رابطة مالكي وعشاق التمبرا (الجزء الثالث)

**nona4455** · 19-01-2011 12:30 AM

المشاركة الأصلية كتبت بواسطة heshamzaky

مساء الفل يا رجالة ازيكم جميعا اخيرا خلصت العفشة ههههههه . بالنسبة لاسماء الناس الى على الرابطة يا باشا أحنا شوفنا بعض كتير جدا و معظمنا عارف بعض تقريبا أنا شخصيا تقريبا شوفت كل الناس بنسبة 90 بالمائة منهم الى بيدخلو على طول و بالنسبة لموضوع اننا نجيب قطع غيار بالجملة فكرة حلوة و دى كنا قولناها قبل كدة و أنا أن شاء الله على كفاءة يا استاذ و الناس القديمة عارفة أننا نجيب قطع الغيار من ايطاليا و تتشحن لنا و الكلام دة بالفعل تم و الناس الى جالها قطع غيار كدة كان أحمد باشا و مايكل باشا بتوع الانشيا

ازيك ياهشام بيه انا قصدي ان دهيبقي مرجع لكل الاعضاء في الرابطه سواء الجدد او الاعضاء القدامي--وياريت حضرتك تفعل موضوع قطع الغيار لانك اكتر واحد بتفهم فيها وشكرا يا كبير

**heshamzaky** · 19-01-2011 12:43 AM

المشاركة الأصلية كتبت بواسطة nona4455

ازيك ياهشام بيه انا قصدي ان دهيبقي مرجع لكل الاعضاء في الرابطه سواء الجدد او الاعضاء القدامي--وياريت حضرتك تفعل موضوع قطع الغيار لانك اكتر واحد بتفهم فيها وشكرا يا كبير

بص الاول أنا فى موضوع قطع الغيار و المواتير مش أشطر واحد و الله بجد معانا ناس وحوش بيفهمو فى الحاجات دى أحسن منى بجد مش هزار . بس بالنسبة لموضوع قطع الغيار لو عاوز حاجة أستيراد الراجل الى بنجيب من عندة عرض على الرجالة كلهم انهم يقولو عاوزين أية و بكتب لستة و يجيبها لنا مخصوص و كلهم عارفين الموضوع دة تقريبا و سمعوة بنفسهم . و أحمد يوفنتوس عامل موضوع ممتاز كاتب فية أسعار قطع الغيار الجديدة و الاستيراد مجهود ممتاز منة بجد

**heshamzaky** · 19-01-2011 12:46 AM

بص دة الموضوع بتاع أحمد http://www.nilemotors.net/Nile/194188-a.html

**HOSSNY** · 19-01-2011 12:46 AM

اسف على التأخير لكن الشغل اخنى هناك المهم نبدا بس احب اوضح حاله الملل الظاهره على اصحاب المحلات نتيجه لقله المشتريين

فغصب عنى الاسعار اللى هحطها دى اسعار بدون فصال لانى الحاله كان صعب انى افاصل واسيبوا وامشى المهم نبدأ بالاسعار

اولا طلب الاخوه الاعضاء

1- التكييف ( 500 كمبروسور - الف جنيه السربنتينه والجزان والخراطيم ) التركيب بمعرفتك و على تجربه اسبوع
2- شرايط الابواب 150والشنطه جنيه وهما مكتفينهم وانت وحظك يقولك دول بتوع عربيه بيتباعوا على وضعهم
3- اسكترت الباور 300 على التجربه
4- طرمبه الباور 250 على التجربه
5- الابواب كامله اماى كهرباء والخلف عاده 800
6-طقم العفشه الاماميه كامله بالكبالم 500 للجانبين
7- باب الشنطه ب200 حاله نمره واحد بدون مفتاح وبعلامتها
8- قربه المساحات ب 40 جنيه بالماتور
9- المرايات الجانبيه 180 جنيه
10-فرش الابواب 100 جنيه
11- فبره العدادات بالعداد 100 جنيه
12 - الطابلوه كامل 450
13- القطمه الاماميه ( فوانيس - شبكه - اكصدام - صدر ) ب 800 بعد فصال مرير كان بادئ بالف
14- اكصدام امامى بالفوجات 350
15- اكصام خلفى 300
ده اللى سألت عليه كله على ما افتكرت حد كان طاب حاجه ماسألتش عليها

