بونتو2008 تجميع برازيلى؟؟؟؟

**eng_nagwa** · 24-05-2008 05:44 PM

السلام عليكم

هو يعنى ايه "ها يعملولها فيس ليفت"؟

**Dr.A.Nabil** · 24-05-2008 06:35 PM

انا معايا بونتو 2003

زي الفل والله
بقالها 5 سنين ماتعبتنيش خالص

توكل على الله

هي جميله جدا

**Ahmed Taha** · 25-05-2008 09:41 AM

المشاركة الأصلية كتبت بواسطة eng_nagwa

السلام عليكم

هو يعنى ايه "ها يعملولها فيس ليفت"؟

Facelift هية عملية إعادة تصميم مقدمة السيارة لتصبح ذات مظهر أحدث.

و الصور المرفقة فيها البونتو قبل و بعد العملية.

**eng_nagwa** · 25-05-2008 10:55 PM

استاذ أحمد هى البونتو لية مش منتشرة اصلى روحت شوفتها فى معرض اوماترا واخويا قلى البونتو مش منتشرة ومش من السهل لقدر الله انك تبيعيها يعنى سعر اعادة البيع قليل ... ممكن تقولى راى حضرتك اصلها عجبانى جدا!

**Ahmed Taha** · 26-05-2008 10:12 AM

السيارة مش منتشرة لسببين (و دة على الجديدة بس لكن موديلات البونتو القديمة مالية البلد):

1. أوماترا وكيل عيان مش بيعمل أي مجهود.
2. السوق المصري يلفظ العربيات الهاتش باك و ال 1300 .

إنما الحقيقة أنا لسة جايبها و مقتنع بيها تماما (لأنها تلبي إحتياجات أسرتي بسعر مناسب لإمكانياتي):
1. السيارة مريحة جدا الصالون واسع و الكراسي وضعيتها جيدة.
2. الباور رائع.
3. الشنطة أوسع من أي سيارة هاتش باك في نفس الفئة.
4. إستهلاك البنزين رائع.
5. التكيف مش حلو بس مبيأثرش على المتور بشدة.

و هى مش تقيلة أوي كده في البيع و الدليل الموديلات القديمة سعرها كويس أوي بس بصراحة العنصر دة مدخلش في مقارنتي أصلا.

النصيحة (ما ظلمك من سواك بنفسه): في حدود السعر دة و بعد مقارنة طويلة وانا ممل جدا في الاختيار و مهندس ميكانيكا إخترت البونتو.

**eng_nagwa** · 26-05-2008 11:49 AM

متشكرة جدا على اهتمام حضرتك :) ... البونتو عجبيتنى جدا جدا انا فعلا انبهرت لما روحت المعرض و شوفتها حت اخويا قلى دى تحفة فعلا .. لكن فى نفس الوقت حاول يقنعنى بهيونداى جيتس عشان يعنى موتورها اقوى (بصراحة بعد زيادة اسعار البنزين ان مش شايفة كدة) وكمان عشان كورى و قطع الغيار ارخص .. يا ترى حضرتك عندك فكرة عن اسعارها... و كمان عشان انا اول مرة اسوق فا مش عاوزنى اجيب حاجة قطع غيرها ممكن تكون غالية ... بس انا لية راى تانى لما ممكن ادفع 65000فى عربية ذى البيكانتو او الi10و هما عربيات كورى و1100 ccطيب ما ادفع 75000 فى عربية ايطالى 100%... اتمنى ان حضرتك تفيدنى برايك :)

**tears** · 26-05-2008 11:56 AM

على فكره البونتو برازيلى و محدش ضحك عليك انا متاكد جداااا

**eng_nagwa** · 26-05-2008 12:00 PM

طيب ممكن تقولنا انت متاكد ازاى:) .. يعنى مثلا هل فى موقع لفيات بيقول كده؟؟

**Ahmed Taha** · 26-05-2008 12:02 PM

المشاركة الأصلية كتبت بواسطة tears

على فكره البونتو برازيلى و محدش ضحك عليك انا متاكد جداااا

أنا إشترتها و بلد المنشأ إيطاليا و الشحن من إيطاليا أبعتلك صورة الورق.

و كمان مبتتصنعش في أى حتة خارج إيطاليا.

جبت الكلام دة منين؟

**Ahmed Taha** · 26-05-2008 12:05 PM

المشاركة الأصلية كتبت بواسطة eng_nagwa

متشكرة جدا على اهتمام حضرتك :) ... البونتو عجبيتنى جدا جدا انا فعلا انبهرت لما روحت المعرض و شوفتها حت اخويا قلى دى تحفة فعلا .. لكن فى نفس الوقت حاول يقنعنى بهيونداى جيتس عشان يعنى موتورها اقوى (بصراحة بعد زيادة اسعار البنزين ان مش شايفة كدة) وكمان عشان كورى و قطع الغيار ارخص .. يا ترى حضرتك عندك فكرة عن اسعارها... و كمان عشان انا اول مرة اسوق فا مش عاوزنى اجيب حاجة قطع غيرها ممكن تكون غالية ... بس انا لية راى تانى لما ممكن ادفع 65000فى عربية ذى البيكانتو او الi10و هما عربيات كورى و1100 ccطيب ما ادفع 75000 فى عربية ايطالى 100%... اتمنى ان حضرتك تفيدنى برايك :)

الجيتز هية الوحيدة إلي حيرتني عربية جميلة و قوية و في نفس الفئة السعرية 73000 بنفس الكماليات و في منها أوتوماتيك أعتقد واصلة ل 79000
بس عشان ورايا بيت و عيال و د. نظيف جبت البونتو 1242 سي سي.