وأخيرا طلع للجنط ال 17 بالونة :))

**aaet1** · 11-12-2010 08:40 PM

أخوانى وبعد طول عناء وانتظار :)) وبعد ما قرأت كتير عن البلالين اللى بتطلع مع المطبات وبعد ما كنت فاكر انى بعد النيتروجين هكون بعيد عن المواضيع دى نسبيا وبعد ما كنت بظن بالناس اللى طلعلها بلالين ظن السوء وانهم أكيد كانوا بينشنوا على مطبات بعمق البحر مش أقل... لكن أخيرا أنا أخدت واحد وأنا راجع من العين السخنة على طريق البحر والعربية اتهبدت فى مطب محترم بس ما أعتقدش انه عميق من ناحية اليمين ورغم انى فى وقتها نزلت وبصيت على العجلتين من واقع الوساوس اللى ركبه عندى من كنت ما شفت مواضيع البلالين اللى نازلة زى الرز على المنتديات إلا انه وبعد يومين ببص تانى لقيت بالونة طلعت فى جنب العجلة الورانية يمين ... طبعا قعدت اتملى فيها وفى جمالها ومنها طلعت على بتوع بريدجستون العبور وبعد ما أخدت الكلمتين المعتادين انه هو ده حال الجنط ال 17 مع شوارع مصر ومعلش ماهو برضه الجيتا والباسات والبى ام بيحصل فيهم كده مع الجنط ال 17 المهم الناس هناك شافوها وكان من رأيهم انها بالونة صغيرة وماشغلش بالى بيها ومجرد بس أتابعها لو كبرت قوى يبقى أغير ... طب أحط الاستبن قالولى مافيش داعى

اللى أنا بسأل عليه دلوقتى ومن واقع الصورة ياترى إيه رأيكم، وياترى لو حبيت أجيب برضه كوموهو 215/45 منين وخصوصا انى سألت على السريع كده عنه قالولى مش هتلاقيه ولو لقيته هتلاقى فنلندى والنقشة هتكون مختلفة، فيا ترى تشوروا عليا بإيه

تحياتى للجميع

**shod90** · 11-12-2010 08:54 PM

لا دى كبيرة نسبيا لازم تغيرها .. انا عندى بردو بس اقل بكتييييير من دى لسة الحمدلله :p
من رأى تغيرها اضمنلك

**ecybrarian** · 11-12-2010 08:56 PM

في حاجة غريبة..كل إللي اعرفهم طلع لهم بلالين..كلهم بلا استثناء حاطين نيتروجين!!!! فهل في حد يصدقنا القول تكون طلعت له بلونة وهو حاطط هواء عادي!!!!!
ونصيحتي لحضرتك لو الاستبن نفس المقاس..بدل مع الاستبن

**M.Nasr** · 11-12-2010 09:21 PM

معلش بقا ماتضايقش نفسك اهو عشان شوارعنا الجميلة هى السبب
بس بصراحة عنوان الموضوع فطسنى من الضحك عارف اللى يخاف من العفريت :)

**osama.m** · 11-12-2010 10:02 PM

بعيد عن الموضوع ... عمري ما شفت بي ام طالعلها بلالين :(

**aaet1** · 11-12-2010 10:07 PM

المشاركة الأصلية كتبت بواسطة osamalover

بعيد عن الموضوع ... عمري ما شفت بي ام طالعلها بلالين :(

ماهو الموضوع مش بى أم أو غيرها ... الموضوع موضوع جنط، ماهو أنا برضه عمرى ما شفت بالونة من أساسه :))
ولو حبيت أغير أجيب منين وإيه

**kamalsalem** · 11-12-2010 10:09 PM

هو الكاوتش لازم يكون low profile عشان يطلعلوا بلالين؟

**yoko** · 11-12-2010 10:11 PM

المشاركة الأصلية كتبت بواسطة ecybrarian

في حاجة غريبة..كل إللي اعرفهم طلع لهم بلالين..كلهم بلا استثناء حاطين نيتروجين!!!! فهل في حد يصدقنا القول تكون طلعت له بلونة وهو حاطط هواء عادي!!!!!
ونصيحتي لحضرتك لو الاستبن نفس المقاس..بدل مع الاستبن

أنا في الجنط ال16 في اللينيا طلعلي 2 وأنا نافخ هواء ومن ساعة ما حطيت نيتروجين مفيش حاجة الحمد لله

**kamalsalem** · 11-12-2010 10:22 PM

low profile يعني سمك الكاوتش من الجنظ صغير... يعني لو الكاوتش مثلا 220/50 ده low profile انما لو 220 على 70 مثلاً يبقى عادي

الموضوع: وأخيرا طلع للجنط ال 17 بالونة :))

LinkBack

أدوات الموضوع

عرض

-

-

-

-

-

-

-

المواضيع المتشابهه

بالونة داخلية وخارجية لموتور

لو الكاوتش فيه بالونة ايه الحل ؟؟

اول بالونة

بالونة الكاوتش بعد 3 شهور

بالونة فى الكاوتش , الحل ؟

الكلمات الدلالية لهذا الموضوع

المفضلات

المفضلات

ضوابط المشاركة