الفروق في الاتوماتيك...........؟

**timo_crosswind** · 25-03-2008 11:48 AM

بعد اذنكم ياجماعه سؤال عن حاجه انا مش فاهمها وارجو الافاده....ايه الفرق بين الفتيس الاتوماتيك العادي... الاستيب ترونيك...والتب ترونيك...الاستير ترونيك ...الايزي ترونيك...واي ترونيكتاني يكون ظهر وانا مسمعتش عنه؟

**hazem_khidr** · 25-03-2008 03:09 PM

مشكله الفتيس الاتوماتيك انه بيستغرق وقت اوطل في النقل بين سرعه و التانيه بعكس الفتيس العادي مع سائق محترف.
و مشكله الفتيس المانيوال هي الدبرياج.
و كان الحل في علب التروس الجديده بالاختلاف مسمياتها سواء كان اسمها تيب ترونيك او ايزي ترونيك او اي تسميه اخري.
و هيا عباره عن علب تروس اتوماتيكيه بتحكم يدوي بدون القابض الفاصل (دبرياج)
لكن برضه السرعه في النقل لم تصل لسرعه نقل الفتيس المانيوال مع سائق محترف

**timo_crosswind** · 27-03-2008 01:35 AM

شكرا ياباشا علي المعلومات دي...بس اكيد في اختلاف بينهم

**timo_crosswind** · 27-03-2008 01:45 AM

وليه 1300 اتوماتيك سحبه بيكون ضعيف بشكل ملحوظ؟وليه دايما كل الاتوماتيك استهلاكه للبنزين اعلي بالرغم ان المفروض في الاتوماتيك بيغير لكل نقله بشكل قياسي بمعني مفيش حرق مثلا علي غيار ؟

**eldeplomasy** · 27-03-2008 02:03 AM

بس لما تنقل على الدرايف اللى هو الدي يبقبى محمل على الموتور وبالتالي زيادة استهلاك بنزين ده غير انك بتعوض ضعف سحب العربية بالضغط الزيادة على دواسة البنزين وبالتالي ايضا زيادة في استهلاك البنزين

وكل الانواع اللى حضرتك قلتها دي مسميات مش اكتر وانواع يعنى مثلا دي شركة اوبل سمت ايزي ترونيك والفولكس سمت بتبرونيك والياباني ليه اسم تاني مش فاكره لكن مفيش فرق كله نفس الفكرة بس الفرق ان في الاوبل بتنقل من الدراع نفسه وفي الفولكس بتنقل من عجلة القيادة نفسها وكده بس

وفي ميزة في الاوتوماتيك غير انه سهل ومريح في الزحمه مفيهوش العيب اللى بيظهر في المانيوال وهو تلف اسطوانه الدبرياج والديسك وبس

**fahd_628** · 27-03-2008 02:13 AM

على فكرة دلوقتى فى بعض العربيات الرياضية الأوتوماتيك اسرع من المانيوال

**eldeplomasy** · 27-03-2008 02:21 AM

ده مش بسبب نوع الاموتوماتيك لكن بسبب نوع الموتور اللى بيسحب لو اقوي من الموتور اللى متوصل بمانيوال فاكيد هيبقى اسرع لكن احنا بنتكلم في حالة ثبات كل الظروف

**fahd_628** · 27-03-2008 03:52 AM

لأ يا باشا انا بتكلم فى حالة ثبات كل حاجة

نفس العربية
نفس المحرك

الأختلاف فقط فى الجيربوكس

**eldeplomasy** · 27-03-2008 12:02 PM

انت لسه بتقول بعض العربيات الرياضية معنى كده ان الموتور رياضي وهو ده اللى مخليها اسرع من المانيوال زي اللانسر ال1600 العادي وال1600 الرياضي طبعا الرياضي هتبقى اسرع من العادي بسبب الموتور لكن لو الاثنين 1600 عادي بس وحده اوتوماتيك والتانية عادي هتلاقي العادي اسرع

**Ahmad Allawy** · 27-03-2008 02:46 PM

موضوع التب ترونيك والستب ترونيك تقريبا نفس الفكرة.. علي عكس الايزي ترونيك بتاع الجي ام مش اوبل بس يعني..
ده فتيس عادي مانيوال بس بينقل بصورة اوتوماتيكية..
ليه طريقة معينة عشان تطلع منه اداء عالي..
ما علينا.. انا بس حبيت ابين الفرق ده انا لايزي ده مانيزال بس مش اوتوماتيك..
بغض النظر انه بينقل لوحده او بطريقة اوتوتاميتكية..