من أحلى المواضيع اللي قريتها في المنتدى .. تسلم ايدك
عرض للطباعة
من أحلى المواضيع اللي قريتها في المنتدى .. تسلم ايدك
ايه رايك يا استاذ سمسم فى سيفيك 1999 اوتوماتك وايه اخبار قطع غيارها من حيث السعر ومتوفرة ولا لأ وايه هيا مواصفات موتورها
طبعا العربية جميلة وقطع غيارها متوفرة , بس اهم حاجة اية اللى معروضة عليك ( الحالة والمواصفات )
ومحركها على حسب المواصفات ( 1500 سى سى واحد كامة 105 حصان , ودة خاص بال lxi , exi
اما ال vti بتنزل بمحرك 1600 سى سى قوتة 125 حصان واحد كامة وكودة d16y8 دة الاصلى بتاعها مزود ب VTEC
فية منها SiR ودية 170 حصان 2 كامة مزود ب VTEC بس هتبقى مانيوال
السيارة جميلة وكل حاجة بس ابعد عن ال LXI لانها فقيرة جدا فى كماليتها لو العربية دية قدامك بسعر كويس هاتها وانت زودلها الكماليات
سلام عليكم يا سمسم ....باقولك ايه كنت عايز رأيك .....أنا المكنة عندي في ال si اللي إنت عارفها ...هي هي ال sir بس من غير v-tech ...
وانا طمعان في ال 30 حصان بتوع ال v-tech بصراحة ...
ماينفعش نجيب وش كامل sir ونحطه على البلوكه ال si ونعدل في الضفيرة والكنترول ..
بس أنا عايز اعرف لو حينفع ....حتكلفني كام ...ياريت تقولي يا سمسم علشان الموضوع ده وكلي دماغي
ازيك ياباشا اخبارك اية
اولا طبعا فية فرق مابين ال d16a9 وال b16a فمستحيل تتم عملية التعديل
شيل الفكرة دية من دماغك المحرك بتاعك ماشاء الله علية 130 حصان مش محتاج لو عايز تفوق المحرك بتاعك ( فلتر اسبور بالماسورة - بوجيهات بلاتينيوم او سبليت فاير - جنوط خفيفة - توطى العربية- زيت تخليقى نظيف ) واتفرج على الوحش اللى معاك
بعد اذن سامح انا حرد لحاد ما يجي و ياكدلك المعلومة
الاول نورتنا في القسم
استوقفني سؤالك فحسيت برغبة كبيرة في الرد
فكرة ان الsir هو هو الsi بس بدون vtec دي معلومة مش صحيحة
لان الsir فئة b و الsi فئة d و دا ليه حاجته و دا ليه حاجته حتى الفتيس مختلف دا باختصار شديد
انت المتور اللي عندك يعتبر احسن مواتير الفئة d و اعلاهم في الاحصنة
يا باشا متشكرين على الرد الجميل ....بس المشكلة إني المكنة مش مكفياني ....أو بمعنى آخر عايز أجمد منها ...بس للأسف معيش فلوس ال sir ونفسي أحس بكفاءة أعلى ....ومعايه بوجيهات ngk iridium وطقم السلوك سبورت ....وعندي الماسورة بتاعت الفلتر stanless مش بلاستيك بس الفلتر صيني جايبهم من عند وليد سلام الحرامي ...طب ممكن أحط ship على الكنترول طيب ترفع الأداء شوية .....وهل لو ركب header وتتغير المواسير كلها بقطر أكبر ....هل ده كله حيفرق معايه ......
