وبيسبب بروزها لبره وكل ما المسافة بين الجنط وبين الأرض بتوسع كل ما الموضوع ده بيقل
وعلشان كده هتلاقى موضوع البلالين ده برضه فى الجنط ال 16 ويمكن فى ال 15 ولكن بنسب أقل

المشاركة الأصلية كتبت بواسطة aaet1

والله ولا أنا لغاية ماجبت العربية دى ولكن يمكن لأننا فى مصر مش متعودين على المقاس ده، وقبل كده وجودة كان منحصر فى عربيات انتشارها مش واسع قوى نتيجة لسعرها العالى ماكناش بنسمع كتير عنه ولكن طبعا المشكلة مش فى كيا ولكن فى حجم الكاوتش والجنط طبعا ... مع الجنط ال 17 ال مسافة اللى محصورة بين الجنط والأرض بتكون صغيرة وبالتالى لو العربية اتهبدت جامد فى حفرة ومع سرعة عالية الجنط نفسه بيقرب من الأرض جدا وبالتالى حرف الجنط بيسبب قطع فى اوتار العجلة من جوه وبالتالى بتتكون حتة ضعيفة فى الكاوتش الهواء بيضغط عليها وبيسبب بروزها لبره وكل ما المسافة بين الجنط وبين الأرض بتوسع كل ما الموضوع ده بيقل
وعلشان كده هتلاقى موضوع البلالين ده برضه فى الجنط ال 16 ويمكن فى ال 15 ولكن بنسب أقل

يا باشا ربنا يخليك على الشرح الجميل

شكلها كده هترسى على جنط 15 فى الاخر اصلى بفكر اجيب كوب بس شكلها كده مش هتيجى اصلى خبير فى اصطياد النقر والبلعات واللازى منه

المشاركة الأصلية كتبت بواسطة can_be

يا باشا ربنا يخليك على الشرح الجميل

شكلها كده هترسى على جنط 15 فى الاخر اصلى بفكر اجيب كوب بس شكلها كده مش هتيجى اصلى خبير فى اصطياد النقر والبلعات واللازى منه:10d5c8w1107:

هههههههه ياباشا احب ابشرك انا كان معايا اوبتر والجنط 15 والحمد لله طلعلى بيضه تنين قبل كده فى الكاوتش
ياجماعه البالونه دى بتطلع بسبب شوارعنا الجميله والمطبات اللى الحمد لله بقت جزء لا يتجزأ من جوده الاسفلت
وبالنسبه للبى ام حضرتكم اللى بيركب البى ام بيبقى ماشى زى اللى ماشى فى طريق مليان شوك وهو حافى :)
يعنى بينقى الطريق بتاعه وده عن تجربه والله عشان كده نادر لما تسمع موضوع البلالين على البى ام لكن هوا موجود

المشاركة الأصلية كتبت بواسطة damneder

هههههههه ياباشا احب ابشرك انا كان معايا اوبتر والجنط 15 والحمد لله طلعلى بيضه تنين قبل كده فى الكاوتش
ياجماعه البالونه دى بتطلع بسبب شوارعنا الجميله والمطبات اللى الحمد لله بقت جزء لا يتجزأ من جوده الاسفلت
وبالنسبه للبى ام حضرتكم اللى بيركب البى ام بيبقى ماشى زى اللى ماشى فى طريق مليان شوك وهو حافى :)
يعنى بينقى الطريق بتاعه وده عن تجربه والله عشان كده نادر لما تسمع موضوع البلالين على البى ام لكن هوا موجود

والله انت هتشككنى فى نفسى انا لما هاروح هشوف العربيه فى بلاللين ولا لا بس انت عارف المشكله بالنسبالى خايف قوى من الموضوع ده علشان مش عايز كل شويه اغير فرد كويتش وانا بسمع ان الفرده بى 1000 جنيه فبجد بجد مش عارف اعمل ايه انا بس لو اعرف الحل ايه ولا مثلا فى نوع نضيف حتى ولو غالى اجيبه ونخلص من الموال ده هستريح بجد

اصلى بينى وبينك عجبنى الكوب جدا بس النقطه دى الى واقفه قدامى ومخليانى مش عارف اخد القرار:b4_611: