حد يفهمنى بشويش

**cyborg_ift** · 18-12-2010 03:41 PM

المشاركة الأصلية كتبت بواسطة azmeralda

جزاكم الله خيرا

طب وفى صوت لما بدى مرشدير من الفتيس مع انى دايسة دبرياج عالآخر احيانا يجى واحيانا لأ يبقى ده ايه

حاجه من إتنين 1- الدبرياج عاوز يتعلا شويه 2- بتاخدي الغيار غلط

**hema_hn** · 18-12-2010 04:10 PM

المشاركة الأصلية كتبت بواسطة f170

بسم الله الرحمن الرحيم
شكرا يا هيما باشا ده بس من ذوقك
هو انا افتكر ان في حد في القسم التعليمي شرحها قبل كده ...
عموما التسقيفه بتزيد مع البنزين ال80 علشان البنزين ده بيكون اسهل في انه ينفجر مع زياده الضفط وححاول اشرحهالك بطريقه بسيطه
البنزين ليه رقم اوكتان 80 - 90 - 92 - 95 وهكذا
كل ما الرقم ده زاد زادت مقاومه البنزين انه يشتعل لوحده بدون شراره مع زياده الضغط ودرجه الحراره ... ال80 بيستخدم مع المحركات اللي معدل كبسها(حجم المخلوط الأصلي قبل الكبس على حجم المخلوط بعد نهايه الكبس) من 7-8
ال90 بيستخدم مع المحركات الل بتكون من 8 -9- 9.5
ال92 معاك لغايه 10-10.5
وال95 مع المحركات اللي بتكون معدل كبسها 10.5 واكتر وفي في اوروبا بنزين 98 و ده بيستخدم مع المحركات اللي معدل كبسها 11-12

احنا عارفين ان البستم جوه الموتور بيكبس المخلوط(الهوا والبنزين) ده بيكون بقدر معين بمعني... البستم بيطلع وبينزل في الأسطوانه وهو بينزل بيفتح الصباب و بيسحب المخلوط لغايه لما يبدأ يطلع تاني بيتقفل الصباب ويبدأ البستم يكبس المخلوط لغايه اخر مشواره وده بيدي الموتور او غرفه الأحتراق معدل الكبس بتاعها اللي بيكون مثلا في الأكسيل ال1500 9.4 (حجم المخلوط الأصلي قبل الكبس على حجم المخلوط بعد نهايه الكبس) او الأنضغاط ( درجه حراره غرفه الأحتراق بتكون عاليه جدا ) فلو استخدمت بنزين الأوكتان بتاعه قليل 80 مثلا مع الحراره العاليه دي و الضغط الجامد ده البنزين حيشتعل اول ما يزيد عليه الضغط ويعدي 8 مثلا وده بيكون برضه البستم مخلصش مشواره
فيعمل التسقيفه دي بس ده مش كل حاجه في عوامل تاني كتير منها مثلا الضغط على الدواسه بتاعه البنزين مره واحده علشان تسحب بالعربيه بيدخل بنزين اكتر جوه الموتور فبيزود البنزين اللي بيتكبس فبيزود الموضوع ده علشان كده انت بتزود بنزين بشويش بشويش علشان متسمعش الصوت ده
والميكانيكيه بيحتالوا على الأوكتان بأنهم يأخرو كهربه العربيه (الأسبيراتير ) بس على ما اعتقد انه مش بيعمل حاجه قوى لأني كنت مأخر العربيه و كل اللي كنت باخده البطئ الفظيييع في التجميع وان العربيه برضه بتسقف بس بدرجه اقل فرجعتها لأصلها و ماشي ببنزين 90 وباخد اللي انا عايزة من الموتور بتاعي

الله ينور عليك يا معلم
انا جمعت معاك كويس
طيب سعات لما بدوس على الاولانى مش من سكون لا وهى مشية العربية وبطر اجيب اول القيها تسقف معايا يعنى مرة من 20 مرة من غير اى مبرر ولا لزمة
هل ممكن موضوع التسقيف ده يكون خفية موتور يعنى الشمبر مش حاكم فعشان كدا بيطلع وينزل بسهوله
ولا هو بنزين وبس
شكرا هندسا وربنا يبارك فى علمك

**F170** · 19-12-2010 04:36 PM

المشاركة الأصلية كتبت بواسطة hema_hn

طيب سعات لما بدوس على الاولانى مش من سكون لا وهى مشية العربية وبطر اجيب اول القيها تسقف معايا يعنى مرة من 20 مرة من غير اى مبرر ولا لزمة

انت بتستخدم بنزين كام .؟؟؟ و الله اعلم لو 80 يبقى نوعا ما طبيعي لو 90 يبقى الكهربا متقدمة او زي ما الميكانيكيه بيقولوا الكهربا عاليه

اه و انا كنت حصورلك الكاربيراتير عندي علشان اوريلك فين مسمار ضبط البنزين لأنه من ورا مش من قدام
وانت الصور دي بتاعتك ولا بتاعه حد في المنتدى اللي اسمه هنوف؟؟؟ ياريت ارميلي اللينك بتاع المنتدي اللي فيه الصوره دي

**hema_hn** · 19-12-2010 05:08 PM

باشا عامل ايه
شكرا لردك باشا
الصور دى بتعتى
بالنسبة للصور انا كنت رافع على موقع اسمه هنوف
وبعد كدا لما الصور راحت منى
نزلتها من على المنتدى الى رفع عليه الصور قبل كدا
وبعدين رفعتهم على موقع العملاق للصور
وده اللينك بتاعه
العملاق لتحميل الصور

**azmeralda** · 20-12-2010 03:51 PM

thank u

**F170** · 21-12-2010 04:24 PM

المشاركة الأصلية كتبت بواسطة hema_hn

باشا عامل ايه
شكرا لردك باشا
الصور دى بتعتى
بالنسبة للصور انا كنت رافع على موقع اسمه هنوف
وبعد كدا لما الصور راحت منى
نزلتها من على المنتدى الى رفع عليه الصور قبل كدا
وبعدين رفعتهم على موقع العملاق للصور
وده اللينك بتاعه
العملاق لتحميل الصور

اه مانا عارف انك كنت رافع على هنوف بس جيت اددخل على الموقع ده افتكرته فيه قسم للعربيات وكده كنت عايز اشترك فيه ملقيتهوش فعلشان كده سألتك