حاجه غريبه عند دخول بركه مياه .... محتاج ارائكم بشده

**densfog** · 13-12-2010 03:18 AM

السلام عليكم معشر آل بروتون خاصه وباقى العشائر عامه

فى ايام المطر الشديد فى الأسكندريه .... طبعا برك المياه مش هأوصفهالكم ..... كنت لما ادخل بركه بعجله من العجلات على سرعه 80 تقريبا يحصل صوت غريب فى العجله وأحس ان العربيه هتعوم لولا انى مكلبش على الدركسيون وكمان العجله اللى فى الميه بتقفش (بالمناسبه بركه الميه اللى بتكلم عليها مش عميقه ) والاقى العربيات اللى حولايا ماشيه عادى وبنفس سرعتى...... وحاجه تانيه ودى بجد مش هزار فى بعض الأحيان الاقى ان الميه اللى بيزيحها عجل العربيه جه كله على الأزاز بتاعى وفى بعض الاحيان لأ ...
معلش ياجماعه دى اول عربيه ليا وكمان اول مره اسوق فى ظروف المطر ده فمحتاج ارائكم هل الموضوع ده عادى ولا فى حاجه فى العربيه

**kamalsalem** · 13-12-2010 03:29 AM

نقشة الكاوتش مش بتاعة مطر... ف فرق معامل الانزلاق بين الاسفلت الناشف والمبلول بيأثر... خصوصاً لو تعليق العربية مش تمام

انا بتكلم عامة احسن الناس تشاور عليا وتقول بص بيعيب في الجين 2... بس من ساعة ما المطر بدأ وبدأت الناس تشتكي من الاسفلت المبلول والزليطة.. و"تصادف" انه 2 منهم معاهم نفس العربية ف شكيت ف نوع الكاوتش اللي بينزل معاهم

**mahmoud_magdy** · 13-12-2010 05:38 AM

طبيعي ان العربيه تعوم في الميه وخصوصا اذا دخلت بسرعه عاليه (80 سرعه عاليه في الاجواء دي)
الاهم انك لما تلاقي ميه كتيره متعملش حركه مفاجأه وسوق بحرص شديييييييييييييييييد
متدوسش فرامل بعنف ومتكسرش الدركسيون بعنف
واحده واحده

**alarabiya11** · 13-12-2010 11:58 AM

مفيش حد يسوق فى مياه على سرعة 80 ولا حتى 40

**sayed911** · 13-12-2010 12:36 PM

ده حضرتك اصلا لو درست موضوع السرعة في المياه ها تكتشف حاجة غريبة جدا انتا لما بتدخل على سرعة 80 والعربية اصلا الساجا وزونها الا حد ما خفيف ها تجد انه السيارة اصلا من ماشية في المياه ولكن لأول جزء من الثانية والذي يليه بتكون العربية مفيش تلامس بينها وبين اي سطح موجود يعني بتبقى طايرة في الهواء عشان معامل الإحتكاك بتاع المياه صغير جدا فإلى حد كبير جدا فتكون العربية عايمة مش ماشية وها تحس بالفكرة دي جدا جدا لما تكون ماشي في طريق ( رملي ) وتنتقل على طريق اسفلتي بسرعة ها تحس بمعامل الإحتكاك اختلف تماما .. واعتقد سبب كبير جدا يرجع الى اختلاف فرزات ( النقشة ) اللي على الكاوتش بسبب انه المفروض لكل مجلس حديث يعني لكل جو في الكاوتش بتاعوا وده المفروض ... الجور الثلجي له كاوتش والزلق له كاوتش والمطر له كاوتش والحر له كاوتش ... ولكن الله المستعان واعتقد يا اخي انه الدخول في بركة ماء حتى وان لم تكن كبيرة وغويطة على سرعة 80 كم/ ساعة مخاطرة كبيرة جدا واعتقد انه يجب ان تؤخذ بالإعتبار رد فعل السيارات التي امامك ..... خليك في الهادئ اكتر بكتير يعني كبيرك 30- 40 كم /ساعة حتى عشان مترميش مياة كتير على العربيات اللي حواليك وتسببلهم انعدام في الرؤوية ...... وتحياتي لك اخي وربما يعينك ..

**eslamkasem** · 13-12-2010 01:09 PM

فعلا العيب من نقشة الكاوتش وحتي لحظتها امبارح مكنتش بركه كبيره اوي يعني بس بردو حاسس ان العربيه مكنتش فوق الاسفلت مية في المية يعني وكنت ماشي علي 60 ولما قللت السرعه لقيت ان العربيه اتظبت تاني يا جماعه بلاش سرعة خالص الايام دي في ندي ومطر ورياح خلينا في المعقول ومش هتفرق لو اتأخرنا 10 دقايق بس نرجع لاهلينا كويسين وربنا يستر

**shaddadfalcon1** · 13-12-2010 01:46 PM

انا اساسا لو ماشي وجنب فيه ميه والجنب التاني ناشف بحس ان العربيه هتلف مني ولو داخل بالعربيه كلها في المياه بلاقي العربيه بتفرمل
وانا حاسس ان ده طبيعي جدا

**Raul_7** · 13-12-2010 07:24 PM

80 كم!!

أنا لما بشوف بقعة مية (مش بركة) بهدي عالآخر. إزاي جالك قلب تخش في بركة مية على 80 كم؟

**mido_soliman** · 13-12-2010 07:37 PM

المشاركة الأصلية كتبت بواسطة raul_7

80 كم!!

أنا لما بشوف بقعة مية (مش بركة) بهدي عالآخر. إزاي جالك قلب تخش في بركة مية على 80 كم؟

+11111111111

**shaddadfalcon1** · 13-12-2010 07:53 PM

دايما الواحد بيقلل من اي حته فيها ميه ومش برضي اعدي منها الا لما الاقي عربيه مشيه قدامي
حتي لو هضطر اركن لحد ماحد يعدي قدامي منها الا اذا كنت انا حافظ الحته دي كويس قوي وعارف انها مفيهاش حفر او بلاعات

الموضوع: حاجه غريبه عند دخول بركه مياه .... محتاج ارائكم بشده

LinkBack

أدوات الموضوع

عرض

-

-

-

-

-

المواضيع المتشابهه

دخول مياه التبريد علي الزيت الفتيس

محتاج ارائكم

بعد بحث لمده 20 يوم محتاج رأيكم بشده

حاجه غريبه في ابيزا 94 .. محتاج مساعدتكم..

محتاج ارائكم

الكلمات الدلالية لهذا الموضوع

المفضلات

المفضلات

ضوابط المشاركة