الموضوع: رابطة مالكي وعشاق التمبرا (الجزء الثالث)

المشاركة الأصلية كتبت بواسطة motorule

بص بقة جبت أيه من ساعت ماجيبتها من حوالي عشرين شهر
بور سعيد:كبوت \صدر \فانوس خلفي \تابلوه بالعدادات \فانوس أشارة أمامي \2 رفرف \ أكصدام أمامي
عزبة شلبي: رادياتير بالمروحة (و طلع بايظ و لبسته و فعلا العزبة مش عارف عجباكو علي أيه)\ 2كارتيرة \بدلت الأكصدام الأمامي اللي جبته من بورسعيد بواحد تاني عشان طلع تمبرا(وياريتني سبته كان حد منكم أستفاد بيه لأن حالته كانت غريبة و بدلته بواحد تيبو تعبان و دفعت فرق) مش فاكر جبت تاني أيه من العزية
الوكالة:القايم اللي بيتحط عليه الرادياتير و الهوك الأمامي(كانوا شغالين عندي بس دول كانوا كأن العربية اللي هم منها 2012)
زيرو:
4 مساعدين
2 سوسته أمامي
2 طفم دبرياج كامل (بيبوظوا بسرعة لأنهم زبالة و لأن ال1400 ليها فتيسين واحد نفس الدبرياج بتاع ال1600
و واحد صغير زي مأنت قلت قريب للأونو و ده العندي و مبيستحملش)
طنابير و تيل أمامي
وبيض كتر (تقريبا العفشجي بتاعي أومليت)
2 مقصات(دي من الكيلاني غاليين شوية بس أسباني مكتوب عليهم nascar و بجد أبقوا أسألوا عليهم ولو لقيتوهم متترددوش)
و طقم شنبر
و سمكرتها (كل الببان كانت مخبوطة و الرفارف تحس أنها بامبرز مش بامبر و الصدر كان متبهدل و ردياتير زبالة
)و دوكتها و طلع عين أهلي عشان المداد اللي أنا شاري منها تقريبا مكنتش بتعمل حاجة غير أنها تزودها بنزين
طبعا بعد ده كله حاسس أن تظبيط الموتور مش تقيل زي مأي حد ممكن يحس

بص من الواضح انك عانيت فى عزبة شلبى و الوكالة احنا زى ما قلت لك قبل كدة بنجيب من العزبة من محلين اتنين واحد انا الى عرفت الرجالة علية و التانى الدكتور ضياء هو الى عرفنا علية و الاتنين ممتازين لم تحدث أى مشكلة و موضوع الفتيس لو أنت بتقول أن الفتيس الى عند مش عاجبك شيلة و غيرة و ركب الفتيس الى أنت بتقول بيركب بتاع التمبرا ال 1600 سى سى انت عارف الفتيس بكام الفتيس فى العزبة ب 300 جنية بس من الراجل الى أحنا بنجيب منة السعر دة مخصوص لينا ب 200 جنية و مرمى عندة بالهبل و كان عندة شبكة بفوانيس الى واخدين بومبية بس ما سألتش بكام حا اشوف صورة ليهم عندى و أكتب أسعار الحاجات الى انت مغيرها و أحنا نقولك أسعارها فى التمبرا كام الى أنا عارفة الفانوس الخلفى كلة ب 70 جنية و المقصات الى جبتهم من الكيلانى كانو بكام

المشاركة الأصلية كتبت بواسطة MOTORULE

أستاذ هشام
موجه أول فيزياء كيمياء ميكانيكا
و بتقول أني بحب المواتير
http://www.nilemotors.net/Nile/192734-a.html
ده أنت اللي بابا
أنا تقريبا عندي الموضوع ده
عندي ولا عندك؟

العفو و والله انا بكرة الميكانيكا و مش شاطر فيها على الرابطة معانا وحوش فى الموضوع دة انا فى المواتير أقل واحد بس الكماليات بتاعت العربية بحبها جدا و بهتم بيها قوى و لو الموضوع الاول عجبك شوف الموضوع دة http://www.nilemotors.net/Nile/192307-a.html

المشاركة الأصلية كتبت بواسطة zago

استاذ هشان انت احتليت موضوع الحواديت
هههههههههههههه

وسام صباح الفل ازيك عامل اية تسلم أيدك على الحدوتة بس مش كنت تكتبها فى الموضوع الى أديتك اللينك بتاعة أدخل على اللينك بتاع الحواديت و أكتب زى ما أنت عاوز و أتحفنا يا باشا

المشاركة الأصلية كتبت بواسطة heshamzaky

وسام صباح الفل ازيك عامل اية تسلم أيدك على الحدوتة بس مش كنت تكتبها فى الموضوع الى أديتك اللينك بتاعة أدخل على اللينك بتاع الحواديت و أكتب زى ما أنت عاوز و أتحفنا يا باشا

أنا برده بقول كده يا أستاذ وسام مافيش داعي للمشاركات الكتير اللي مالهاش لازمه زي الحواديت والكليبات الله يصلح حالك مشاركات السلامات والحاجات الإجتماعية بينا زي المقابلات والمواقف اللي بتحصلنا تمام لكن انا شايف كل مشاركاتك مافيهاش غير تهريج حط ياعم تهريجك كله في مشاركه واحده عشان احنا فعلا ما بقيناش ملاحقين على المشاركات من عددها ولو حد داخل من برل على الرابطه مش هايستفبد أي حاجه

المشاركة الأصلية كتبت بواسطة heshamzaky

تسلم أيدك و على فكرة محدش من الناس هنا مركب شدادات و لا لاعب فى العربية لا أظن و مشفتش حد مغير ماعدا مصطفى و هو الى مركب موتور ماريا 2000 سى سى

ياااااا نعممممممم .. أنا سمعت أسمي قولت أرد و أشقر عاليكم

كل عام أنتم بخير

صحيح .. أن شاء الله
ال 2000 20vt في الطريق
بس مش في التيبو ,,, هيكون في حاجة جديدة مفاجأةةةةةةةةةةةةةةةةة

قريب ان شاء الله