الفروق في الاتوماتيك...........؟

**Sameh** · 27-03-2008 03:27 PM

المشاركة الأصلية كتبت بواسطة timo_crosswind

وليه 1300 اتوماتيك سحبه بيكون ضعيف بشكل ملحوظ؟وليه دايما كل الاتوماتيك استهلاكه للبنزين اعلي بالرغم ان المفروض في الاتوماتيك بيغير لكل نقله بشكل قياسي بمعني مفيش حرق مثلا علي غيار ؟

لاحظ حاجتين يا تيمو :

1- معظم العربيات المانيوال اللى ب 5 سرعات ، بيكون الأوتوماتيك بتاعها 4 غيارات بس ، وده يقلل السرعة القصوى للعربية وبيزود إستهلاك البنزين نظراً لإختلاف نسب التخفيض ، يعنى عند نفس السرعة بيكون الآر بى إم (وبالتالى البنزين) أعلى فى الأوتوماتيك عن المانيوال

2- إنت فى أوقات كتير بتبقى الفرامل محملة على الطنابير بسيط والتعشيق لم يتم فكه بالكامل وده أثناء الإنطلاق من الثبات لما العربية تبدأ تتحرك وإنت لسة دايس على دواسة الفرامل وأثناء التوقف من الحركة للسكون ولو لأجزاء من الثانية ، يعنى كأنك بتدى مقاومة قصاد البنزين اللى بيتحرق ، مع التكرار خلال السواقة ده بيأدى لزيادة إستهلاك البنزين وتآكل تيل الفرامل فى الأوتوماتيك أكتر من المانيوال

بس ماتنساش بقا مشاكل المانيوال ، سلك الدبرياج إتقطع ، الفتيس بيعض ، الإسطوانة إتاكلت ، رجليك الشمال طلعلها عضلات :)

**fahd_628** · 27-03-2008 03:55 PM

لأ يا باشا انا مش بتكلم على لانسر و الحاجات دية دية مش عربيات رياضية انا بتكلم على ال Audi Tt و ال M6 العربيات دية الأوتوماتيك فيها اسرع من المانيوال

**timo_crosswind** · 27-03-2008 09:04 PM

الف شكر للجميع علي المعلومات الجميله دي ياجماعه والحمد الله فهمت الفروق ..وعلي فكره ياسامح باشا انا رجلي الشمال فعلا طلع فيها عضلات شكلها زي دسك الدبرياج بس مكنتش عارف ايه السبب شكرا لانك عرفتني:d:d:d