عندك اللى اشد من دول
كفاية عليك
h22a
قنبلة موقوتة مستنية اللى يضغط على البدال
عرض للطباعة
اة طبعا ليها عموما ال SI - SiR بيركبلهم عادى نظام ABS بس اهم حاجة تجيب المستلزمات بتاعتة
ممكن تقولنا ايه هى المستلزمات بتاعته يا سمسم؟
سامح باشا
معلش ..ممكن تكلمني شوية على المكنة GSR و تقريبا الكود بتاعها والله أعلم b18b
معلش ..شرحك جميل بيخلي اللي مش عايز يسأل ....يسأل برده
وفي الاخر ...إنت يابني فلتة ...قليل قوي الواحد يلاقي شخص زيك ....علشان في ناس عندها معلومات زيك ...بس مش كلهم بيفهموا زيك ....تحياتي
محمد علام
:hrm_prv:
يعني ماشاء الله ....هو مفيش حد يعرف ...يعني عادي يعني لو مفيش سمسم ...وسمسم تقلان علينا ...مش عايزين يعني نتعبه ...ممكن أي حد يرد علينا لو سمحتوا :grinder:
ياباشا ربنا يخليك واسف جدا على التأخير بس انت شايف نادرا محد يدخل يساعد ربنا يقدرنا على القسم دة
عموما ياباشا بالنسبة للكود اللى حضرتك كاتبة فدة فقط المكن ال1800 وبينزل فى الانتجرا و الاكيورا اللى هو بينتهى بكود b وقوتة لا تتعدى ال142 حصان
لكن لو انت عايز حتة gsr يبقى عليك وعلى ال b18c
ومواصفتها : 1800 سى سى
178 حصان
عزم : 17.4
اقصى عدد لفات للمحرك : بيبقى 8550
وطبعا فتيس قوى جدا مزود ب lsd بس كأوبشن مش كلة فية
طبعا نسبة انضغاط : 10:6 يعنى لازم 95 وش
فية بقى من نفس المحرك دة بس بعدة ارقام وطبعا احنا عارفين ان المواتير اللى بتنتهى بارقام بتبقى مخصصة للسوق الامريكى
وفية منها b18c1 ودة قوة وبيخرج 170 حصان
طبعا بعد كدة نزل بقى الوحش ال b18c type r ودة نزل ارقام فلكية كدة
197 حصان وعزم 18.5 ونسبة انضغاط 11:1
ونزل كمان نسخة ال b18c5 بقوة 197 حصان بس طبعا امريكى
يبقى خلاصة القول
انت لو عايز تسقط مكنة حلوة كل حاجاتها موجودة يبقى ال b18c او كما يطلقون عليها GS-R وسعر المكنة يتراوح مابين 6000 الى 7000 جنية
او التحفة ال B18C5 بس لو لقيتها هتبقى غالية
واى حاجة انا فى الخدمة
ربنا يخليك يا سمسم أنا مش عارف اقولك ايه .....تعبك معايا ....بس إن شاء الله أنا بعد العيد هجيب عربية وأنَزّل فيها وحش من الوحوش اللي إنت عارفها ...بس أنا كنت عايز أعمل عربية على ايدي من a to z تنصحني بـ ex ولا si مع العلم إني حبنيها من أول وجديد يعني حعدل كل حاجة فيها من الاكصدام للاكصدام ...ياريت تفيدني ربنا يخليك ...مع العلم إني كنت ناوي أجيب موتوسيكل ريس ...لأني بقالي 12 سنة بركب مكن ...بس إنت عارف الجواز والعيال عقبالك وسني 36 سنة ماينفعش فقررت إن أجيب civic واحوت جوه كبوتها موتوسيكل ويبقى معايا ركوبه وسرعة وفي نفس الوقت نفسي احافظ على العربيه اللي حتبقى معايا إن شاء الله ..أعمل ايه علشان الموتور يعيش معايه فترة حلوة...مع العلم إني شكلي بأمر الله هجيب sir ...مكنه ليها سمعتها ورونقها ..مع إن في ناس كتير بتقول إن المكنه دي بتتعب بسرعة علشان el-v-tech ...وانا مش مصدق الكلام ده بصراحة ....ف معلش حتعبك معايا في بعد النصايح ... وليك الاجر والثواب عند الله ....طولت عليك ...اخوك في الله ...محمد علام
