رابطة مالكي وعشاق التمبرا (الجزء الثالث)

**heshamzaky** · 19-02-2011 11:01 PM

مبروك يا كوهانا باشا و أنت عارف لو جبت منظف الانجيكشن حا تنظف من غير ما تفك الكاربراتير أساسا بينظف جامد جدا جدا و مش بيبوظ حاجة بصراحة المنظف دة ممتاز بجيبة ب 25 جنية و بينظف 3 مرات على الاقل

**JUVENTUS** · 19-02-2011 11:06 PM

المشاركة الأصلية كتبت بواسطة kohana

السلام عليكم ورحمة الله وبركاته
إزيكم يارجالة عاملين إيه ياحلوين ؟
أنا الميكانيكى فك لى الكاربراتير ونضفه وخد 20 جنيه مصنعية والعربية بقت كويسة والخنقة اللى فيها والصوت العالى راحو والسحب بقى كويس وكمان مبقتش تبطل بعد ماتسخن والحمد لله والميكانيكى كمان قالى الكاربراتير ده اول مرة يتفك من على المكنة

مبروك يا باشا و ربنا يبارك لك في العربية

**eng_tefa** · 20-02-2011 02:33 AM

المشاركة الأصلية كتبت بواسطة heshamzaky

تيفا انت فاكر انا لما اجيت اعمل العفشة عندى عملت اية . غيرت المقصات مع كاوتش و صوابع الميزان و كاوتش الكبالن و كاوتش الزيت و كاوتش علبة الدريكسيون و البارات الخارجى كل دة مرة واحدة كدة أنظف و احسن و كنت مغير السوست و مساعدين أمامى و خلفى . كل دة لو حسبتة لا يتعدى 1800 جنية تقريبا بظبط الزوايا . كدة مفيش مشاكل فى العفشة ألا لو عندك علبة دريكسيون بايظة و تظبط زوايا كمان . الموتور لو جوانات بتجيب زيت غيرها كلها مع نغير طقم سيور كامل و طقم كهرباء و فلتر هواء و فلتر بنزين كل دة فى حدود 400 جنية بالمصنعيات . قولى بقى أية بايظ عندك و أحسب التكاليف كلها و قولى يا باشا . الفكرة أنت زهقت من العربية لانك كل شوية تغير حاجة واحدة و تدفع مصنعية و تلاقى حاجة اخرى أعملهم مرة واحدة فى يوم واحد أفضل مش حا تحس أنك مخنوق من العربية

طب يعنى واحد زى يعمل ايه يا استذ هشام انا بجد اتخنقت ... يعنى مشكلتلا انى مطلعتش ميكانيكى
اعرف منين انا مشكله العربيه .. ما اللى بيقولى عليه الميكانيكى بعمله ولا هو يقولى مثلا عايز مقصات اروح اجبله المقصات مع كاوتش و صوابع الميزان و كاوتش الكبالن و كاوتش الزيت و كاوتش علبة الدريكسيون و البارات الخارجى والبارات الداخلى وجوز مساعدبن .......... طبعا دا مينفعش
انا مش بغير حاجه واحده وادفع مصنعيه انا اللى بيقولولى عليه بعمله .. مش مشكلتى انى مبفهمش فى العربيه امال هما لزمتهم ايه
طيب عشان تعرف اللى انا عملته بص
جبت جوز مقصات من عند فاروق العفشجى قالى لا هاتهم جداد عشان البيضه طريه
روحت اجبهم جداد كلمنى وقالى لا انا هجبهملك استراد من واحد صحب عشان مفيش جديد كويس وغالى
قولتله ماشي نام فى الحوار قولتله انا هجبهم
روحت اشترتهم استراد من واحد تانى ف العزبه عشان محرج اقول لفاروق تانى
ركبهم تمام وصوت التزييق راح وظبط زوايا
بس العربيه بتحدف شمال روحت لبتاع الزوايا تانى بدلى العجل وبقت تحدف يمين
قالى عادى هتظبط لوحدها
العربيه بقت ترجرج على السرعات العاليه
قالى ترصيص
روحت مرصص وظبط زوابا تانى
قالى لا كاوتش
روحت لاستاذ هشام ادانى 4 فرد
رجع قالى لا الكاوتش سليم مش منه
بقت بترجرج على السرعات 40-50
روحت ل (هنتر سنتر ) قالى البارات الداحليه مبوشه
قولت ماشى اما نشوف اخرتها
جت الثوره ولسه جايب البارات امبارح
روحت للعفشجى قالى البارات سليمه واعمل ترصيص والعجل متركب عند مش عارف مين
قولت ماشي
وانا رايح قولت اكشف على العفشه عند واحد تانى بتاع زوايا يمكن العفشجى بيحور
روحت للاول قالى فيها سنه بوش
التانى قالى مفهاش حاجه بس المساعد بيعرق ولازم بتغير
التالت ( هنتر سنتر) تانى مره قالى العلبه مبوشه واعملها حشو وتعالى
روحت مرجع البارات لسعيد بطرس وكنت فى قمه الخجل وقولت ملعون ابو العربيه اللى تخليك كدا

