الموضوع: (:@:) ماركات وموديلات السائقين-النوع الأول"مودى غوراز"

المشاركة الأصلية كتبت بواسطة sab3aawy

يعنى هى تقدر تقول حاجة كدة زى علامة اميز بها موضوعاتى لأان لو تلاحظ ان الشريط والصفحة العامة بيطلع فيه اسم اخر واحد رد وليس اسم كاتب الموضوع ، كما انى مش بحب اكتب (سبعاوى) فى عنوان الموضوع ،وبالتالى فمثل هذة العلامة ستكون معروفة لمن يهمه قراءة ما اكتب ، اما من لا يعرفنى فلن تشغله هذة العلامة

بالمناسبة فهذة العلامة انا بستخدمها من ايام كونتاكت من قبل ما ينشأ هذا المنتدى بفترة، اما سبب اختيارى لهذا الشكل الذى يقارب الى حد كبير شكل مصدر لانتشار موجة صوتية او ضوئية، فربما سببه رغبه دفينة فى عقلى الباطن فى ان ينتشر ما اكتب ويقرؤه اكبر عدد من الناس

:) ده بالظبط التفسير التانى اللى انا كنت برجحه.
أما التفسير الاول فهو ان الشكل ده بيعبر عن وجه حضرتك، انا كنت شفت صوره لحضرتك قبل كده.
لو بصيت من اليمين للشمال هايقبلك القوس اللى بيشبه دماغ حضرتك عشان انت اصلع، و الهدف منه انك تبين انك مفكر، و بعد كده النقطتين و دول العينين، و بعد كده علامه @ اللى هى السكسوكه، و النقطتين و القوس متكررين عشان لو حد بص من الشمال لليمين، و انا كنت فاكر ان حضرتك راسم الوجه ماءل 90 درجه كأنه وجه واحد مستلقى عشان توضح الهدوء او التأنى، ده كان تفسيرى :) و أنا عارف انى باجى فى الهايفه و اتصدر :).

جميلة جدا يا سبعاوي
خصوصا الأغنية بتاعتى السباك

شكرا لك موتتني من الضحك

المشاركة الأصلية كتبت بواسطة TAG_Turbo0

جامد جدا الموضوع ده يا بشمهندس
بس كده هتزعل جزأ كبير من أعضاء المنتدى منك
فى انتظار باقى الموديلات
على العموم انا مواليد 86 ومبعملش أى حاجه من الى حضرتك بتأول عليها دى خالص

على فكرة يا شباب، انا لما قلت ان النوع مودى غوراز من انتاج 1983 الى 1990 قصدت انه كل مودى غوراز هو من انتاج تلك الفترة (غالبا يعنى) لكن ليس كل من هو من مواليد تلك الفترة هو مودى غوراز

والفرق طبعا واضح ، يعنى زى مثلا لما نقول ان كل سيارة ريجاتا هى من انتاج 1984 الى 1990 ، لكن بالطبع ليست كل سيارة انتجت من عام 1994 الى عام 1990 هى سيارة ريجاتا، ممكن تكون بولونيز او بيجو 505 او هوندا سيفيك او اى حاجة تانية.

ارجو ان يكون كدة الفرق اتضح لأن انا عارف ومتأكد ان فيه شباب كتير عاقل ولا ينتمى للفئة مودى غوراز :)

ما انا عارف اصلى مواليد سنة 1990