رابطة مالكي وعشاق التمبرا (الجزء الثالث)

**kohana** · 10-01-2011 11:38 PM

إزيك يا حج زاجو عامل إيه ؟
حرمنا من أنسك ليه يا حج
واحشنى والله
بس انا مش عارف السبب
من ساعة ماجبت العربية وهى بتعمل كده

**mlav_cbr** · 11-01-2011 04:37 PM

المشاركة الأصلية كتبت بواسطة kohana

إزيك يا حج زاجو عامل إيه ؟
حرمنا من أنسك ليه يا حج
واحشنى والله
بس انا مش عارف السبب
من ساعة ماجبت العربية وهى بتعمل كده

يا باشا عيب الرجرجه ديه طقم دبرياج تغيرة وتنساها ودول فى منهم ب 360 جنيه اسطوانه وديسك وبليه
وكان فى نوع المانى ب 450 جنيه نادرا لما تلاقيه

**MOTORULE** · 10-01-2011 11:44 PM

فيينك يابني دأنا قلت القطة كلتك
بص باكابتن
الموتور لو البستم كبر و السفر بتاعه صغر يبقي أسمه موتور أوفر سكوار
لو البستم صغير و الكرنك كبير فبيبقي موتور أندر سكوار
لو جبنا بقي موتورين نفس السعة بس واحد أوفر سكوار و واحد أندر سكوار و رسمنالهم منحني العزم هنلاقي أيه

الكرف بتاع الأندر بادي بداية محترمة كده و بنت ناس بس لما الأر بي أم يعلي بيبتدي يفشل في المحافظة علي الكرف بتاعه
و ينحدر ده غير خشونة صوته و السرعة الكبيرة لمكوناته و في رأي الشخصي بيبقي أفشل في أستخدام الزيت لحماية مكوناته

نيجي للأوفر بتاعنا اللي رافع راسنا تلاقي الكرف بادي بداية مش و لابد بس مع زيادة عدد اللفات بيبان سبب أستخدام المصصممين ليه بالذات في عربيات الفرميولا اللي بتبقي أوفر سكوار بتعصب تلاقيه عمال يطلع يطلع يطلع
و طبعا عكس أخوه التاني اللي بيتخدم بكثافة في العربيات الأسيوية و الأمريكية تلاقيه صوته ناعم و بط حركة أجزاءه النسبي علي نفس الأر بي أم و في رأي أنا الشخصي برده (خلي بالك من دي) بيستهلك الزيت كويس لحماية مكوناته حتي النخاع

**kohana** · 10-01-2011 11:48 PM

يعنى اللى بيحصل ده طبيعى
ولا أعمل إيه يعنى علشان أبقى فى الصورة

**MOTORULE** · 11-01-2011 12:10 AM

بص أنا مبستخدمش السلانسية أصلا عشان ضعيف
بس أنت ممكن تقارن عربيتك علي الطبيعة مع أختها من أي أخ مع 1600 تكون زيك بالظبط
ممكن يكون الوضع عندك أسواء لأن في حاجة محتاجة حاجة
مثلا لو كاربيراتير يكون عايز يتنضف
بس ممكن تستني أراء الناس القدام
أنا بقي عايز أعرف حاجة
الحكاية دي بتحصل لما ترفع رجلك من علي البنزين و أنت ماشي أصلا ( و ده في رأي عادي)
و لا لو كانت واقفة و رفعت الدبرياج بشويش جدا برده هيحصل
الأولانية الموتور أتحول من دافع للعربية لكابح للعربية و ده مش وضع المفروض يستخدم أصلا و المصممين مش حاطينه في أعتبارهم
التانية لو حصلت و هفترض أنك كاربيراتير زي يبقي عايز يتظبط لأنه الكاربيراتير بتاعنا أتنين عين واحدة منهم مسئولة عن تغذية المحرك لحد عدد لفات معين و منطقي أنها ضيقة و منطقي برده أنها بتتوسخ أسرع

**kete** · 11-01-2011 12:25 AM

الاخوه الكرام فى الشتاء دايما بيحصل ان عضمه البوجيهه اللى راكبه على البوجيهه مباشره لو حضراتكو استعجلتو ومشيتو قبل تسخين العربيه فهى بتعطل وتلاقى العربيه تنتش ولو ذودت دوس بنزين بتروح فعلا راجعو على طقم الزببه اللى راكب على البوجيهات فى حاله تقطيع السياره قبل ما تتخيلو ان المشكله فى حاجه تانيه !!!!!!! ولحضراتكو جميعا وافر الاحترام والتقدير

**kete** · 11-01-2011 12:28 AM

الاخوه الكرام فى الشتاء دايما بيحصل ان عضمه البوجيهه اللى راكبه على البوجيهه مباشره لو حضراتكو استعجلتو ومشيتو قبل تسخين العربيه فهى بتعطل وتلاقى العربيه تنتش وترجرج ؟ ولو ذودت دوس بنزين بتروح فعلا راجعو على طقم الزببه اللى راكب على البوجيهات فى حاله تقطيع السياره قبل ما تتخيلو ان المشكله فى حاجه تانيه !!!!!!! ولحضراتكو جميعا وافر الاحترام والتقدير

**eng_tefa** · 11-01-2011 02:31 AM

السلام عليكم ورحمة الله وبركاته
واحشنـــــــــــى والله يا رجاله بعد الغيبه دى
ان شاء الله اقرا اللى فاتنى واكون معاكوا
ادلعولى ونبي عشان انا جبت اخرى خلاص
فاضل اسبوع واخلص امتحانات
سلامى لكل الناس واحد واحد ............

**ahmedmido_egypt** · 11-01-2011 03:42 AM

السلام عليكم ورحمة الله وبركاته

ما هي مميزات وعيوب فيات تيمبرا ؟

بصراحة أنا محتار جدا في أنى أشترى تيمبرا
فأنا سمعت كلام كتير عن العربية دي
فيه اللى بيقول أنها عربية ممتازة
وفيه اللى بيقول ان مشاكلها كتير

فأنا محتاج جدا للمشورة من خبراء المنتدى والمشاركين في المنتدى الجميل ده

لأنى أنا حبيت العربية دي قوي
كنت عايز اعرف عنها كل حاجه
يعني ( مواصفات - موديلات - كماليات - قطع الغيار - الصيانة - السرعة - الثبات - الأمان - الراحة - الصاج - البنزين - ...... )

**HOSSNY** · 11-01-2011 06:39 AM

المشاركة الأصلية كتبت بواسطة ahmedmido_egypt

السلام عليكم ورحمة الله وبركاته

ما هي مميزات وعيوب فيات تيمبرا ؟

بصراحة أنا محتار جدا في أنى أشترى تيمبرا
فأنا سمعت كلام كتير عن العربية دي
فيه اللى بيقول أنها عربية ممتازة
وفيه اللى بيقول ان مشاكلها كتير

فأنا محتاج جدا للمشورة من خبراء المنتدى والمشاركين في المنتدى الجميل ده

لأنى أنا حبيت العربية دي قوي
كنت عايز اعرف عنها كل حاجه
يعني ( مواصفات - موديلات - كماليات - قطع الغيار - الصيانة - السرعة - الثبات - الأمان - الراحة - الصاج - البنزين - ...... )

بص يا باشا موضوع المواصفات ففيها اكثر من نوع يعنى ممكن تلاقى مكيف وباور بس وممكن تلاقى معاهم زجاج كهرباء وممكن تلاقى بفتحته سقف بصراحه كتير وموديلاتها من 90 : 93 ايطالى من 94 : 2000 مصرى على تركى على المانى الصيانه عاديه جدا معادا بعض الفنيات بتعوز حد فاهم وهنا الرجاله تفيدك فى اى وقت على العيب ومين اللى يصلحوا اما الباقى السرعه والثبات والراحه مافيش بعد جدا ممتازه الصاج متين جدا وعربيه حموله ماتحسش بمشاكل العفشه والكلام ده زى العربيات الامامى عفشتها قويه البنزين معقول على سعه المحرك
اهم حاجه فى التمبرا الحاله ثم الحاله بدون تنازلات ولو فى عربيه قدامك اوصفهلنا والناس تثمنها لك

الموضوع: رابطة مالكي وعشاق التمبرا (الجزء الثالث)

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثاني)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة