اشتري الفلوانس ولا استنى التخفيضات الجمركيه

**profahmed_i** · 13-12-2010 04:01 PM

السلام عليكم
لا اريد الاطالة على حضراتكم ولكن لى استفسار بسيط انا ان شاء الله قررت اشتري الفلوانس بس ليه استفسار من اهل الخبرة اشتري الفلوانس ولا استنى التخفيضات الجمركيه في اول يناير
وشكرا

**smartchoice** · 13-12-2010 05:02 PM

أستنى معرض الأهرام من يوم 12 إلى 16 يناير بيبقى فى عروض كويسة و كمان نكون عرفنا التخفيضات الجمركية هتروح لفين
و ربنا يوفقك للى فيه الخير

**M.Elwan** · 13-12-2010 09:26 PM

المشاركة الأصلية كتبت بواسطة profahmed_i

السلام عليكم
لا اريد الاطالة على حضراتكم ولكن لى استفسار بسيط انا ان شاء الله قررت اشتري الفلوانس بس ليه استفسار من اهل الخبرة اشتري الفلوانس ولا استنى التخفيضات الجمركيه في اول يناير
وشكرا

تخفيضات الجمارك على الاوروبى بس والفلوينس مستوردة من تركيا وتركيا مش من دول الاتحاد الاوروبى يعنى التخفيضات لا تسرى عليها

**MASERATI** · 13-12-2010 10:52 PM

السلام عليكم و رحمة الله و بركاته

هل فعلا العربيات اللى جايه من تركيا ماعليهاش تخفيض؟؟؟

أصل أنا اللى أعرفه هى المنشأ الأوروبى , مش الاتحاد الأوروبى وعلى العموم , لو جابت شهادة euro 1 يبقى خلاص , ينزل عليها التخفيض, انا عندى نسخة من القرار بتاع مصلحة الجمارك اللى كان نازل فى ملحق الأهرام من 4 أسابيع فى البيت, لما أرجع هشوفه تانى .

أدام التخفيض هيتطبق فى أول 2011 , يبقى الأفضل أنك تنتظر حتى أول السنة الجديدة و لازم تتأكد من حكاية أن العربيات التركى ماعاليهاش التخفيض دى .

**KiNgMaX** · 14-12-2010 02:56 AM

بصراحة انا لو مكانك استنى
العملية كلها ايام
وحتى لو منزلش عليها تخفيضات ممكن عربية تانية تنزل وتعجبك اكتر
وبالتوفيق

**mahamedaraby** · 14-12-2010 03:39 AM

المشاركة الأصلية كتبت بواسطة m.elwan

تخفيضات الجمارك على الاوروبى بس والفلوينس مستوردة من تركيا وتركيا مش من دول الاتحاد الاوروبى يعنى التخفيضات لا تسرى عليها

فعلا الجمارك تسرى على دول الاتحاد الاوروبى فقط وتركيا خارج الاتحاد فمش هينزل عليها تخفيض

**profahmed_i** · 14-12-2010 03:10 PM

شكرا لكل من تفضل بالرد على استفساري وان شاء الله هانتظر لما نشوف ايه اللي هايحصل

**fisha** · 22-12-2010 12:10 PM

هو اية ياجدعان الخداع دا يعني اية تركيا مش هيبقي عليها تخفيض العربية دي بلد المنشاء فرنسا اتحاد اوربي واذا العربية دي تركي يعني زيها زي الشاهين والحاجات التركي فعلا زي بلد المنشاء يبقي فعلا ميبقاش عليها تخفيض لكن دي رينو بشتريها عشان هي فرنساوي او اي ماركة اوربية بغض النظر هم بيجمعو فين دي حاجة مليش فيها المهم الاداء و اليورو تست بتاعها وطلما دخلت في الاتنين دول يبقي المفروض تدخل في التست درايف والا الواحد يروح يجيب كوري او ماليزي ماهي مش بقت فارقة بقة طلما الرينو قالك علية تركي