أنا عايز الصح يا جماعة لو سمحتوا ....عايز أداء المكنه يتطور شوية
يا جماعة أنا سمعت إن ال si ممكن يطلع من sir نفسه أو ال mivec بجلالة قدره ...بس بتعديلات معينة ...ياريت لو حد ممكن يفيدني في الموضوع ده لو سمحتوا
والكلام لييك برضه يا سامح ....علشان أنتم الإتنين ماشاء الله عليكم ...عندكم فكرة حلوة عن الهوندا
مافيش حاجة حتديلك اداء صح غير انك تتربن , كل بقى الكلام التاني و الهيدر و الفلتر والكلام ده اخره معاك لو عامل كل حاجة صح حيزودلك 10 هورس باور , وخلي بالك لو وسعت مواسير اشكمان من غير ما تظبط التيونينج بتاع البنزين ممكن المكنة متعمرش معاك ,
الاول انت المكنة عندك مظبوطة ؟ يعني مالاخر كدا ايه العربيات اللي بتطلع منك , انا لما كانت معايا كنت بثبت معا ال 325
وانا كمان سبت مع ال 25 وسبت مع ال mivec أولاني تاني واللهِ ....بس إنت عارف لما تثبت جنب العربيات دي ...بيبقى الموتور صوته عامل إزاي ....يعني ممكن هو بيبقى نافخ نفسه جنبي وانا كمان نفس حالته بس هو المكنه عنده مستريحة وانا طلعان عيني جنبه ...
طبعا ده وارد علشان فرق الحصنة بيني وبينه ....بس الواحد بيقول الحمد لله على المكنه اللي تحت رجله ....بس الإنسان طماع شوية ....شكرا يا سنهوري
سنهورى اذيك ياباشا ليك وحشة والله يابنى
دلوقتى يامحمد انت عايز حاجة اقوى من اللى معاك يبقى ال b series غير كدة يبقى انت بتلعب فى الرينج بتاع السيارات العادية بس بتوقيع هوندا يعنى تشد مع الالنترا مع السيراتو لو علمت عليهم يبقى تمام وقول الحمد لله ان عربية محركها شغال بقالة 17 سنة وبتعمل فية كدة
لو عايز تعمل شغل فى الكنترول ممكن تعمل fuel remap ودة بيزود نسبة ضخ الوقود فى العربية بس لازم يكون معاك طلمبة رياضية 255 ps + بوجيهات ngk iridium اصلى
وكدة يبقى تمام اوى بس دة هيزودلك الاستهلاك
سمسم ازيك. انا غيرت الفتيس بتاعي و جبت واحد موديل 97
انا عربيتي el 1993 و عايز موتور d15b vtech
هيركب عادي ولا هعمل حوارات? بكام و اجيبه منين? تنصح بيه? قطع غياره موجودة?
محمد خلف
هيركب عادى بس لازم هتغير الضفيرة كاملة + التانك + طلمبة بنزين + فلتر بنزين + عداد عشان لمبة الاعطال
ربنا يباركلك ياحسام باشا..
إنت راجل محترم
اية الجمال دة يا استاذ سامح
حضرتك دكتوراة فى الهوندا حبيبتى
ربنا يذيدك غنى معلومات و يبارك فيك
استاذ سمسم الكبير
زي ما اتفقنا النهارده انا جبت ال D15B Double Vtech و جاري تركيبه الان
انت كنت عامل مشاركه لشرح ال Vtech قبل كده طب ده Double Vtech ايه بقي بس ياريت الشرح يبقي مبسط يعني بالهجايص عشان انا للاسف علاقتي بالعربيه بدوس بنزين و بس. معلش خنقتك
ديزيل
يركب عندي؟
ودخلت القديم ف البيعة ولا لأ؟
ومين ركبهولك.. وبكام؟
مهندس سامح
انا لما روحت لعادل وجدي.. قالي تسقط 2400 ويركب عندك عادي(مكوة 2001)
عندك فكرة عنه؟
ولو فيه حاجة نفس أبعاد القواعد بتاعته.. وتركب عندي؟؟؟
بس يبقا أقل ف السعة.. والتمن
أولاً ألف مبروك الماتور وهو ماتور ممتاز من ناحية استهلاك البنزين و كأداء وقوة وربنا يباركلك فيه بس أنت جبته مانيوال ولا أوتو ( CVT ) ؟؟
ثانياً أحب أوضح حاجه وخطأ شائع عند كثير من الناس وهو أن نظام التحكم الالكتروني بتوقيت ومقدار فتح الصمام بشكل متغير اسمه الصحيح VTEC وليس VTECH
والمحرك ده بيسموا هنا بى Double VTEC لكن اسمه المتداول في الخارج Stage VTEC D15B- ن3 عشان بيشتغل على 3 مراحل هقولك عليهم
ثالثاً بعد اذن سمسم، هرد و هقولك نظام عمل المحرك ده بشكل مختصر ومبسط ولو حبيت شرح تفصيلى ابقى قول لى أو قول لسمسم نشرحلك لكن أنت لو قريت كويس وبتركيز موضوع نظام الـ VTEC هتلقى كل الشرح المطلوب
المحرك ده من هوندا مزيج مابين تكنولوجيا الـ VTEC العادى وتكنولوجيا الـ VTEC-E وحرف (E for Economy)
المحرك ده بيشتغل ازى ... طبعاً هو 16 صمام.
