مركز صيانة جديد لبروتون

**mohamedtahaab** · 12-12-2010 09:20 PM

السلام عليكم ------- الاخوي الافاضل / ياريت لو حد جرب مركز الصيانة الجديد لبروتون ( مركز عصام - الصفا بالنزهة الجديدة ) يحكنا عن تجربته - وهل المركز جيد من حيث الخبرة والجودة - وهل متوافر لديه قطع الغيار المطلوبة ام لازم نروح نجبها من الصحراوى - وهل يقوم باعمال السمكرة والدوكو بجانب الصيانة من عدمه------------- وجزاكم الله خير

**mohamedtahaab** · 12-12-2010 09:45 PM

عنوان المركز 25 ش طه حسين - النزهة الجديدة - خلف ملاهى السندباد

**mohamedtahaab** · 12-12-2010 11:53 PM

متابع.....

**ZEN** · 13-12-2010 11:36 AM

السلام عليكم ورحمه الله اسمحولى احكيلكم عن تجربتى مع مركز عصام وصفا
انا روحت المركز امبارح الساعه 4 عملت صيانه 5000 للعربيه بتاعتى sagaبدون مبالغه ناس زى الفل من حيث الخدمه محترمين جدا عندهم مدير استقبال هايل قابلنى مقابله هايله جدا وسمعنى للاخر لانى كان عندى بعض الاسئله فجاوبنى عليها كويس قوى وحسين انه فاهم جدا جدا بعد كده روحت الاستراحه ودى بقى قصه تانيه اول مره اروح مركز اشوف فيه العربيه بيحصل فيها ايه وان قاعد مكانى اما بالنسبه لموضوع الحساب اللى بيخوف كل الناس فاسعرهم كويسه قوى يعنى صيانه 5000 كلفتنى 108 زيت توتال 5000 و41فلتر و40جنيه مصنعيه اما بالنسبه للسمكره والدوكو ربنا يبعدنا عنهم قادر يا كريم قالولى ان القسم ده هيبداء من اول السنه الجديده

**mememsaid** · 13-12-2010 12:54 PM

ارجوا من الناس اللي جربت المركز ده يقولولنا تجربتهم عشان كلنا نبقي نروح هناك

**mememsaid** · 13-12-2010 12:55 PM

وهل المركز ده معتمد من بروتون عشان الضمان؟

**Ahmed.Ali** · 13-12-2010 01:04 PM

المشاركة الأصلية كتبت بواسطة mememsaid

وهل المركز ده معتمد من بروتون عشان الضمان؟

ايوه معتمد

**vsaga** · 13-12-2010 04:58 PM

ده لو معتمد ومش يخرج من الضمان يبقى جامد كيك لان صيانة الخمسة فى التوكيل 350 جنيه
وانت بتقول 200 جنيه تكلفه يبقى كده حلو
حد يعرف الفوج لايت الواحد بكام لحسن عندى واحد طفاه

**mohamedtahaab** · 13-12-2010 07:59 PM

شكرا للا ستاذ/ زين على نقل تجربتك لينا0000 وفى انتظار باقى التجارب ---- وانا ان شاء الله رايح الاسبوع القادم اعمل صيانة ال5000كم لبرسونتى الجميلة وبعون الله سوف احكيلكم عنها --والي عنده اى استفسار من المركز انا تحت امره ----- مع خالص تحياتى وتقديرى لكافة الاخوى المحترمين اعضاء المنتدى

**abdoumahros** · 13-12-2010 08:06 PM

هل المركز ده معتمد من عز العرب؟ ولا مجرد مركز صيانه بيشتغل في بروتون ؟
لاني اعرف ان اسعار الصيانه في مراكز الخدمه المعتمده مثل امير وجوزيف او اوتو ماجد اسعار الصيانه
فيها نفس اسعار التوكيل
وشكرا