الموضوع: رابطة مالكي وعشاق التمبرا (الجزء الثالث)

المشاركة الأصلية كتبت بواسطة ahmed1981

السلام عليكم ورحمة الله وبركاته

مشكلة جديدة في التمبرا معلش تعبتكوا معايا
أحياناً باب السائق أقفله بالسنتر ولما أحب أتأكد إنه مقفول من الخارج أجده يفتح عادي
أفتح وأقفل تاني وأقفل السنتر وأجرب تاني ألاقيه تمام

ثاني حاجة وأنا ماشي في أمان الله وممكن لما السرعة تعدي التسعين مثلاً أحياناً أفاجأ بأن الباب فتح تكة واحدة من نفسه كده

فما هو الحل

السلام عليكم
صبا ح الفل
بص بقى يا سيدى الموضوع ده دوخنى السبع دوخات
القصه بكل بساطه بعد ما دفعت حوالى 100 جنيه تصليحات ان الكالون متاكل من جوه ومش هينفع خالص
لازم يتغير
وياريت تجيبه جديد مش مستعمل انا دخت لحد ما جبت المستعمل ورجعته مرتين ولحد دلوقت لي 50 جنيه عند واحد فى العزبه بسبب الموضوع ده وكنت قبل ما اشترى الكالون الاخير باقول لنفسى والله لو كان بالف جنيه واشترته كان احسنلى من البهدله اللى انا فيها
عموما الحل المؤقت لمشكلتك هو انك كل ما تقفل الباب ما تقفلوش بانك تزقه وتسيبه يترزع لا
زقه زما تسيبوش يترزع اضغط عليه بركبتك كانك بتكتمه عشان ما يردش السنه اللى بتعمل المشكله دى
واقفل السنتر هيقفل كويس
ووانت ماشى بالعربيه قبل ما تتحرك اقفل السنتر ولو ما قفلش افتح الباب واقفله تانى بس وانت بتقفله شده بضغط لجوة عن طريق انك تمسك بالجراب اللى فى الباب من تحت يعنى تقفل الباب بايديدك الاثنين ايد فوق الزجاج وايد ماسكه الجراب ودايما اقفل السنتر لو ما قفلش افتح الباب واقفله تانى لحد ما يقفل
وربنا يسترها معاك واسف للاطاله بس الموضوع ده جننى وانا جبتلك من الاخر