حد يفهمنى بشويش

**azmeralda** · 14-12-2010 09:38 AM

تسقيف الموتور ده يعنى صوت الكركرة اللى بيحصل لو انت مدى العربية نقلة اعلى من اللى محتاجاها ولا انا فاهمة غلط؟

**yahiahelaly** · 14-12-2010 09:44 AM

بالظبط

**F170** · 14-12-2010 12:10 PM

المشاركة الأصلية كتبت بواسطة azmeralda

تسقيف الموتور ده يعنى صوت الكركرة اللى بيحصل لو انت مدى العربية نقلة اعلى من اللى محتاجاها ولا انا فاهمة غلط؟

بسم الله الرحمن الرحيم

اه بالظبط زي ما انت بتقول وده مش كويس ابدا على الموتور وبيخليه يبوظ الكرنك و البيلات و ده بيحصل بالضبط للأسباب التاليه

ببساطه البساتم بتطلع وتنزل في الشمايز اللي هي المجاري بتاعتها والكرنك بيلف بسبب الحركه دي ... التوقيت بتاع الأشعال بتاع المخلوط (البنزين والهوا) لازم يخلي الشراره تحرق المخلوط وتخليه بمعني أخر بينفجر و البستم بيبدأ مشوار النزول علشان يخلي الكرنك يلف في الأتجاه بتاعه والبستم اللي بعده نفس الكلام وبكده يستمر الدوران بتاع الكرنك والموتور ... تخيل لو انت بطلع السلم وعلى اخر سلمه واحد راح مديلك دفعه لتحت طبعا ممكن يوقعك ويبوظ الطلعه اللي انت بتحاول تعملها
نفس الكلام بالظبط لو الشراره بتاعه الاشعال جت بدري البستم حيكون لسه مخلصش طلوع لأخر مشواره ويفرقع المخلوط فيحاول يدفع البستم للخلف و ده بيكون انفجار فبيعمل زي خبطه في البستم ينقلها هو للكرانك عن طريق البيلات عدل فبيبوظ السبيكه بتاعه الكرانك و البيلات بتاعه... وده بيكون زي طوت التسقيف او الصدمات المتتابعه

**azmeralda** · 14-12-2010 01:37 PM

جزاكم الله خيرا

طب وفى صوت لما بدى مرشدير من الفتيس مع انى دايسة دبرياج عالآخر احيانا يجى واحيانا لأ يبقى ده ايه

**sharko** · 14-12-2010 01:38 PM

المشاركة الأصلية كتبت بواسطة f170

بسم الله الرحمن الرحيم

اه بالظبط زي ما انت بتقول وده مش كويس ابدا على الموتور وبيخليه يبوظ الكرنك و البيلات و ده بيحصل بالضبط للأسباب التاليه

ببساطه البساتم بتطلع وتنزل في الشمايز اللي هي المجاري بتاعتها والكرنك بيلف بسبب الحركه دي ... التوقيت بتاع الأشعال بتاع المخلوط (البنزين والهوا) لازم يخلي الشراره تحرق المخلوط وتخليه بمعني أخر بينفجر و البستم بيبدأ مشوار النزول علشان يخلي الكرنك يلف في الأتجاه بتاعه والبستم اللي بعده نفس الكلام وبكده يستمر الدوران بتاع الكرنك والموتور ... تخيل لو انت بطلع السلم وعلى اخر سلمه واحد راح مديلك دفعه لتحت طبعا ممكن يوقعك ويبوظ الطلعه اللي انت بتحاول تعملها
نفس الكلام بالظبط لو الشراره بتاعه الاشعال جت بدري البستم حيكون لسه مخلصش طلوع لأخر مشواره ويفرقع المخلوط فيحاول يدفع البستم للخلف و ده بيكون انفجار فبيعمل زي خبطه في البستم ينقلها هو للكرانك عن طريق البيلات عدل فبيبوظ السبيكه بتاعه الكرانك و البيلات بتاعه... وده بيكون زي طوت التسقيف او الصدمات المتتابعه

بسم الله ما شاء الله بجد شرح أكثر من رائع

جزاك الله كل خير

**hema_hn** · 14-12-2010 11:46 PM

المشاركة الأصلية كتبت بواسطة f170

بسم الله الرحمن الرحيم

اه بالظبط زي ما انت بتقول وده مش كويس ابدا على الموتور وبيخليه يبوظ الكرنك و البيلات و ده بيحصل بالضبط للأسباب التاليه

ببساطه البساتم بتطلع وتنزل في الشمايز اللي هي المجاري بتاعتها والكرنك بيلف بسبب الحركه دي ... التوقيت بتاع الأشعال بتاع المخلوط (البنزين والهوا) لازم يخلي الشراره تحرق المخلوط وتخليه بمعني أخر بينفجر و البستم بيبدأ مشوار النزول علشان يخلي الكرنك يلف في الأتجاه بتاعه والبستم اللي بعده نفس الكلام وبكده يستمر الدوران بتاع الكرنك والموتور ... تخيل لو انت بطلع السلم وعلى اخر سلمه واحد راح مديلك دفعه لتحت طبعا ممكن يوقعك ويبوظ الطلعه اللي انت بتحاول تعملها
نفس الكلام بالظبط لو الشراره بتاعه الاشعال جت بدري البستم حيكون لسه مخلصش طلوع لأخر مشواره ويفرقع المخلوط فيحاول يدفع البستم للخلف و ده بيكون انفجار فبيعمل زي خبطه في البستم ينقلها هو للكرانك عن طريق البيلات عدل فبيبوظ السبيكه بتاعه الكرانك و البيلات بتاعه... وده بيكون زي طوت التسقيف او الصدمات المتتابعه

دا احنا عندنا فى قسم الاكسلاوية هندسا جامد قوى واحنا مش حسين بيه
الله ينور بجد كان نفسى افهم التسقيفة دى
انا فعلا اعرف انه غلط بس انا كدا فهمت ليه
شكرا ليك باشا
ويريت توضح موضوع التسقيفة بتزيد مع بنزين 80 ليه

**mindvision** · 16-12-2010 03:27 PM

اللي اعرفه كمان من السلبيات ان الموضوع ده بيحرق اسطوانة الدبرياج ....
معرفش صحة الموضوع لكن سمعتها من ناس كتير...

**driver805** · 17-12-2010 12:13 AM

[بالنسبة للدبرياج انة بيزئع ممكن يكون الدبرياج عايز يعلى شوية

**azmeralda** · 17-12-2010 03:14 PM

حضرتك قصدك صوت من الدبرياج ولا صوت الفتيس فى المارشيدير مع الدبرياج

واحيانا الدبرياج بيعمل تكة كده فى النقل

**F170** · 18-12-2010 03:40 PM

المشاركة الأصلية كتبت بواسطة hema_hn

دا احنا عندنا فى قسم الاكسلاوية هندسا جامد قوى واحنا مش حسين بيه
الله ينور بجد كان نفسى افهم التسقيفة دى
انا فعلا اعرف انه غلط بس انا كدا فهمت ليه
شكرا ليك باشا
ويريت توضح موضوع التسقيفة بتزيد مع بنزين 80 ليه

بسم الله الرحمن الرحيم
شكرا يا هيما باشا ده بس من ذوقك
هو انا افتكر ان في حد في القسم التعليمي شرحها قبل كده ...
عموما التسقيفه بتزيد مع البنزين ال80 علشان البنزين ده بيكون اسهل في انه ينفجر مع زياده الضفط وححاول اشرحهالك بطريقه بسيطه
البنزين ليه رقم اوكتان 80 - 90 - 92 - 95 وهكذا
كل ما الرقم ده زاد زادت مقاومه البنزين انه يشتعل لوحده بدون شراره مع زياده الضغط ودرجه الحراره ... ال80 بيستخدم مع المحركات اللي معدل كبسها(حجم المخلوط الأصلي قبل الكبس على حجم المخلوط بعد نهايه الكبس) من 7-8
ال90 بيستخدم مع المحركات الل بتكون من 8 -9- 9.5
ال92 معاك لغايه 10-10.5
وال95 مع المحركات اللي بتكون معدل كبسها 10.5 واكتر وفي في اوروبا بنزين 98 و ده بيستخدم مع المحركات اللي معدل كبسها 11-12

احنا عارفين ان البستم جوه الموتور بيكبس المخلوط(الهوا والبنزين) ده بيكون بقدر معين بمعني... البستم بيطلع وبينزل في الأسطوانه وهو بينزل بيفتح الصباب و بيسحب المخلوط لغايه لما يبدأ يطلع تاني بيتقفل الصباب ويبدأ البستم يكبس المخلوط لغايه اخر مشواره وده بيدي الموتور او غرفه الأحتراق معدل الكبس بتاعها اللي بيكون مثلا في الأكسيل ال1500 9.4 (حجم المخلوط الأصلي قبل الكبس على حجم المخلوط بعد نهايه الكبس) او الأنضغاط ( درجه حراره غرفه الأحتراق بتكون عاليه جدا ) فلو استخدمت بنزين الأوكتان بتاعه قليل 80 مثلا مع الحراره العاليه دي و الضغط الجامد ده البنزين حيشتعل اول ما يزيد عليه الضغط ويعدي 8 مثلا وده بيكون برضه البستم مخلصش مشواره
فيعمل التسقيفه دي بس ده مش كل حاجه في عوامل تاني كتير منها مثلا الضغط على الدواسه بتاعه البنزين مره واحده علشان تسحب بالعربيه بيدخل بنزين اكتر جوه الموتور فبيزود البنزين اللي بيتكبس فبيزود الموضوع ده علشان كده انت بتزود بنزين بشويش بشويش علشان متسمعش الصوت ده
والميكانيكيه بيحتالوا على الأوكتان بأنهم يأخرو كهربه العربيه (الأسبيراتير ) بس على ما اعتقد انه مش بيعمل حاجه قوى لأني كنت مأخر العربيه و كل اللي كنت باخده البطئ الفظيييع في التجميع وان العربيه برضه بتسقف بس بدرجه اقل فرجعتها لأصلها و ماشي ببنزين 90 وباخد اللي انا عايزة من الموتور بتاعي