الف مبروك و ربنا يباركلك فيها
رقم العضوية : 7360
تاريخ التسجيل : 12Mar2008
المشاركات : 5,819
النوع : ذكر
الاقامة : EGYPT - TANTA
السيارة: LOGAN 2011
السيارة[2]: nothing now
دراجة بخارية: no
الحالة :
السلام عليكم
الحمد لله استلمنا اللوجان امبارح من عند المصرية
العربية اخدناها على 68000 و مدير الفرع كان جايله توصية علشان والدي بس معملش معانا واجب غير أنه سلمنا غطاء للسيارة و طقم دواسات و ميداليتين
مع ان المندوب كلم والدي يوم الاحد و قاله ان الإستلام كمان 10 أيام
العربية كاملة الكماليات لونها نبيتي
بس للأسف عداد السرعة فاصلينه و الكومبيوتر مش بيعد الكيلومتر و اعتقد محتاج reset علشان شاشة استهلاك البنزين
والدي كلم مندوب المبيعات النهاردة قاله انهم فاصلين فيوز من الفيوزات
ورقها قالوا أنه هيوصل يوم السبت فطبعا مش هنعرف نرخصها إلا يوم الأحد إن شاء الله علشان كدة واقفة متغطية تحت البيت أحلى حاجة ان الناس كلها في الشارع عايزين الحلاوة و اولهم عمال محطة البنزين
المندوب اللي سلمنا العربية قعد يشرح في وظائف العربية الحمد لله انا كنت عارف بس قال على حاجة العلبة المدورة اللي عند طرف الكبوت قدم دي قال انها علبة زيت الدبرياج بس قرات في الكتالوج أنه زيت الباور
و احنا بنستلم كان فيه شخص راكب في أوبترا لسة متسلمتش و حارق على المحرك على الآخر أكيد كان شخص تبع المعرض المهم انا إستحرمت أني متكلمش خصوصا أني شميت ريحة غريبة من الشكمان فرحت خبطت للبيه على الزجاج ففتح و بقوله العربية بتطلع ريحة غريبة من الشكمان قالي أصلي بفضي التانك ( بفضي التانك ..؟! يعني لو سبت البنزين دة إيه اللي هيحصل ) فقولتله طيب بالراحة علشان متبوظش التليين قالي لا هي بتيجي متلينة هنا بقى مرضتش أفتي و لا أقوله تليين و لا مش تليين و كمان مش عارف إذا صاحبها واقف و عارف اللي بيحصل و لا إيه ؟
بالنسبة للعربية في الاول كعادة اي شخص بيسوق قديم و مش متعود على الجديد والدي كان مش عارف يظبط رجله على البنزين و ال rpm كان بيعلى منه ( كان معانا 128 )
بالنسبة للتقييم المبدئي للعربية فهي جميلة جدا و بالنسبة للملاحظات اللي قرأتها هنا في المنتدى لم ألاحظها
بالنسبة للأبواب من الداخل فهي مش ضعيفة كما قيل عند غلق الباب
الشنطة ش لازم تترزع علشان تتقفل
بالنسبة لأبعاد العربية هي غريبة شوية بس بالنسبة لموضوع حك الرفارف محتاج بس تركيز أعلى مش اكتر مع وجود المرايات الجانبية
الغيارات مش بتعض و لا بتلخبط و النقلات بتيجي بسهولة الحمد لله
الكاسيت مشكلته أني لو ضغطت على زرار الصوت جامد شوية الوش بيطلع و إستقباله من غير الإريال مش كويس بس بالإريال جيد جدا و صوت السماعات نقي
صوت المحرك فعلا عالي بس من الداخل مش هتسمعه خالص
العربية ناعمة جدا و جراية جدا مع انها لسة ملينتش ( سوقت قبلها 128 و ماتريكس أتوماتيك ) و سحبها دلوقتي زي الماتريكس أن لم يكن احسن
الدبرياج فيه ميزة أني لما أرفع رجلي العربية بتتحرك ببطئ على الأول و الخلفي و الحكاية دي كانت عملالي مشكلة أني مش بعرف أضبط رجلي على البنزين و الدبرياج علشان أطلع ببطئ في ال 128
العربية واسعة و مش لازم أني أرجع الكرسي للخلف مع أن طولي أكثر من 186 سم و إمتداد الأرجل للراكب الأمامي جيدة تحت درج الطابلوة
الكلاكس مع وضعه في الدراع بس سهل في استخدامه
الكابوت مش شايفه و أنا جالس في العربية في الداخل بس طبعا الكلام دة في العربيات كلها
مجملا العربية ممتازة و أكثر من ممتازة و إختيار مناسب
أما عن سبب إختيار اللوجان فهو كالآتي :
1- الإتساع الجيد جدا اللي مش هلاقيه غير في عربيات قليلة
2- كماليات مش هلاقيها إلا في الفئات الأعلى أو في السيارات الهاتشباك المدمجة الصغيرة مع التضحية بحجم السيارة
3- محرك جيد و استهلاك معقول و في بعض الأحيان ممتاز ( وصل مع أحد الأخوة هنا في القسم ل 5 و كسور لل 100 كلم )
4- شنطة فوق الممتازة خصوصا لأمهاتنا و زوجاتنا
5- العزل الرائع
يبقى لما الاقي عربية فيها كل الحاجات دي و بالسعر دة يبقى أكيد بإذن الله إختيار موفق
رقم العضوية : 73494
تاريخ التسجيل : 20Jun2010
المشاركات : 31
النوع : ذكر
الاقامة : اسيوط
السيارة: -
السيارة[2]: لوجان 2010
الحالة :
الف مبروك و ربنا يباركلك فيها
رقم العضوية : 7360
تاريخ التسجيل : 12Mar2008
المشاركات : 5,819
النوع : ذكر
الاقامة : EGYPT - TANTA
السيارة: LOGAN 2011
السيارة[2]: nothing now
دراجة بخارية: no
الحالة :
رقم العضوية : 442
تاريخ التسجيل : 03May2007
المشاركات : 3,648
النوع : ذكر
الاقامة : Egypt
السيارة: 127 & 128
السيارة[2]: Logan 2010 FO
دراجة بخارية: none
الحالة :
ما هو ده الهدف الأساسى من اللى هم عملوه بشيل الفيوز، ان العربية ماتعدش كيلومتر ، وموضوع عداد السرعة جه فى السكة ، ولما يشغلوه تانى السرعة والكيلومتر هيشتغلوا مع بعض.و الكومبيوتر مش بيعد الكيلومتر و اعتقد محتاج reset علشان شاشة استهلاك البنزين
بس بصراحة حركات نص كم.
The only alternative to coexistence is codestruction - Nehru
رقم العضوية : 82476
تاريخ التسجيل : 01Dec2010
المشاركات : 338
النوع : ذكر
الاقامة : Hadayek Helwan
السيارة: ربنا يكرم إن شاء الله
السيارة[2]: Logan 2011 F/O
دراجة بخارية: مش غاويها
الحالة :
الف مبروك يا باشا ربنا يديلك خيرها و يبعدك عن شرها
أدعيلى أنا هحصلك قريب إن شاء الله
رقم العضوية : 35701
تاريخ التسجيل : 16Mar2009
المشاركات : 808
النوع : ذكر
الاقامة : 10th of Ramadan
السيارة: Nissan Sunny - N16
السيارة[2]: Renault Sandero
دراجة بخارية: لا يوجد
الحالة :
الف مبروك و ربنا يديك خيرها و يكفيك شرها
Be GreenEnvironment is Us
رقم العضوية : 7360
تاريخ التسجيل : 12Mar2008
المشاركات : 5,819
النوع : ذكر
الاقامة : EGYPT - TANTA
السيارة: LOGAN 2011
السيارة[2]: nothing now
دراجة بخارية: no
الحالة :
طيب معلش سؤال
أنا قرأت في الكتالوج أن الفيوزات في جنب الطابلوة و فيه جزء من الفيوزات قدام تحت الكبوت
فكنت عايز اعرف فيوزات ايه اللي هنا و ايه اللي هنا ؟
شكرا لحضرتك و ربنا يكرم إن شاء الله و تحصلني و تسبق كمان
شكرا لحضرتك
رقم العضوية : 10496
تاريخ التسجيل : 11May2008
المشاركات : 655
النوع : ذكر
الاقامة : cairo
السيارة: scenic.megane hatchback peugeot 405
السيارة[2]: peugeot605 phase !!
دراجة بخارية: no
الحالة :
ألف مبروك لحضرتك وربنا يقيك شرها ويديك خيرها ويجعلها فى سيبل طاعة الله
رقم العضوية : 77545
تاريخ التسجيل : 12Aug2010
المشاركات : 83
النوع : ذكر
الاقامة : alex
السيارة: لغا يوجد
السيارة[2]: لا املك حتا الان
الحالة :
الف مبروك و ربنا يديك خيرها و يكفيك شرها
رقم العضوية : 47420
تاريخ التسجيل : 17Sep2009
المشاركات : 1,177
النوع : ذكر
الاقامة : dokii/musadaq
السيارة: rabna yesahel
السيارة[2]: renault logan 2010
دراجة بخارية: no
الحالة :
الف مبرووووووك ربنا يبارك فيها و يكفيك شرها
أنا جبتها من عند محمد زكي من غير لا غطى و لا مادلية و لا دواسات بس ملعبش في العداد
ليه بتوع المعارض زباله كده
أول رئيس مدني لجمهورية مصر العربية
[sor2]http://img03.arabsh.com/uploads/image/2012/06/20/0e32444861f306.jpg[/sor2]
المفضلات