احسن حاجة للمحافظة على اى ماتور مش بس ال SiR
1- تغير الزيت المناسب للمحرك + يكون نوع كويس مش اقل من نصف تخليقى ودة طبعا لل SiR لانة محرك عدد لفاتة سريعة ومحتاج خفة فى الحركة
2- تغير الفلتر كل مرة تغير فيها الزيت
3- الاهتمام بكفاءة البوجيهات
4- عدم القرص بدون داعى والوصول الى الريد زون
اعمل دول وان شاء الله المحرك يبقى تمام معاك
مجهود رائع و معلومات مفيدة
السلام عليكم انا عندى هوندا سيفك موديل 82 وعايز اغير الشم كلها الاربعة ممكن اعرف اروخ فين والسعر كمان miro_miro720 @yahoo.com
انا عندى هوندا موديل 82 عايز اغير الدشم كلها miro_miro720 @yahoo.com
انامعايا مكنةb16w5 عايز اعرف هيا كام hpواية نظامها؟؟
يا جماعة انا عايز اتاكد هل d15z4 هوة اللى بينزل فى مصر مع سيفيك 99 1500اتوماتيك (بور وتكيف بس) ؟ وازا كان كدة لية محدش كتب مواصفاتة ؟؟ اعتقد انة شعبى ومع ناس كتير قوى هنا ؟؟ انا سمعت انة هاف انجيكشن بس مش عارف كام هورس بور ولا توب سبيد ولا اى حاجة عنة ؟؟؟ مع جزيل الشكر للعباقرة :)
سعر موتور هوندا بريليود 1989 يعمل كام هوا اتنين كاربراتير عشان فى واحد عايز يشترية ومش عارف ااولو كام حد يسعدنى في سعرة؟؟؟هو2000 cc
انا معروض عليا مكنهb16a4ب12000 هل هي كويسه من حيث قطع الغيار وايه المفروض يبقي جاي معاها معلش هاتعبك معايا
انت عايز تغير الدشم لية هل فيها عيب ؟؟؟؟؟؟
المكنة دية المفروض انها 4*4 وبتنزل فى ال hrv وقوتها 122 حصان ودية محرك 1600 بالنسبة لحاجاتها قليلة شوية وغالية وفتيسها غالى جدا بيوصل ل10000 الاف جنية استيراد
المحرك دة بينزل فى جنوب افريقيا وشرق اسيا وبينزل مصر عادى وهو موجود فعلا فى اغلب السيارات
وفعلا المحرك دة هاف انجيكشن وقوتة بتختلف من بلد لبلد يعنى فى شرق اسيا بيخرج 90 حصان وفى دول جنوب افريقيا بيخرج 105 حصان وقوة العزم بالنسبة للمحرك ال90 حصان بتبقى 13.4 كجم - و14 كجم للمحرك بقوة 105 حصان , التوب سبيد بتاعتة 185 بالنسبة للمحرك ال90 حصان , و 205 حصان للمحرك بقوة 105 حصان
واقصى عدد لفات للمحرك دة 7.200 لفة , وهو محرك كامة واحدة غير مزود ب vtec
والكود الاصلى بتاعة p2e
قول كود المحرك عشان كل محرك بسعر
بس نصيحتى ليك هات ال b20a محرك بقوة تتراوح من 143 الى 160 حصان بجد وحش بجد وبيعمل 8000 الاف جنية
المكنة حاجاتها موجودة وبوفرة وهية هية b16a فى المكونات بس بتفرق ان المكنة ال b16a4 بتبقى 174 ومخصصة للسوق الامريكى فقط
وسعرها 10000 الاف جنية شاملة كل المكونات ( ضفيرة + فتيس + كنترول p2t + عفشة امامية + هيدر الاصلى بتاع المكنة )
كدة المكنة غالية 2000 جنية
ملحوظة : المكنة دية اصدارها من 1996-2000
