رابطة مالكي وعشاق التمبرا (الجزء الثالث)

**zago** · 19-01-2011 10:14 AM

ايوه الخرطم مش في الخطاف

**heshamzaky** · 19-01-2011 10:29 AM

المشاركة الأصلية كتبت بواسطة zago

ايوه الخرطم مش في الخطاف

طب ما ركبهوش مكانة لية و حتى لو ما ركبش مش حا يطول الطميورة يا وسام

**adelco** · 19-01-2011 11:14 AM

المشاركة الأصلية كتبت بواسطة hossny

اسف على التأخير لكن الشغل اخنى هناك المهم نبدا بس احب اوضح حاله الملل الظاهره على اصحاب المحلات نتيجه لقله المشتريين

فغصب عنى الاسعار اللى هحطها دى اسعار بدون فصال لانى الحاله كان صعب انى افاصل واسيبوا وامشى المهم نبدأ بالاسعار

اولا طلب الاخوه الاعضاء

1- التكييف ( 500 كمبروسور - الف جنيه السربنتينه والجزان والخراطيم ) التركيب بمعرفتك و على تجربه اسبوع
2- شرايط الابواب 150والشنطه جنيه وهما مكتفينهم وانت وحظك يقولك دول بتوع عربيه بيتباعوا على وضعهم
3- اسكترت الباور 300 على التجربه
4- طرمبه الباور 250 على التجربه
5- الابواب كامله اماى كهرباء والخلف عاده 800
6-طقم العفشه الاماميه كامله بالكبالم 500 للجانبين
7- باب الشنطه ب200 حاله نمره واحد بدون مفتاح وبعلامتها
8- قربه المساحات ب 40 جنيه بالماتور
9- المرايات الجانبيه 180 جنيه
10-فرش الابواب 100 جنيه
11- فبره العدادات بالعداد 100 جنيه
12 - الطابلوه كامل 450
13- القطمه الاماميه ( فوانيس - شبكه - اكصدام - صدر ) ب 800 بعد فصال مرير كان بادئ بالف
14- اكصدام امامى بالفوجات 350
15- اكصام خلفى 300
ده اللى سألت عليه كله على ما افتكرت حد كان طاب حاجه ماسألتش عليها

السلام عليكم
استاذى والله انت استاذ ورئيس قسم
مجهود رائع وتشكراتى ليك
وربنا ييسرلك حالك ومشاكلك ان شاء الله تتحل

**adelco** · 19-01-2011 11:17 AM

المشاركة الأصلية كتبت بواسطة ahmed79

كالون الشنطه لو اتغير ينفع نشغله بالمفتاح القديم
والجز الفبر الى فوق العددات ينفع يتغير لوحده ولا لازم تبلوه

الفبرة انا سالت عليها لاقيتها فى العزبه ب 180 جنيه من غير العدادات وبالعدادات ب 200 جنيه يعنى العدادات ب 20 جنيه
مش حاجه تنقط
والاستاذ حسنى راح بور سعيد ولاقى الفبرة بالعدادات ب 100 جنيه واعتقد ان ده سعر لقطه انا اخد الفبرة واشيل العدادات احتياطى وانت كمان تعما نفس الموضوع
ايه رايك
لو موافق ممكن الاستاذ حسنى نرتب معاه ويجبهم لنا ونبقى نروح ناخدهم منه بس بشرط يعزمنا على اكله كباب
والبيبسي
او فى مرة وهو رايح يقولنا ونروح مع بعض

**zago** · 19-01-2011 01:10 PM

المشاركة الأصلية كتبت بواسطة heshamzaky

طب ما ركبهوش مكانة لية و حتى لو ما ركبش مش حا يطول الطميورة يا وسام

مش بتحك في الطمبوره
بتحك في الجنط نفسه
خلاص انا رحتله جبت واحده تانيه وركبناها
جت سليمه الحمد لله
انا مش غايظني غير السيراتو كوبيه اللي كنت حلبس فيها الصبح
الحمد لله

**zago** · 19-01-2011 01:53 PM

المشاركة الأصلية كتبت بواسطة kdosoki

انا بخش اشوف مشاركات زاجو واخرج تانى
ربنا يكون فى عون الميكانيكى اللى بيشتغل فى عربيتك ؟؟؟