المرحلة الاولى ونقدر نسميها المرحلة الاقتصادية والتوفير : بيكون شغال 12 صمام وده لحد 2500 أو 3000 rpm كل اسطوانة ( سلندر ) عليها 4 صمامات 2 سحب و 2 عادم .. في الحالة بتاعتنا دى واحد فقط من الـ 2 بتوع السحب اللى بيكون شغال والثانى لأ و الـ 2 بتوع العادم شغالين عادى يبقى كدة 12 صمام اللى شغالين في المرحلة دى اللى بتكون موفرة للبنزين بشكل كبير
المرحلة الثانية : وهيا ما بعد 3000 rpm ولحد 6000 rpm اللى بيحصل الكنترول بيدى اشارة لتفعيل نظام VTEC رقم 1 وهو ان الـصمام الثانى بتاع السحب يشتغل يبقى كدة الماتور ماشى 16 صمام عادى كأنك مركب ماتور 16 صمام طبيعى
المرحلة الثالثة ونقدر نسميها القوة والأداء : ودى ما بعد 6000 rpm الكنترول بيدى اشارة للـ VTEC رقم 2 لتفعيل النظام اللى بيفتح صمامين السحب فقط بمقدار أكبر لتحسين وزيادة كمياة الهواء اللى داخلة للأسطوانة عن طريق ( wild cam-lobe ) وهنا توصل لحد 7000 rpm اللى بتطلع أعلى قدرة حصانية للمحرك وهيا 130 حصان.
الله يبارك فيك يا باشا، انا جبته مانوال عشان مش بحب الاوتو
طب انا عندي سؤال تاني انا ان شاء الله هستلم العربيه يوم السبت اكشف علي الموتور فيين او بمعني تاني اتاكد منين انه بكامل كفاءته عشان انا الموتور اللي كان معايا D15B2 و ده 92 حصان بس فا كده كده الجديد هيبان اقوي بس عايز اعرف انه تمام و الاثنين vtec شغالين و كله تمام
تستلمها على خير ان شاء الله
الكشف على الماتور اما تكشف بنفسك على الطريق بمعنى تكبس وتحرق على الغيارات وتشوف أخباره اية وتسارعه عامل ازى أو أنك تروح اى بنزينه يكون عندها كبس ماتور تكبس وتشوف هيديك نسبة كام % المفروض مايقلش معك عن 75%
موضوع الـ vtec ده و ظبط الضفيرة شغل الكهربائى مش الميكانيكى وحسنى الكهربائى كويس لو هتتعمل معه
لما تستلم وتجرب ان شاء الله وكله يكون تمام ماتنساش بعد أسبوع تغير زيت الماتور والفلتر
بالتوفيق
ايوة طبعا 600 جنية كتير جدااااااااااااااا
اخر جاسم فى المشوار دة لو هيعمل هيرفع المحرك القديم ويسقط المحرك الجديد + طبعا العفشة 450 جنية دة اخرة والمفروض كمان تكون المصنعية لا تتعدى ال400 جنية بكل الاحوال بس احنا حنعمل حساب نظافة الشغل والمكان اللى العربية فية وانة شغال بأيدة
يبقى اخرك 450 جنية