الموضوع: شاهين بتقطع لما تسخن ولا تقطع مع التكييف

"سيارتى شاهين 1300 ccموديل 1996، إشعال الكترونى ، احيانا اثناء القيادة لو رفعت رجلى من على دواسة البنزين ينطفىء الموتور ( تقطع ). وتدور فورا عند اعادة تشغيل مفتاح الكونتاكت، وتدور ايضا لو ( عملت تعشيقة وانا ماشى وهذا يرجح ان العيب كهرباء وليس بنزين او من الكونتاكت ).
يظهر هذا العيب فقط بعد سخونة الموتور (حوالى 90 درجة ) ، ولا يظهر والسيارة باردة .
يقل هذا العيب او يختفى عند تشغيل التكييف ( لأن الموتور بيعلى) .
قرأت عن إحتمالات اسباب العيب بالمنتدى ، وبدأت بالمحاولات الأتية : غيرت البوجيهات ، الكشف على كابلات البوجيهات ، وغسيل وضبط الكربراتير.
يتبقى لدى إحتمالين : إستبدال مشط الإسبراتير ، او بوبينة الكهرباء ، وسعرهما متساوى .
لكن ابدأ بأيهما ؟ ايهما يتأثر بالسخونة فيطفىء السيارة؟ وأيهما يقل عيبة مع تشغيل التكييف فيقل عيبه؟ انا فى إنتظار المشورة وحل الفزورة؟"

معلش سؤال الشاهين 96 مكانتش حقن الكترونى كلها كاربيراتير, فهل انت مسقطلها موتور؟
المهم, لو هى كاربيراتير يبقى غالبا "بكة" السلانسيه مسدودة, نتيجة لوجود بنزين به شوائب , و لما بتشغل التكييف الموتور بيعلى.
الحالة التانية, لو هى حقن الكترونى يبقى غالبا الرشاش مسدود, و فيه سائل بيتحط فى البنزين بينضف الرشاش, و ده موجود فى محطات موبيل, أو ممكن تروح التوكيل تكشف على الكمبيوتر.