الله يكون في عون العربيه ... حتلاقيها مني ولا من الميكانيكي

**eng_tefa** · 19-01-2011 02:03 PM

المشاركة الأصلية كتبت بواسطة adelco

الفبرة انا سالت عليها لاقيتها فى العزبه ب 180 جنيه من غير العدادات وبالعدادات ب 200 جنيه يعنى العدادات ب 20 جنيه
مش حاجه تنقط
والاستاذ حسنى راح بور سعيد ولاقى الفبرة بالعدادات ب 100 جنيه واعتقد ان ده سعر لقطه انا اخد الفبرة واشيل العدادات احتياطى وانت كمان تعما نفس الموضوع
ايه رايك
لو موافق ممكن الاستاذ حسنى نرتب معاه ويجبهم لنا ونبقى نروح ناخدهم منه بس بشرط يعزمنا على اكله كباب
والبيبسي
او فى مرة وهو رايح يقولنا ونروح مع بعض

وانا معاكو ان شاء الله دا سعر لقطه بس اهم حاجه تكون حالتها كويسه
عشان اللى عندى هغيرها بس عشان فيها شرخ من فوق وبالمره العدادات تنفع قطع غيار

**zago** · 19-01-2011 02:04 PM

المشاركة الأصلية كتبت بواسطة motorule

جت سليمة الحمد لله و ربنا سترها
بس أنت كده الميكانيكي بتاعك أشد من الميكانيكي بتاعي

اه ياباشا ده شديد جدا ههههه

مره العربيه الجيب الله يرحمها غيرت البلي بتاع العجل الخلفي شمال
جاب البلي روماني ب 80 جنيه
اخدتها منه وركنت تحت البيت وطلعت
تاني يوم رايح الشغل وانا طالع الدائري حسيت كأن العربيه فصلت ورجعت مشيت تاني
اول ما بقيت عالدائري لاقيت العربيه وقعت عالارض من الناحيه اللى ورا شمال وفرده الكاوتش بالجنط بالاكس اللي بيبقى داخل عالكورونه بيجري قدامي عالدائري ههههههههه
والله ولا مشهد من فيلم كرتون
طبعا ربنا ستر لان الجيب تقيله ووزنها ثبتها
طبعا انا نزلت وجبت الكاوتش ورفعت العربيه بالكوريك ودخلت الاكس مكانه وزقيت العربيه على جنب ورفعتها تاني بالكوريك وفكيت العجل من الاكس ....
ومسكت الاكس وعلى ورشه الميكانيكي عدل وطبعا كان بيني وبينه 5 دقايق في الطريق كلمت بابا قلتله اللي حصل ( كان في العبور ساعتها ) وكلمت واحد صاحبي قلتله هات الناس وتعالى على الميكانيكي بتاعي علشان&%^*&@$&# بيت امه
طبعا بابا كلم الميكانيكي وقاله متفتحش الورشه وسام جايلك علشان حصل كذا كذا
وبابا جه طيران من العبور
انا بقى وصحابي فضلنا واقفين مستنيينه يفتح
بس طبعا اللي ستر ان بابا جه قبل الميكانيكي وخلانا نطلع البيت ولم الموضوع

تخيل بقى الميكانيكي كان عامل ايه ؟؟؟ مركب البليه بالمشقلب
اتكسرت وكل حاجه طارت هههههههههههه

عارف بقى اكتر حاجه تغيظك ايه ؟؟ ان البلي الامريكي الاصلي بتاع العجل تمنه 60 جنيه
امريكي مش روماني

والبيه الميكانيكي طبعا قال ان البلي اتكسر وده سبب ان العجل طار ....طب ما هو اللي جايب البلي
والراجل اللي اشتريت منه البلي الامريكي في شارع الجسر ( ده عزبه شلبي بتاع الجيب ) قاللي لا حتى لو اتكسر العجل ميطلع غير لو هو ركبها بالمشقلب

شوفت الهنا ؟؟؟؟
انا خلاص حرمت وحبقى اسال فين عادل سيينا ده اللى زلاباني قال عليه