رابطة مالكي وعشاق التمبرا (الجزء الثالث)

**heshamzaky** · 01-01-2011 11:37 PM

المشاركة الأصلية كتبت بواسطة SS

سلطة يا باشا....هى لونها فضى مو 93 على ما اعتقد ...عدادت ديجيتال ...فتحة سقف....و فيها مساحة خلفية...و فيها الرشاش بتاع الفوانيس الامامية...الصالون شكله من بره كويس...و العربية شكلها الخارجى مقبول..بإستثاء الاكصدمات و الشبكة

بس المشكلة انا اصحابها مش فاهمين كويس و مش النوع اللى بيهتم بالتفاصيل و بالتالى فيه حاجات كتير مش بتتظبط فيها...

بس اللى انا شايفه هنا من الكلام على قطع الغيار ان العربية ممكن تتظبط ماتور و عفشة كاملة فى حدود 5000

فلو الاساسايات سليمة و الصالون كويس و محدش عك كهربتها و هى غالباً كده فلو اتظبطت هتبقى حلوة....ده رأيى الشخصى ...

بس اللى انا شايفه انك مش هواة وجع الدماغ.....عموماً ها احاول اصورها و ابعت لك صورها

سؤال بقى يا باشا ...هو السينسور ده فى المرايا الكهرباء بس و لا فى العادية كمان؟؟

يا ريت و هل هى أنجيكشن و لا كربراتير و عموما أبص عليها برضو بس هية فتحة السقف كهرباء و لا مانيوال عاوز بعد أذنك كل التفاصيل لو أنجيكشن حا تلاقى مكتوب من الخلف tempra 1>6 ie

**JUVENTUS** · 01-01-2011 11:40 PM

المشاركة الأصلية كتبت بواسطة ss

سؤال بقى يا باشا ...هو السينسور ده فى المرايا الكهرباء بس و لا فى العادية كمان؟؟

السينسور اللي بيجيب درجة الحرارة الخارجية موجود في المرايات العادية و الكهرباء اما السخان اعتقد انه موجود في المرايات الكهرباء فقط

**JUVENTUS** · 02-01-2011 12:06 AM

المشاركة الأصلية كتبت بواسطة kohana

السلام عليكم ورحمة الله وبركاته
واحشنى ياتمبراوية عاملين إيه ياحبايبى
ومبارك لتيفا على الخطوبة وربنا يتتمم بخير إن شاء الله
وعقبالك ياباشمهندس أحمد

ربنا يخليك يا استاذ خالد معندكش عروسة هههههههههههههههههههههه
العربية اخبارها ايه معاك كله تمام

**JUVENTUS** · 02-01-2011 12:27 AM

المشاركة الأصلية كتبت بواسطة kohana

الحمد لله هى عايزة بقى البارات بس لسه مجبتهومش
ولو عايز عروسة قولى المواصفات وأنا ادور لك

هههههههههههههههههههههه لا ياباشا انا بهرج لسة الموضوع ده شوية عليه و ربنا يسهل
تغيير البارات دي حاجة بسيطة ان شاء الله و سعرهم 75 جنيه الايطالي و الراجل لما هيركبهم هيفك الكاوتش و بعدين هيفك البارات من ناحية الطنبورة و ناحية علبة الدركسيون
و هقولك على حاجة بقا خلي الراجل يبصلك بالمرة على كاوتشتين علبة الدركسيون بالمرة و لاقدر الله فيهم حاجة غيرهم بالمرة طالما كده كده هتفك البارات

**heshamzaky** · 02-01-2011 12:35 AM

أحمد هو الراجل علشان يغير الكاوتشتين دة بياخد وقت و لا فى السريع و البارات بعد الفك بيبان ان كانو عاوزين يتغيرو و لا لآ صح كدة

**kohana** · 02-01-2011 12:44 AM

انت مخاصمنى ولا إيه ياجدو
ماشى براحتك ياعم اتقل علينا

**JUVENTUS** · 02-01-2011 12:46 AM

المشاركة الأصلية كتبت بواسطة heshamzaky

أحمد هو الراجل علشان يغير الكاوتشتين دة بياخد وقت و لا فى السريع و البارات بعد الفك بيبان ان كانو عاوزين يتغيرو و لا لآ صح كدة

تغيير الكاوتشتين اعتقد ممكن ياخد ساعة بالكتير
و لو عاوز تعرف البارات سليمة و لا لأ
اولا امسك فردة الكاوتش من الجنبين و حركهها في الاتجاهين بسرعة لو في صوت خبط او حسيت ان فيه بوش يبقو عايزين يتغيرو
ثانيا خلي حد يلف التارة يمين و شمال بس مش على الاخر يعني مجرد يهزها يمين و شمال بسرعة و امسك البارة نفسها لو لقيت فيه تخبيط يبقى عايزة تتغير

-

-

-

الموضوع: رابطة مالكي وعشاق التمبرا (الجزء الثالث)

LinkBack

أدوات الموضوع

عرض

-

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثاني)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة