الموضوع: رابطة مالكي وعشاق التمبرا (الجزء الثالث)

أيه التعقيد ده
العالم دي بتعمل كده أزاي
خد عندك زميله ده
turbo124.com • View topic - Fiat Tipo class c 16v Race project Update
http://www.cardomain.com/ride/2594187/1993-fiat-tipo
أنتوا حد منكم ياشباب مركب البارات اللي في الصور دي (ولا شدادات مش عارف)
بس قصدي علي الحاجات الأصلي مش المعمولة محلي

المشاركة الأصلية كتبت بواسطة heshamzaky

اللينك دة كويس جدا و انا عندى الصور دى كنت منزلها من الفورم دة قبل كدة انت بتحب المواتير قوى باين على تفكيريك انا بكرة الشحم و الزيت جدا جدا لعلمك هههههههههههه ما تنزل صور عربيتك و ورينا شكلها انا بحب التيبو جدا جدا و انت كنت جايبها بكام

ياباشا أتفضلها أجيبهالك لحد البيت
عندي كام صورة هبقي أرفعهم ليكوا
بحاول أصلا من كام يوم أحطها في التوقيع مش نافع
بالنسبة لكنت جايبها بكام كانت ب25 بس كانت ست كبيرة مطلعة أيمانها
بس أنا لما شفت العضم بتاعها فابريقة و تمامم قلت مش مهم
بس لفيت علي تظبطها لف
بورسعيد و الوكالة و عزبة شلبي(أيه رأيك)
ده غير شارع دمشق و وسط البلد (الكيلاني شامبليون)
بص بقة جبت أيه من ساعت ماجيبتها من حوالي عشرين شهر
بور سعيد:كبوت \صدر \فانوس خلفي \تابلوه بالعدادات \فانوس أشارة أمامي \2 رفرف \ أكصدام أمامي
عزبة شلبي: رادياتير بالمروحة (و طلع بايظ و لبسته و فعلا العزبة مش عارف عجباكو علي أيه)\ 2كارتيرة \بدلت الأكصدام الأمامي اللي جبته من بورسعيد بواحد تاني عشان طلع تمبرا(وياريتني سبته كان حد منكم أستفاد بيه لأن حالته كانت غريبة و بدلته بواحد تيبو تعبان و دفعت فرق) مش فاكر جبت تاني أيه من العزية
الوكالة:القايم اللي بيتحط عليه الرادياتير و الهوك الأمامي(كانوا شغالين عندي بس دول كانوا كأن العربية اللي هم منها 2012)
زيرو:
4 مساعدين
2 سوسته أمامي
2 طفم دبرياج كامل (بيبوظوا بسرعة لأنهم زبالة و لأن ال1400 ليها فتيسين واحد نفس الدبرياج بتاع ال1600
و واحد صغير زي مأنت قلت قريب للأونو و ده العندي و مبيستحملش)
طنابير و تيل أمامي
وبيض كتر (تقريبا العفشجي بتاعي أومليت)
2 مقصات(دي من الكيلاني غاليين شوية بس أسباني مكتوب عليهم nascar و بجد أبقوا أسألوا عليهم ولو لقيتوهم متترددوش)
و طقم شنبر
و سمكرتها (كل الببان كانت مخبوطة و الرفارف تحس أنها بامبرز مش بامبر و الصدر كان متبهدل و ردياتير زبالة
)و دوكتها و طلع عين أهلي عشان المداد اللي أنا شاري منها تقريبا مكنتش بتعمل حاجة غير أنها تزودها بنزين
طبعا بعد ده كله حاسس أن تظبيط الموتور مش تقيل زي مأي حد ممكن يحس

المشاركة الأصلية كتبت بواسطة zago

استاذ هشام خد الحدوته دي




مره كان في الغابه اسد ونمر وقرد
النمر كل ما يشوف القرد يقوم مديله على قفاه ويقوله ( انت ماشي حافي ليه؟)
بعد كام يوم النمر يشوف القرد يقوم ضربه على قفاه ويقوله ( انت ماشي حافي ليه ؟)

القرد تعب قوي من كتر الضرب على القفا
فقال خلاص ما بدهاش
لازم اروح للأسد اشتكي النمر
يمكن يشوفلي حل او يفهم النمر ان مافيش قرد بيلبس كوتشي
المهم
القرد راح للاسد قاله الموضوع
سياده الباشا الاسد معلش بعد اذنك انا عندي مشكله ..النمر كل ما يشوفني في الغابه يديني على قفايا ويقولي انت ماشي حافي ليه؟؟ هو فيه قرد مش ماشي حافي؟؟
فطبعا سياده الباشا الاسد قاله خلاص رووح انت وانا حشوفلك الحوار ده ( اسد برنس )
المهم الاسد جاب النمر وقاله انت بتعمل كده في القرد ليه؟؟
راح النمر قاله انا مش بحب القرد ده وعلشان كده بتلككله
راح الاسد قاله خلاص بس اتلككله كويس يعني مثلا قوله انك عايز تفاحه ..
لو جابهالك خضرا اضربه وقوله كنت عايزها حمرا
ولو جابهالك حمرا اضربه وقوله كنت عايزها خضرا
لكن مش تقوله انت ماشي حافي لييييه؟؟؟؟

طبعا النمر عجبته الفكره
والنمر ماشي في الغابه قابل القرد راح قايله اطلع فوق الشجره هاتلي تفاحه ....
القرد سأله عايزها خضرا ولا حمرا ؟؟؟

راح النمر ضربه على قفاه وقاله........















انت ماشي حافي لييييييييييييه؟؟


:pointiy2[2]:

جامدة فحت
بس أنا سمعتها كانت مش لابس البرنيطة ليه

حد شاف الموضوع ده
http://www.nilemotors.net/Nile/192306-a.html
حاجة صعبة أوي فعلا