**heshamzaky** · 19-01-2011 12:50 AM

حسنى ازيك الاسعار كدة مش فارقة عن القاهرة بعض الاسعار احنا بنجيب أقل منها هنا كمان على فكرة و اسمع باقى الاراء من الزملاء برضو . تسلم طبعا على المجهود بس دول كدة فى بورسعيد بيهرجو امال اية الميزة عندهم

**HOSSNY** · 19-01-2011 12:54 AM

باشا الاسعار ى دى من غير فصال طبعا بسبب حاله الركود اللى موجوده لو فاصلت ووافق ومشترتش هيضربونى وعامه انا ما اشترتش حاجه لان العمليه متأزمه بسبب سوء الجو حاله ركود رهيبه والحاجه ام الف لو قلت 200 هيوافق بس بصراحه انا حصلى مشكله هناك اضريت انى ااجل الشراء واخلص الشغل اللى رايح عشانه

**nona4455** · 19-01-2011 12:55 AM

حمدلله علي السلامه ياحسني والله ليك وحشه ياراجل ايه الغيبه دي وانت ايه رايك في التكيف في حد بيركبه هناك والسعر ده 1500 --شامل كل اجزاء التكيف وانت يا باشا اشتريت ايه من هناك

**heshamzaky** · 19-01-2011 12:59 AM

المشاركة الأصلية كتبت بواسطة hossny

باشا الاسعار ى دى من غير فصال طبعا بسبب حاله الركود اللى موجوده لو فاصلت ووافق ومشترتش هيضربونى وعامه انا ما اشترتش حاجه لان العمليه متأزمه بسبب سوء الجو حاله ركود رهيبه والحاجه ام الف لو قلت 200 هيوافق بس بصراحه انا حصلى مشكله هناك اضريت انى ااجل الشراء واخلص الشغل اللى رايح عشانه

فاهم قصدك طبعا و الكلام دة هنا برضو لو دخلت محل و سألت و حس أنك مش حا تشترى بيطنش و ينام مش عاوز يتعب نفسة بس أحنا فى القاهرة و بورسعيد بعيدة و لو جيت أجيب حاجة أكيد حا أجيب الحاجة الى مفيش فيها تجربة زى الحاجات الفيبر و الاكصدام بس العيب انك مش حا تعرف ترجع بالحاجة بتاعتك الى كانت راكبة فى العربية مثلا يعنى لو غيرت اكصدام اكيد حا ترمى القديم مش ممكن تسافر بية حا تشيلة فين جوة العربية أنت فاهم وجهت نظرى

**nona4455** · 19-01-2011 01:06 AM

طيب حجم المحلات وعددها اكبر من عزبه شلبي يعني في تنوع في البضاعه ولا نفس الحجم وايه الي شوفته هناك ومش موجود في العزبه

**HOSSNY** · 19-01-2011 01:07 AM

لا انا برجع بكل حاجه انا ركبت الماتور هناك وفككت الماتور القيم وجبته معايا

المهم احكيلك على اللى حصل انهارده انا خلصت بورسعيد وروحت الاسماعليه المهم وانا راجع قلت اشد بالعربيه شويه والطريق مفتوح

وفاجأه طلعتلى نيسان صنى 2008 يشد معايا والله انا نفسى مكنتش مصدق والله العظيم من 110 : 180 مقدرش يحصل باب الشنطه بتاعى

الواد كنت ببص عليه فى المرايا كان هيموت

ولاول مره اشد جامد كده واقصى سرعه وصلتلها 186كم

الموضوع: رابطة مالكي وعشاق التمبرا (الجزء الثالث)

LinkBack

أدوات الموضوع

عرض

-

-

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثاني)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة