رابطة مالكي وعشاق التمبرا (الجزء الثالث)

**JUVENTUS** · 01-01-2011 03:28 AM

المشاركة الأصلية كتبت بواسطة heshamzaky

[gdwl] [/gdwl][gdwl]
عام سعيد علينا جميعا كل سنة و أنتم طيبين أول مشاركة فى عام 2011 تحياتى للجميع هشام
[/gdwl]

عام سعيد على حضرتك يا استاذ هشام و كل سنة و انت بخير و دايما منورنا و في افضل حال

**JUVENTUS** · 01-01-2011 03:30 AM

المشاركة الأصلية كتبت بواسطة nevozaky

كل سنة وانتم طيبين وعام سعيد علينا وعليكم ان شاء الله ويا رب يكون 2011 احسن من 2010 لانى مش باحب السنة دى 2010

كل سنة و حضرتك طيبة و يا رب 2011 يكون افضل من 2010
و يكون عام سعيد علينا جميعا

**zago** · 01-01-2011 11:40 AM

السلام عليكم
كل سنه وانتو طيبين طبقا لبيانات الحكومه
وانتظروا مفاجأه انتخابات الرئاسه ههههههههههه

شكر خاص لاستاذ هشام واحمد على المشوار الخالد لمحطه البنزين يوم الخميس
وشكر وتقدير للجركن ولصاحب الجركن اللي حطينا فيه البنزين

على فكره بقى يا مستر هشام راحت عليك البيتزا كانت ممتازه بس تتعوض
لما تخف بقى ان شاء الله انا عازمك على فطاطري في الهرم ( انت وبس مش الرابطه كلها هو انا قاعد على بنك ولا ايه )
بس بيتزا تجنن

والرجاله الجامه اللي عماله تتكلم على المواتير يا جماعه خفو شويه جبتولي احباط نفسي
لو ملمتوش الدور حنجيبلكم جاليليو
الانذار الاول والاخير
هههههههههههه

**zago** · 01-01-2011 11:42 AM

المشاركة الأصلية كتبت بواسطة ahmdeka

كل سنه والكل بخير
تقرير عن نهاية السنه اللى فاتت
العربيه ماكنتش راضيه تمشى وصوتها عالى جدا وللأسف كنت فى مشوار ولقيت ميكانيكى قلت ابص على فلتر البنزين وكان
الفلتر مسدود خالص المهم مكانش فيه بتاع قطع غيار قريب الميكانيكى قال ان عنده فلتر نضيف وباعهولى ب20 جنيه
طبعا انا مكانش عندى اى تصرف تانى اشتريته وفجأه ببص على الشنطه لقيت الفانوس الخلفى مكسور
وبعد ماخلصت مشوارى بركن العربيه رحت خابطها والنهارده لقيت فردة الكاوتش على الأرض
انا مش عارف فيه ايه

فلتر بنزين ب 20 جنيه؟؟؟ اللي هو البلاستيك ابو 5 جنيه ولا ايه؟؟ عمار يا مصر

الفانوس والكاوتش متحطش في بالك دي حاجه بتحصل
قدر الله وماشاء فعل
عارف انا لما الاقي فرده الكاوتش نايمه واتعطل علشان اغيرها بحس ان ربنا ستر ولو مكنتش نامت كان زماني يعمل حادثه في الوقت ده ولا حاجه ههههههههههههه
متشيلش في بالك

**adelco** · 01-01-2011 11:53 AM

السلام عليكم

ازيكم يا تمبراويه يا رب تكونوا كلكم بخير
امبارح حصل معايا فصل بايخ احب احكيهولكم
كنت خارج ومعاي والدى واولادى رايحين نزور واحد صاحبى مريض وواحنا بنتحرك بالعربيه واحد جارى قالى فى ميه تحت العربيه بس انا ما اهتمتش بالموضوع وقلت له لا اكيد دى مش من العربيه
المهم اتحركت حوالى 10 متر ولاقيته بيجرى ورايا وبينده عليا ونزلت لاقيت العربيه عامله وراها خط نقط ميه على الارض فطبعا اتاكدت من ان الميه من العربيه وطبعا نزلت اهلى وركنت ورفعت الربيه بالكوريك ونزلت بصيت لاقيت الميه جايه من الكورنر السفلى اليمين بتاع الرادياتير
اتصلت بالراجل بتاع الرادياتير قالى هات العربيه وتعالى فقمت مليت القربه وطاير بالعربيه قبل ما الميه تفضى وربنا سترها ووصلت قبل ما العربيه يحصلها حاجه
بتاع الرادياتير قالى انت كده محتاج رادياتير الرادياتير انتهى فطلبت منه انه يصلحه لحد اول الصيف ويمشينى باى طريقه لان العمليه ما تسمحش حاليا فقالى انا هحطلك ماده بتسد الثقوب ونجرب وانت وحظك وبالفعل حط المادة والتسرب توقف
وانا حاليا محتاج منكم مساعده فى موضوع الرادياتير كل واحد عنده خبرة فى الموضوع ده ارجو يرد عليا بيها
يعنى احسن رادياتير اجيبه منين وبكام وهل اجيبه مستعمل ولا جديد ولو فى حاجه اضافيه يبقى كتر خيركم
وجزاكم الله عنا خيرا

**zago** · 01-01-2011 12:08 PM

عادل بيه
طولت الغيبه ياباشا
بص بقى ( بصيت ؟؟)
بص كويس
انا لسه مغير الردياتير من اسبوعين تقريبا جبته الومنيوم 2 ماسوره ب 370 جنيه وأخد القديم اللي كان مايسواش بريزه وغسل دوره التبريد وحط مياه خضرا
والردياتير الحمد لله ممتاز ومن ساعتها الميه منقصتش خالص مع ان القديم كنت بزود مياه كل يومين تقريبا
الراجل ده في صقر قريش المعادي يلا هات العربيه وتعالى
وقال ان الردياتير تايواني بس العلبه مش مكتوب عليها حاجه
واستاذ هشام كان قايل ان الردياتير برازيلي ب 450 تقريبا 3 ماسوره بس مش متاكد بالظبط

**adelco** · 01-01-2011 12:34 PM

السلام عليكم
شكرا يا زاجو على الرد السريع
بس هو الفارق كبير بين الاثنين ماسورة والثلاثه ماسورة ليه
والاصلى بتاع العربيه هو اللى انت ركبته ولا اللى هشام ركبه

وجزاكم الله عنا خيرا

**zago** · 01-01-2011 12:50 PM

بصراحه معرفش فيه فرق ولا لا
بس حقولك سر
سر خطيييييييييييير
الراجل قاللي مفيش 3 ماسوره للتمبرا
معرفش بيتكلم جد ولا اشتغاله
لكن لو بيتكلم جد
يبقى انضحك عالرجاله
اللي انا مركبه اصلي بتاع العربيه
واللي استاذ هشام مركبه برضو الاصلي بتاع العربيه
هي اسطمبه معينه يعني لكن الاصلي كام ماسوره معرفش

الموضوع: رابطة مالكي وعشاق التمبرا (الجزء الثالث)

LinkBack

أدوات الموضوع

عرض

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثاني)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة