حاجه غريبه في تكيف اللوجان ؟؟

**factorialx** · 13-12-2010 02:33 AM

اليومين دولا برد و الجو رائع جدااا خصوصا في الإسكندرية

و أنا راجع من مشوار و الواحد بردان بعد ما واحد قفل عليا و ركن صف تاني و شد الهاند و قعدت أدور عليه العادي بتاع مصر يعني

قلت أشغل التكيف السخن المهم شغلت المروحه و حركت الترموستات لأعلى درجه حمرا و سقت و لقيت هوا سخن طالع بس بصيت على زرار تشغيل التكيف اللي في نقطه برتقالي لقيتها مش منوره يعني التكيف مش شغال بس الهوا سخن

حركت الترموستات لغاية أعلى درجة حرارة ساقعه لقيت الهوا برد

و التكيف مش شغال طيب إزاي ؟؟؟

و لما شغت التكيف كانت درجة الحرارة بتاعت السخن أعلى طبعا

هل دروة تكييف السخن غير البارد يعني مثلا في الهوا السخن الدورة دي ممكن يستفيدوا بيها من جزء الهوا بيكون بيمر عليه و هو سخن فيطلع على طول سخن من سخونية العربية نفسها و لا إيه

هل المفروض إني اشغل التكيف على البارد و أشوف إذا كان الrpm هيعلى و لأ على اساس إن كده هيكون الكومبريسور إشتغل و إن ده معناه إنوا مكنش شغال أصلا و إن الهوا السخن من غير تشغيل تكيف ده جي من العربية نفسها

يا ريت حد يجربها في عربيتوا و يقولي عشان أنا مش عارف دا عييب و لا عادي

و عايز أقول حاجه إن اللوجان أحسن إختيار في فئتها بلا منافس حتى الآن
و كلامنا عن العربية مش دليل إن فيها عيوب كتير زي عربيات تانية
ده بيعكس إن وحوش رينو مش بيداروا حاجه عن العربية و إن عيوبيها كلها معروفه للجميع و إن محدش بيهلل للعربية عشان محدش يقول إنه إدبس فيها

**ahmedbakr50** · 13-12-2010 09:01 AM

السخن بيشتغل من غير ما تشغل الكومبريسور (من غير ما تدوس على الزرار يعنى)

**alaa_nadder** · 13-12-2010 09:38 AM

على فهمى هما دورتين منفصلين . و دورة سخن ودورة بارد . و الأتنين بيعدوا على السربنتينة.....
و أنت بتتحكم فى الحرارة بتاعت دورة السخن من البكرة ....الحرارة دة من سخونة مية الموتور .........و شدة الهوا من البكرة التانية .... كل دة هتلاقييه فى أى عربية حتى لو مفيش تكييف....
دورة البارد أساسا من التكييف لما تدوس الزرار تشتغل و تسقع السربنتينة .... ف أنت بتضبط الحرارة بالوزن بين السخن و البارد

**fox198626** · 13-12-2010 10:47 AM

أنا مجربتش السخن قبل كده بس فيه تحذير فى المانيوال بيحذرك من تشغييل التكييف البارد فى البرد

**tamer61** · 13-12-2010 12:39 PM

المشاركة الأصلية كتبت بواسطة alaa_nadder

على فهمى هما دورتين منفصلين . و دورة سخن ودورة بارد . و الأتنين بيعدوا على السربنتينة.....
و أنت بتتحكم فى الحرارة بتاعت دورة السخن من البكرة ....الحرارة دة من سخونة مية الموتور .........و شدة الهوا من البكرة التانية .... كل دة هتلاقييه فى أى عربية حتى لو مفيش تكييف....
دورة البارد أساسا من التكييف لما تدوس الزرار تشتغل و تسقع السربنتينة .... ف أنت بتضبط الحرارة بالوزن بين السخن و البارد

تمام كده

**Egyzizo** · 13-12-2010 03:26 PM

المشاركة الأصلية كتبت بواسطة fox198626

أنا مجربتش السخن قبل كده بس فيه تحذير فى المانيوال بيحذرك من تشغييل التكييف البارد فى البرد

تفصيل لو سمحت.

**ch_mahm2024** · 15-12-2010 08:29 AM

المشاركة الأصلية كتبت بواسطة fox198626

أنا مجربتش السخن قبل كده بس فيه تحذير فى المانيوال بيحذرك من تشغييل التكييف البارد فى البرد

متابع باهتمام شديد وياريت توضيح المعلومه دى اكتر علشان انا بشغل التكييف البارد فى البرد على الدرجه الاولى لانه لما بقفل العربية بحس بالحر فبضطر لتشغييل التكييف على لدرجة الاولى

**Super_Star_h** · 15-12-2010 01:08 PM

الزرار ده بتدوس عليه اما تكون عايز تشغل الساقع بس

**dell2000** · 15-12-2010 01:44 PM

حضرتك دي اول مرة تشتري عربية فيها تكييف....صح؟؟
عموما عادي جدا الموضوع و مفيش أي قلق و النصيحة الوحيدة خلي التهوية شغّالة على طول مع السخن

**saidbakr** · 15-12-2010 02:01 PM

بمناسبة الكلام عن التكييف، إيه بقى حكاية إن اللوجان مافيهاش فلتر تكييف؟ هل هذا يعني إن لما تكون في قدامك عربية تانية و لا موتوسيكل بيطلع دخان من الشكمان ، او تكون واقف في حتة فيها تراب، إن الدخان و التراب ده هيدخلك جوة الصالون و انت قافل الزجاج و مشغل التكييف؟

بيتهيألي لو الموضوع كدة، تبقى العملية بقت بوظة خالص!

الموضوع: حاجه غريبه في تكيف اللوجان ؟؟

LinkBack

أدوات الموضوع

عرض

حاجه غريبه في تكيف اللوجان ؟؟ - انشر الموضوع فى :

-

-

-

-

-

المواضيع المتشابهه

حاجه غريبه جدا

حاجه غريبه في ال rpm

حاجه غريبه فى كاوتش اللوجان

حاجه غريبه

حاجه غريبه

الكلمات الدلالية لهذا الموضوع

المفضلات

المفضلات

ضوابط المشاركة