الموضوع: رابطة مالكي وعشاق التمبرا (الجزء الثالث)

المشاركة الأصلية كتبت بواسطة adelco

السلام عليكم
ازيكم يا تمبراويه
كلكم واحشنى جدا
مبروك الجزء الثالث وعقبال ال100
اولا احب ابارك لخالد على العربيه الجديده رغم تاخرى فى ذلك بس ملحوقه ربنا يبارك لك فيها ويكفيك شرها
ثانيا احب اعاتب جاليليو واقوله ما حدش بيسيب بيته عشان اخوة زعله
وكمان اعاتب حسنى واقوله ما تتقلش على جاليليو عشان انت محترم وهو محترم بس هو ما بيحبش الهزار هزر معايا انا يا حسنى وما تزعلش جاليليو وما تهزرش مع جاليليو لحسن اجيلك المنصورة
وكمان زاجو نفسى يمسك نفسه شويه واعصابه ما تفلتش منه عشان كده مش كويس ده كده رجليه هتوجعه من الوقف يا اخى المنتدى بيبقى ما لوش طعم من غيرك ما تحرمناش منك
وزلبانى عامل ايه واحشنى جدا وكمان احمد وشوماخر وياسر اللى ما شاء الله مستواة ارتفع بشكل ملحوظ ومايكل اللى الكتكوته مزعلاة وان شاء الله كله يبقى تمام ويبقى الباور زى الفل واخى كوهانا يارب تكون العربيه ماشيه معاك تمام والدكتور حبيب قلبى ربنا يوفقك فى المشروع اللى انت فيه ويتمهولك على خير واسامه اللى سابنا ومش هنسيبه واحشنى يا راجل وعاطف اللى مهندسنا كلنا ومحمد ومحمود وطبعا مش هنسى شيخ المصورين هشام بيه حبيب الكل
وسامحونى لو فى اسماء سقطت منى
المهم انا عاوز طلبين عشان تبقى المشاركه ليها لازمه
الاول حد فكر انه يحط للعربيه فرش جلد فى دواسه العربيه والشنطه لو سمحتوا لو حد عمل كده يدينا فكرة عن التكاليف ومين عمل ايه ومنين وبكام
الطلب التانى عاوز اشترى اكصدام امامى بالفوجات شوفلى يا هشام الموضوع ده ورد عليا الله يخليك
واخيرا هل فى استعدادات معينه الواحد يبتدى يعملها لما الشتا يدخل ولا لا ولو فى ايه هي الاستعدادات دى طبعا الكلام ده على العربيه احسن حد يقولى اشترى بطاطين ولا حاجه
وكل عام وانتم بخير بمناسبه العام الهجرى

مساء الفل على الكل
ازيك يا استاذ عادل عامل ايه
بالنوسبة لموضوع الاكصدام اللى فيه فوجات انا كنت شاريه من الحرفيين من حوالى 3 سنين ب250 ج وكان نفس لون العربية يعنى ممكن تلاقى لون عربيتك بس محتاجة لفة شوية مع شويتيين صبر