الموضوع: شاهين بتقطع لما تسخن ولا تقطع مع التكييف

بص يا عم نبيل، لازم نعترف بالحقيقة، وهى ان عربيتك فيها عفريت، والعفريت ده مش هيطلع غير لو عملنا للعربية زار فى مقابر الحرفيين

سيبنا من التهريج ونرجع للجد، بص، هو التصرفات اللولبية للcut off بتاعك توجه له اصابع الإتهام، بس انا مش ناوى اغرمك 160 جنيه بدون ما نقطع الشورت فى البيسين (أقصد الشك باليقين) المرة دى

هنعمل short cut على ال cut off، فردة سلك من موجب البطارية، هنوصلها بفيوز 10 امبير، وبعدين مفتاح كمترة فى الصالون وبعدين توصلها بفردة السلك بتاعة البيك الكهرباء (بدلا من الcut off ، يعنى تشيل الفردة اللى جاية من ال cut offوتركب دى مكانها) تشغل المفتاح الكمترة قبل ما تدور العربية وتطفيه بعد ما تبطل العربية (وممكن برضه علشان تقدر تتابع الموقف تحتفظ باللمبة اللى وصلناها المرة اللى فاتت متوصلة على التوازى مع البيك) ، لو الcut off اليدوى ده حل معاك المشكلة يبقى كدة حسمنا الأمر ونشترى cut off جديد، لو المشكلة متحلتش يبقى انسى الcut off ونفكر فى حاجة تانية زى المشط وعوامة البنزين والكلام ده