رابطة مالكي وعشاق التمبرا (الجزء الثالث)

**zago** · 13-03-2011 09:47 PM

المشاركة الأصلية كتبت بواسطة doctormahmoud

انتو كده حيرتونى يا جماعة
يعنى احسن اعمل شاشة خلفية و لا حساسات ركنة؟؟
و الشاشة بكاميرا خلفية دى هتبقى كام سعرها؟
معلش استحملونى
و جزاكم الله خيرا عنى

لا شاشه ولا حساسات
شويه وحتتعود على ابعاد العربيه لوحدك
لكن لو مصر يبقى ركب شاشه علشان لما تتعود على ابعاد العربيه وتستغنى عن الشاشه ابقى اتفرج على فيديوهات عليها وانت واقف في الشاره

**heshamzaky** · 13-03-2011 10:53 PM

الورق الاستيكر الكاربون فيبر غالى و مش حا يبقى حلو على العربية التمبرا و دة بيتعمل بية الكابوت مش الاجناب . بالنسبة للكاوتش مش حا يعلى العربية زى ما انت عاوز المقاس الاعلى هو 185/65/14 يعنى زيادة فى الارتفاع 1 سنتى فقط عاوز تعلى العربية ركب كاوتش علايات بس ال 3 سنتى كفاية فية اعلى من كدة بس ال 3 سنتى حا يبقى معقول و مش عالى قوى

**nona4455** · 13-03-2011 11:05 PM

ازيك يا هشام بيه مبروك علي التيبو وعلي بيع الفيورا وربنا يقويك علي الشغل الي فيه لاني عارف انك بتحب الشغل الصح --بالنسبه للكربون الي بيتلزق سعر المتر المط ب35 ج واللميع ب45 ج في التوفيقيه عند محمد ابراهيم او في اولاد جلال في عابدين بيعملوا الشغل ده وحسب الخامه وانا بفكر اعماها علي السقف بلون اسود وبالنسبه للجنوط انا كنت بسال علي جنط 15 سبور للتمبرا ممكن يكون موجود في العزبه وبكام وشكرا يا كبير

**heshamzaky** · 13-03-2011 11:10 PM

بص الكاربون فيبر حسب مزاجك انت لون عربيتك اية الاول . و بالنسبة للجنوط الى بيبقى موجود مقاس 14 و حاليا مش موجود و سعرة نط لفوق ممكن تلاقيهم ب 700 جنية تقريبا و ممكن 650 بس صعب ب 650 و ممكن ب 800 جنية كمان

**heshamzaky** · 13-03-2011 11:11 PM

دة كاوتش العلايات المقاس دة 3 سنتى تقريبا

**man_faraway** · 13-03-2011 11:14 PM

المشاركة الأصلية كتبت بواسطة heshamzaky

الورق الاستيكر الكاربون فيبر غالى و مش حا يبقى حلو على العربية التمبرا و دة بيتعمل بية الكابوت مش الاجناب . بالنسبة للكاوتش مش حا يعلى العربية زى ما انت عاوز المقاس الاعلى هو 185/65/14 يعنى زيادة فى الارتفاع 1 سنتى فقط عاوز تعلى العربية ركب كاوتش علايات بس ال 3 سنتى كفاية فية اعلى من كدة بس ال 3 سنتى حا يبقى معقول و مش عالى قوى

هشام انا برده العربية لو ركب 3 العربية بتجيب الارض وبما ان الشوارع بتاعتنا وفقا للمقايس الدولية طبعا فالحل اعليها بس سمعت ان التعلية بالكاوتش والكلام ده بيعوم العربية فما تعليقكم على هذا ؟؟؟؟؟

**heshamzaky** · 13-03-2011 11:20 PM

المشاركة الأصلية كتبت بواسطة man_faraway

هشام انا برده العربية لو ركب 3 العربية بتجيب الارض وبما ان الشوارع بتاعتنا وفقا للمقايس الدولية طبعا فالحل اعليها بس سمعت ان التعلية بالكاوتش والكلام ده بيعوم العربية فما تعليقكم على هذا ؟؟؟؟؟

العربية بتجيب الارض لو ركب 3 افراد يبقى المساعدين و السوست عندك فى الطراوة يا باشا مش ممكن تعمل كدة الا لو المساعدين وحشين و أكيد السوست أتأثرت و ريحت ركب السوست ال 6 لفة بتبقى أقوى و ركب علايات 3 سنتى مفيش أى مشاكل

**nona4455** · 13-03-2011 11:22 PM

العربيه لونها كحلي غامق --والعلايات بتركب ورا وقدام لاني قبل كده كنت مركبها للهوندا كانت علايات زلموكه --وياريت يا كبير صور للجنوط الاسبور علشان اعرف شكلها وايه الفرق عن الاصليه في الشكل وشكرا ليك يا كبير

**heshamzaky** · 14-03-2011 12:09 AM

معلش مش عارف أرفع صور دلوقتى . زاجو أبقى شوف الموضوع دة و أنت تعرف الكاربون فايبر دة أية . بص بالبلدى استيكر كاروهات بتلزق على العربية للزينة بس كدة
http://www.nilemotors.net/Nile/201491-a.html

**zago** · 14-03-2011 12:19 AM

المشاركة الأصلية كتبت بواسطة heshamzaky

معلش مش عارف أرفع صور دلوقتى . زاجو أبقى شوف الموضوع دة و أنت تعرف الكاربون فايبر دة أية . بص بالبلدى استيكر كاروهات بتلزق على العربية للزينة بس كدة
http://www.nilemotors.net/nile/201491-a.html

ياباشا الكاربون فيبر ده حاجه زي الفيبر بس اغلى منه منتشره في مصر في العربيات اللانسر
بيفكو الكبوت الصاج ويركبو كبوت كربون فايبر علشان الوزن يخف والرعبيه تبقى اسرع ( كبوت ورفارف وحاجات كده )
الأستيكر بقى انا عارفه بس مكنتش اعرف ان اسمه كربون فايبر برضو