الموضوع: رابطة مالكي وعشاق التمبرا (الجزء الثالث)

مبروك ياباشا
لازم اسالك اهم سؤال ...
بكام؟؟



مسيو هشام الجوان طلع مقطوع وحيتغير هو وجوان فرن الشكمان وجوان التاكيهات وقلتله اي حاجه في سكتك عايزه تتغير غيرها

السلام عليكم ارجو من الاخوه في المنتدي الافاده بخصوص تركيب تكيف ؟؟؟ فأناعرف انه يمكن تركيب تكيف ساندن ياباني او ديافيا او عند توكيل مقار للتكيفات فأيهم افضل او من الافضل ان اركب تكيف السياره الاصلي مع العلم ان الانواع السابقه جديده وبالضمان اما الاصلي فسيكون مستعمل ولا ضمان له -فأرجو من يعرف معلمه الايبخل بها ولكم جزيل الشكر =-=-=

ايه انا دخلت موقع تاني ولا ايه ؟؟؟؟؟؟؟؟؟؟؟؟؟؟؟؟ مش دي رابطه التمبرا اااااااا ؟ انت فين ياعم هشام ----وزيجو وزلباني واحمد يوفنتوس --مفيش حد انا حاسس اني في الصحرا

المفروض تركب التكييف الاصلي
انا اعرف انه ب 1800 جنيه استيراد من عند فاروق( اللي بنجيب منه )
وبيكون عالتجربه
معرفش بقى لو ركبت اي حاجه تانيه حيبقى احسن ولا لا
بس انا قبل كده واحد قاللي حاجه
( تكيييف الفيات مالوش لازمه )
لكن انا شوفت التكييف عند دكتور ضياء وكان بسم الله ماشاء الله
استنى استاذ هشام لما يخش يديلك الخلاصه



ومين زيجو ده ؟؟؟ مخصوم منك نص يوم

المشاركة الأصلية كتبت بواسطة mlav_cbr

ازيكم يا رجاله نفر نفر انا عارف اانى مش بدخل كتير عشان بس مشغول شويه وعلى فكرة انا جبت عربيه لانشيا ديدرا موديل 95 بس ماشاء الله مختلفه تماما عن التمبرا خصوصا فى الشكل الامامى شكل الاوكتافيا الجديدة بالظبط ونعومه ملهاش حل واعلى شويه من التمبرا من الامام فابالتالى مش بتلمع المطبات بجانب بعض الاوبش الزيادة زى فتحه شنطه وتانك من الداخل فوجات اصليه مريات كهرباء عدادات لكل حاجه حتى للبطاريه وحراراة الزيت والتابلوة ابانوس وش التكييف حقيقا افخم من التمبرا فى الشكل الخارجى والداخلى الميزة بقى انها 1600 موتور تمبرا ونفس العفشه

الف مبروك يا باشا الانشيا عربية حلوة جدا هية هية التمبرا بس فيها رفاهية اكثر من التمبرا و فخامة فى التابلوة مبروك عليك و ربنا يباركلك فيها

اسف يا عم زاجو وبلاش الخصم انت فين يا كبير======

بص يا باشا بالنسبة لموضوع التكيف عاوز اقولك شوية حاجات و أنت تقرر بعده و احسبها بص بالنسبة للتمبرا الغير مكيفة علشان تركب تكيف حا تغير الاتى أولا لازم تركب مروحة 2 سرعة بتاعت التمبرا و علشان المروحة دى تشتغل لازم الترموستات الاصلية ال هية 3 رجول علشان تشتغل سرعتين و لازم الرادياتير عندك يكون كويس لان بيبقى فية ضغط على دورة التبريد و بعد كدة أنت لازم يكون عندك التلاجة الى راكبة فى الصالون و دى مش عندك و مش عارف بقى بصراحة لو ركبت تكيف جديد الكلام دة حا يركب ازاى و شكلة أية انا عارف شكل الاصلى بتاع العربية و عاوز كمان طمبورة بتركب فى الموتور يعنى شوية حاجات كدة كتير بص أقرا المشاركات السابقة لان الموضوع طويل لازم تقرأة علشان تعرف كل حاجة أرجع للمشاركات السابقة علشان صعب نعيد المعلومات كلها

بس انا سمعت ان التكيف الساندن الياباني بينزل كامل وممكن يركب علي اي عربيه