الموضوع: بونتو2008 تجميع برازيلى؟؟؟؟

المشاركة الأصلية كتبت بواسطة ahmodium

انا معايا بونتو 2003

زي الفل والله
بقالها 5 سنين ماتعبتنيش خالص

توكل على الله

هي جميله جدا

ربنا يبارك لك فيها ويديك دايما خيرها ويكفيك شرها
هو واضح فعلا انها عربية جميلة واعتمادية وقليلة الاعطال بس الحاجة اللى مخوفانى منها هو الموتور الضعيف وصالونها من جوا ساعات بحس انه صغير اوى وهل فى السفر حضرتك جربتها؟ ولو جربتها ايه انطباعك عنها فى السفر بالذات

المشاركة الأصلية كتبت بواسطة Ahmed Taha

السيارة مش منتشرة لسببين (و دة على الجديدة بس لكن موديلات البونتو القديمة مالية البلد):

1. أوماترا وكيل عيان مش بيعمل أي مجهود.
2. السوق المصري يلفظ العربيات الهاتش باك و ال 1300 .

إنما الحقيقة أنا لسة جايبها و مقتنع بيها تماما (لأنها تلبي إحتياجات أسرتي بسعر مناسب لإمكانياتي):
1. السيارة مريحة جدا الصالون واسع و الكراسي وضعيتها جيدة.
2. الباور رائع.
3. الشنطة أوسع من أي سيارة هاتش باك في نفس الفئة.
4. إستهلاك البنزين رائع.
5. التكيف مش حلو بس مبيأثرش على المتور بشدة.

و هى مش تقيلة أوي كده في البيع و الدليل الموديلات القديمة سعرها كويس أوي بس بصراحة العنصر دة مدخلش في مقارنتي أصلا.

النصيحة (ما ظلمك من سواك بنفسه): في حدود السعر دة و بعد مقارنة طويلة وانا ممل جدا في الاختيار و مهندس ميكانيكا إخترت البونتو.

شكرا جدا على مداخلتك الجميلة بجد
وانت اكتر واحد هتحس بيا عشان احنا مهندسين ميكانيكا زى بعض فانا عشمى هيكون اكتر بقا
انا عايز من حضرتك تقولى الموتور اخباره ايه معاك فى السحب وخصوصا لما تكون محمل معاك اوزان يعتمد عليه ولا يخذلك؟ واخبار استهلاك البنزين بتعمل كام فى الصفيحة ؟ وبخصوص الموتور بقا انت عارف هتوصف لى اداءه ازاى
معلش انا عارف تقلت عليك بس الزمالة و(الزيت والشحم) بيحن بقا

السلام عليكم و رحمة الله و بركاته
يا جماعة
أولا هو مفيش مشكلة إن البونتو تكون برازيلي أو موزمبيقي حتى
المهم أنها فيـــــــــــــــــــات و بونــــــــــــــــتو

و لكن الفيات البونتو كلاسيك ................. صُـــــــــــــــــــــــ نع دولة أيطالــــــــــــــــــــ يا

و بالنسبة لسؤال الأخ جاما
سأرد بحكم خبرتي مع العربيات البونتو بعد اذن الأستاذ أحمد طه
موتورها في السحب كويس قوي لغاية سرعة 100 و بعد كدا بيتقل و السحب بييجي واحدة واحدة
و الكلام ده لما تكون محمل العربية طبعا
و لما تكون لوحدك .,......... سحبها كويس قوي في فئتها ..... يعني ما ينفعش تشد مثلا مع عربية تانية زي اللانسر 1300 أو كورولا 1300 أو فيات سيينا 1400
و ده لأن موتور البونتو 1245 سم مكعب فقط و ليس 1300
ثانيا موتور موفر في البنزين و الجديدة اللي هي 8 صباب بس ممكن تعمل 20 كم لكل لتر عند سرعة 90 بدون تحميل السيارة ... و عند التحميل لن يقل الإستهلاك عن 13 كم / لتر
و المفروض متحطش غير بنزين 92 ........ ال 90 بيبرجل الموتور و السحب بيقل
العربية حلوة و في المناورات كويسة قوي و سهلة الركن

قطع غيارها متوفرة خارج التوكيل و بأسعار معقولة جدا
هناك مركز صيانة معتمد و هو " شركة النيل الهندسية في أبو رواش "
و هما كانوا التوكيل السابق قبل أوماترا .....
يعني أنت مش مرتبط بأوماترا الا في فترة الضمان و بعد كدا أي ميكانيكي بيشتغل فيها و عندك أي مركز صيانة يقدر يعمل فيها اي حاجة .... العربية مش معقدة

اخويا
اشترى بونتو 2008
من حوالي شهر
وبصيت في ورقها

ايطالي
ايطالي
ايطالي
ايطالي
ايطالي

هو بس انا عندي تعليق صغير..
بس بخصوص اللينيا..
انا سألت في المعرض
وواحدة من البنات اللي كانوا واقفين هناك قالتلي انها تجميه تركي..
وأكدت عليها قالتلي تركي.. مش ايطالي..

المشاركة الأصلية كتبت بواسطة hazem_khidr

هيا فعلا تركي يا احمد باشا اللينيا بس
باقي اللي في المعرض تقفيل ايطالي

الف شر يا باشا علي التوضيح..