حاجه غريبه في تكيف اللوجان ؟؟

**tamer61** · 15-12-2010 05:54 PM

المشاركة الأصلية كتبت بواسطة saidbakr

بمناسبة الكلام عن التكييف، إيه بقى حكاية إن اللوجان مافيهاش فلتر تكييف؟ هل هذا يعني إن لما تكون في قدامك عربية تانية و لا موتوسيكل بيطلع دخان من الشكمان ، او تكون واقف في حتة فيها تراب، إن الدخان و التراب ده هيدخلك جوة الصالون و انت قافل الزجاج و مشغل التكييف؟

بيتهيألي لو الموضوع كدة، تبقى العملية بقت بوظة خالص!

لما بنشغل التكييف البارد بتكون الدوره مغلقه يعني بتقلب الهواء إللي جوا العربيه بس بتعديه علي السربنتينه علشان يأخذ درجة التبريد إللي إنت ظابطه عليها "زي التكييف ال سبليت بالضبط" يعني مش حيحصل إللي حضرتك قلقان منه.

**M.Osman** · 15-12-2010 06:45 PM

المشاركة الأصلية كتبت بواسطة tamer61

لما بنشغل التكييف البارد بتكون الدوره مغلقه يعني بتقلب الهواء إللي جوا العربيه بس بتعديه علي السربنتينه علشان يأخذ درجة التبريد إللي إنت ظابطه عليها "زي التكييف ال سبليت بالضبط" يعني مش حيحصل إللي حضرتك قلقان منه.

بس لو عايز هواء ساخن في الشتاء ... مينفعش تبقى دورة التكييف مغلقة ..و إلا الهواء داخل الكابينة هيبقى جاف و راكد

الحل هو شراء فلتر تكييف متوافق مع العربية (لو هتستخدم وضع التدفئة)

على فكرة في عربيات كتير في مصر بتنزل من غير فلتر تكييف...منها
الكليو-الفيرنا-السيريون-الياريس(بعض الموديلات)

**saidbakr** · 16-12-2010 04:57 PM

المشاركة الأصلية كتبت بواسطة tamer61

لما بنشغل التكييف البارد بتكون الدوره مغلقه يعني بتقلب الهواء إللي جوا العربيه بس بتعديه علي السربنتينه علشان يأخذ درجة التبريد إللي إنت ظابطه عليها "زي التكييف ال سبليت بالضبط" يعني مش حيحصل إللي حضرتك قلقان منه.

بس يا جماعة لازم تاخدوا بالكم من حاجة مهمة جداً، تخيلوا معايا عربية راكب فيها 4 افراد و مقفولة، و المفروض إنها معزولة صح، و ماشيين على طريق ومشغليين التكييف بتاع العربية، بيتهيألي بالطريقة دي إنهم في خلال ساعة و لا اتنين ممكن يتخنقوا في العربية، ده بالاضافة إلى إن الهوا بيبقى فاسد علشان ما بيتجددش!