اللوجان فعلآ بتعوم فى الميـه ..!

**Super_Star_h** · 13-12-2010 02:13 PM

امبارح واول امبارح كانو يومين صعبين على الناس
وعلى العربيات فى اسكندريه
وكانت اول اختبارات للوجان فى العوم
حيث ان اسكندريه كلها بقت عباره عن بحيرات بحيرات وبس
حتى طريق الكورنيش تحول اللى رمال ومياه واسماك على الطريق
مشهد لن تراه العين من قبل فى الاسكندريه
واكيد الاسكندرانيين شاهدو هذه اللحظات التاريخيه اللتى مرت بها المدينه
المهم قضيت اليومين دول فى شوارع اسكندريه
وتقريبآ العربيه بقالها 48 ساعه مش بتمشى على اسفلت
لا بتعوم فى ميه وبس
طبعآ فى بحيرات نزلت فيها لا يقل مستوى المياه لتحت العتب
لا دى عدت فوق العتب كمان والعربيه بالكامل من تحت شربت ميه لما قالت كفايــــه
والحمد لله ان العربيه عاليه شويه
الا انا اما بشوف مناظر العربيات الواطيه وهى ماشيه
لا تعليق بجد الميه شويه وهتوصل للشباااك
دلوقتى والله انا ما عايز اغسل العربيه فى الجو ده طبعآ لان مالهاش لازمه هترجع تتطين تانى
وسايبها بالطينه بتاعتها فوق وتحت ومن جوه وحتى الماتور مطين
اللى مخوفنى الميه اللى شربتها من تحت دى وانا وبعوم بيها
هل ليها اضرار ؟ ولا ايه مش عارف بصراحه
بس حاسس ان العربيه ادائها كده فى الفرامل والمشى بقى مش مضبط
الفرامل طبيعى عشان الطنابير والشتا والتيل والطينه والميه اللى بتيجى عليهم

**amr.elsayed** · 13-12-2010 03:37 PM

امانة عليك ما تفكرنى باليوم دة ... بس والله علو اللوجان كان ميزة لا تعوض بالذات امس
..................
الثبات كان عادى جدا ... بعد ال 100 انا ما شوفتش عربية ماشية بشكل جيد على الصحراوى بالذات مع وجود الطينة الغريبة
اللى موجودة وحصوات التلج والحصو الرفيع
...................
بجد كان يوم عصيب بالذات الصبح وانا رايح الشغل كانت مهزلة بكل ما تحمله الكلمة من معانى
.................
اسوأ شيئ لاحظته انى ما شوفتش عسكرى مرور واحد واقف بينظم المرور فى خلال 70 كيلو رايح جاى
ادارة المرور تفضلت مشكورة وتركت شعب الاسكندرية يعيش اللحظة مع مياه الامطار الغزيرة والظروف الصعبة .. الف شكر وتحية ليها

**nono533223** · 13-12-2010 04:04 PM

انا من 7 الصبح لحد 9:30 علشان اوصل من سيدي بشر لمصطفي كامل و نزلت كذا مرة اخبط علي ناس فبي العربيات علشان السكة تمشي لان للاسف مكنش في اي عساكر مرور و اقول لده معلش ارجع و ده معلش تعالي شمال و كله قاعد مدفي في العربية و مستني ! ولا البحر !! اعمدة النور مخلوعة من اساسها !! المفروض حديد و طبعا نظام الصرف لا تعليق بحيرات الاسكندرية

**Super_Star_h** · 14-12-2010 03:11 PM

الدنيا كانت بايظه فعلآ والله ده انا راجع من الشاطبى لغايت المندره
يجى كده والله اعلم محسبتهاش بس مش اقل من 3 او 4 ساعات
لما خلاص زهقت وكنت هركنها فى اي حته واسيبها من الخنقه
واللى يقرف ان مافيش مرور فعلآ
والناس واقفه فى الشوارع بتسلك العربيات عشان تمشى السكه
الحمد لله يومين عدو على خير