بتبقي 174 حصان ولا 156 حصان حضرتك قولت ان الي اخرها a5بس الي بتبقي174 حصان صح ولا ايه
معلش بقى سؤال هو السيفيك موديلات 90 ال 93 ممكن يركبلها b16a ولا لا وهل بتحتاج يتغيرلها حاجة غير اللي بيجي مع الماتور يعني لو كانت هي فتيس اوتو معلش انا بفكر اجيب سيفيك فساعد واسف على الازعاج
اة ينفع بس هتجيب الجيل الاول , وطبعا هيتم تغير الكونسول عشان الفتيس
معلش هو انا هغير الكونسول ليه يعني انا لو جببتها جيل خامس si بردو هحتاج اغير كونسول العربية ليه هو فتيس b16a مختلف ولا ايه ومعلش سؤال تاني هو مينفعش اجيب الجيل التاني او الثالث وهو على العموم b16a بيطحطلو بنزين ايه؟
معلش انا عارف اني بسال كتير بس انا لسة جديد
بالنسبة لفتيس ال si طبعا بيبقى اصغر من الفتيس بتاع ال b16a لان الفتيس دة بيبقى فية نقلة زيادة فى المانيوال بتاعة ( يعنى فتيس ال si بيبدأ من 2 لكن فتيس ال sir بيبدأ من 1 )
وبعدين ياباشا عشان يبقى حضرتك عارف ان موديلات الجيل الخامس بيبدأ من 92-95 والجيل الرابع بيبدأ من اخر 87 الى 91
وعموما انا كان كلامى كلة فى المشاركة الاولى كانت على الجيل الرابع
لكن حضرتك بتسال دلوقتى عن الجيل الخامس ودة بتغيرلة ال shift وبتجيب ال shift الخاص بال sir او عصا النقلات
واغلب الجيل الثالث بيبقى مانيوال
بالنسبة للجيل الثانى والثالث دول اصلا اللى بيركبوا للسيفيك من موديل 92-2000 لكن الجيل الاول خاص بالجيل الرابع
بالنسبة لنوع البنزين المفروض ان الجيل الثانى والثالث بيستخدموا بنزين 95 لكن الجيل الاول 92
وفية بعض محركات ال b16a اللى هية بتبقى اتوماتيك ونسبة انضغاطها 10:2 دية ممكن تستخدم ال 92
يبقى انا علشان افضل استعمل بنزين 92 لان 95 هيبقى مكلف ليا جدا وخصوصا في الزحمة دي اخليني في الجيل الاول مع ان حضرتك كاتب متنصحش بيه ممكن اعرف ليه وهل هو بيركب على الجيل الخامس ولا لا
شوف ياباشا حضرتك معاك الجيل الخامس موديل 92-95 يبقى هتركبلها ال b16a الجيل الثانى او الجيل الثالث والاتنين بيشتغلوا عادى ببنزين 92 بس الاداء هيقل كتير عن البنزين 95
بالنسبة للجيل الاول قوتة 158 حصان والجيل الثانى قوتة 170 حصان والجيل الثالث نفس الكلام بس مع شوية تعديلات حضرتك لو راجعتها فى الموضوع هتلاقينى شارحها كويس جدا
يبقى كدة حضرتك تحط فى اعتبارك انك :
1- محرك b16a الجيل الثانى او الثالث
2- هتجيب شيفت يكون فية d4,d3,2,1
3- هتغير الضفيرة + الكنترول
4- طبعا العفشة بتيجى مع المحرك
لو انت عايز اداء المحرك كامل يبقى مون 95 وعلى فكرة بيبقى اقتصادى بية مش بيطير يعنى
لو انت عايز اداء بس مش بكامل قدرة المحرك يبقى هتحط ال92 لكن اقل من كدة انسى
لكن 92 مش هيقصر عمر المحرك ولا حاجة هو مش الكنترول يا فندم حضرتك بتقول بيجي مع الماتوروبجد انا مش بسال من غير ما اقرا الموضوع انا قراته كله مرتين
