حصريا لنايل موتورز :تغطية مصورة لمعرض الكويت الدولي للسيارات 2010

**horas3000** · 14-12-2010 11:34 AM

السلام عليكم يا احلي اعضاء
زي ما وعدناكم ده تغطية و تقرير مصور لمعرض الكويت الدولي للسيارات لسنه 2010
و طبعا كان معايا في التغطية دي اخويا و صديقي الاستاذ محمد كمال و اخوه الاستاذ عبد الحميد

بداية المعرض مكون من 4 قاعات
القاعة الاولي ضمت كل من توميلات ميتسوبيشي, دودج, كرايزلر, فيات, الفاروميو, جيب, مازدا, بيجو و كيا. ده بالاضافه الي محموعة من المتوسكلات و بعض المعدلين

ضمن المجموعة دي مكانش في جديد غير الميتسوبيشي ال ASX و اللي كنا عملنالكم تقرير عنها قبل كده و تقديم فيات و الفا روميو عبر توكيلهم الجديد في الكويت و اللي كان عارض كل من الفيات 500 و الالف 159

الفيات 500 عربية صغيرة جميله لكن لا اعتقد انها هتنال نجاح كبير في الكويت بسبب حجمها و سعرها المبالغ فيه بشده لكن تبقي احد تحف الصانع الايطالي الفيات

العربية المميزة التانية كانت الالفا 159 بشكلها العنيف المتوحش
لكن و للاسف هنا تتوقف المميزات
العربية من الداخل فقيرة جدا سواء في الشكل او الخامات حتي مع استخدام الجلد علي الكراسي و الصدمةالاكبر كانت في المتور
متور 3200 سي سي و يولد 191 حصان بس ؟؟؟
دي كانت خيبة امل كبيرة لينا بصراحة

غير كده التوكيلات كانت عارضة معظم موديلاتها التقليدية و هسيبكم مع صور متفرقة من الصاله دي

بعد كده ناتي للصاله التانية
و دي كانت محجوزة بالكامل لتوكيل لكزس و تويوتا
و علي راي محمد باشا توكيل تويوتا بيفكره بالتوحيد و النور
كالعاده زحام غير طبيعي علي موديلات معروفة و محفوظة اللهم الا عربية كوبية صغيره جديدة تدعي زيلاس و ما هي الا احد عربيات سيون و تحديدا ال tc الماركة المملوكة لتويوتا و الي تباع حصرا في امريكا
برضة عربية ذات تصميم تقليدي لا باس بيه لكن بلا روح
و تصميم داخلي غريب و للاسف غير رياضي برضة
و ده كانت العربية الوحيده اللي صوناها في الصاله دي

و دي صورة من النت للداخل لاني معرفتش اصوره

الصاله اللي بعد كده كانت صاله الكبار
و اوعي وشك
راينج روفر, استون مارتن, مرسيدس, بي ام, جاجوار, مازيراتي و اخيرا هوندا

طبعا عشان قصر الكلام
لا تعليق
كفاية عليكم الصور

يرجي عدم الرد
الموضوع لم ينتهي بعد

**horas3000** · 14-12-2010 11:35 AM

يرجي عدم الرد
الموضوع لم ينتهي بعد

**horas3000** · 14-12-2010 11:44 AM

و دي ميني كونتري مان الجديدة

ال X3 الجديدة

يرجي عدم الرد
الموضوع لم ينتهي بعد

**horas3000** · 14-12-2010 11:58 AM

الوحش و مفاجاة المعرض
و افففففففففففففففف

و ما زلنا في القاعة التالته

و ها هنا بقي كان الابهار واخد حده معانا
و توجهما الي القاعة الرابعة و الاخيرة
و اللي كانت و لسوء الحظ قاعة الامريكاني ممثله في جنرال موتورز و فورد
و طبعا سوء الحظ جاء من ان اجدع عربية موجوده ليس لها اي تاثير بعد النحف الفنية الي شفناها

لذا ساكتفي برضة بالصور عشان اي كلام هقوله هيبقي فيه ظلم للعربيات دي

**horas3000** · 14-12-2010 11:59 AM

بس
و بكده تكون الصور خلصت
و ناسف ان في بعض الماركت عدت علينا من غير تصوير زي الكيا و المازدا و البيجو
و للاسف المعرض لم يشارك فيه فولكس او بورش و لا فيراي و بنتلي و اللي كام نفسنا يكونوا موجودين

اتمني يكون الموضوع عجبكم
و ان شاء الله في نية لزياره تانية
لو حد يحب صور او معلومه عن اي عربية لا يتردد
و كله بتمنه ههههه