لو انت مكانى تعمل ايه ...............
وايه زنبي فى الحوار دا كله

**heshamzaky** · 20-02-2011 02:42 AM

أية دة يا تيفا أنت صعبت عليا من كتر المواير المقرفة دى ههههههههه . بص هنتر سنتر عندة كمبيوتر عندة واحد أسمة الاسطى محمود دة شاطر جدا و الكمبيوتر بيبين كل حاجة أنا لما بروح هنتر عندة جهازين واحد فى المحل الاولانى و واحد فى المحل الى بعدة جنب السروجى الجهاز دة ممتاز و على فكرة هو عندة ترصيص و العجل راكب الفردة ب 6 جنية برضو . لو مش مقتنع بية روح لحد بتاع زوايا بالكمبيوتر و يكشف على العربية و يقولك العيب منين و طبعا أنا عارف كل واحد بتروحلة بياخد مصنعية للفك و التركيب بس لما تتظبط العربية انسى يا هندسة مش حا تحس بالمشاكل دى أن شاء الله

**eng_tefa** · 20-02-2011 02:47 AM

انا فعلا نويت اعمل كدا ترصيص وشكراااا اتظبطط ماشي زى مهى ولا هعبرها تانى
كانت زى الفل وربنا قبل المقصات يكش بس انا اللى محسوك والصوت رخم
كانت فله ولا فى حدف ولا زوايا ولا اى بلح
سيبك انت مش هنشوفك بقى ههههههههههه

**JUVENTUS** · 20-02-2011 02:50 AM

يا تيفا المفروض ان انت اول ما عرفت ان المقصات بايظة تكشف على باقي العفشة كلها و تغير اللازم مع المقصات سيبك من كلام الصنايعي
اصل الطريقة بتاعت واحدة واحدة مش هتنفع عشان العفشة بتأثر على بعضها و في نفس الوقت الصنايعي هو الكسبان لانك لو عملت حاجة حاجة هتدفع اكتر من لو عملت كله مرة واحدة

**heshamzaky** · 20-02-2011 02:51 AM

عدى أى وقت الدنيا هنا أمان جدا جدا جدا مفيش أى مشكلة و الحياة عادية جدا أى وقت يا تيفا أنا مش بخرج ب الليل ألا قليل . و بص خليك مع هنتر دة كويس على فكرة و بجد عجبنى

**heshamzaky** · 20-02-2011 02:55 AM

المشاركة الأصلية كتبت بواسطة juventus

يا تيفا المفروض ان انت اول ما عرفت ان المقصات بايظة تكشف على باقي العفشة كلها و تغير اللازم مع المقصات سيبك من كلام الصنايعي
اصل الطريقة بتاعت واحدة واحدة مش هتنفع عشان العفشة بتأثر على بعضها و في نفس الوقت الصنايعي هو الكسبان لانك لو عملت حاجة حاجة هتدفع اكتر من لو عملت كله مرة واحدة

أزيك يا ابو حميد أنت فاكر أنا كنت جبت كاوتش علبة الدريكسيون و قلت اغيرة و أنا عند الميكانيكى القديم الى فى الزيتون سالتة فية حاجة تانية عاوزة تتعمل علشان مش كل يوم اروح و افك و ادفع مصنعيات الراجل كان امين جدا و قالى أكشف زوايا باكمبيوتر و الى يقولك علية اشترية و أنا افك و اركب و كلة مرة واحدة علشان ما تلصمش العفشة و تدفع مصنعية و قالى أنا كل فك و تركيب باخد مصنعيتى بس كدة حرام أعملها مرة واحدة اوفر وقت و مجهود و فلوس