البنزين مش هيقصر عمر المحرك لانك بردة مش بتمون 80 يعنى لكن ال 92 ممكن يقضى الغرض بس مش للدرجة لكن لو لقيت العربية بتسقف يبقى كدة غلط والهوندا مش بتسقف اصلا الا بقى لو مونت من بنزينة بنزينها وحش يعنى لو هتمون 92 يبقى تحاول تمون من بنزينة نظيفة وتنظف الفلتر باستمرار - وتمون كل شهر كدة 20 لتر 95 بحيث تفوق المكنة شوية
بالنسبة لمشتملات المحرك بيكون معاة ( ضفيرة + كنترول + عفشة امامية فقط )
الف الف شكر
أولا طبعا
شكر خاص ليك على إثراء المنتدى بمجهود ممتاز وموسوعي وشامل
ثانيا
مين في الأجيال دي يركب على حوض المكوة(لانسر 2001) إلي هو هو نفس حوض البومة؟؟
هو فى مواتير 1800 cc ياريت لو فى اى معلومات عنها واسعارها ؟؟
السعر ده تلقى فين ياسمسم؟! هو هل معقول محرك الانتجرا الـ Type R واللى مصنوع بعض اجزاءه باليد و 200 حصان وفتيس LSD هيبقى أرخص من الـ SiR الماتور ده سعره لايقل عن 18000 جنية وكان في واحد قريب في الحرفيين كامل بحاجته بالاضافه لى ( كبالن - عفشه امامى - وقواعد ماتور - وعداد وعصاية فتيس ) بمبلغ 23 ألف ومن غير الحاجات دى يعنى ماتور و فتيس وظفيرة وكنترول فقط ب 20 ألف
صحيح السعر قليل جداً على ماتور زى ده ...!
على فكرة السعر دة انا سألت علية ومتأكد بس الكلام دة من 8 شهور
والمكنة دية عشان حاجاتها قليلة فمش مطلوبة اوى ويمكن اللى وقعت قدامى دية كانت لقطة بس انا فعلا مالقيتش غيرها فى السوق كلة ساعتها
فى واحد قالى على عربية سيفيك موديل 93 موتور 16 صباب 1600 انجكشن والعربية بدون فتحة سقف تبقى دى si ولا ايه تنا مش عارف لو سمحتوا ساعدونى وده الموتور بتاعها الاصلى
دية هتبقى ex ومتعدلة محرك
هى العربيات هوندا سيفيك مو 93 اللى بتيجى متقطعة وارد الخارج 1600cc 16 صباب اوتوماتك +ايرباج+فرامل abs بتبقى كام هورس باور وكام صباب اا شفتها فى بور سعيد
معلش يا سمسم تعبك معايا
ال1600 صمام وارد الخارج لو امريكى مثلا بتبقى بكود محرك d16z6 ودة كامة واحدة 125 حصان 16 صمام مزود v-tec
ونفس كل حاجة يزيد على اللى عندنا ( 2 ايرباج - abs - مثبت سرعة - مالتى فانكشن - ناقل حركة اوتو مزود بنظام مفتاح لغلق الحركة - زرار لوك منفصل للاربع ابوب عشان لو عايز تقفل منة الابواب وانت ماشى - التحكم فى وضعية سطوع لوحة العدادات - جنوط 15 - وحدة التكييف بها زرار auto للتحكم فى تدفق الهواء اتوماتيكا - مخدع كراسى امامية بعمود واحد من الجنب غير قابلة للتعديل- فوانيس شبورة ) دية الحاجات الاساسية اللى فى العربية فية بقى حاجات اختيارية مش بتنزل مع كل الفئات ( كراسى كهرباء - دفايات فى الكراسى - موزع تكييف خلفى - تنظيف المصابيح خارجيا - ايريال على الاكصدام خاص بالركن - ايموبليزر-مرايات ضم )
طبعا كل دة بالاضافة الى فتحة السقف الكهربائية بمستويين - المرايات الكهرباء - سخان الزجاج - باور - سنتر - تكييف - انذار ......... الخ )